Категорија: Улици и тротоари

Комуналната изградба се одвива со несмален интензитет. Општината работи на реализација на проектот на тротоарот на улицата „7 Септември“. Се реконструира потегот од „Музеј-Галерија Кавадарци“ до салата „Партизан“.

Според проектот, на овој дел се врши поплочување на тротоар од павер елементи на површина од 900м², а на делот до коловозот постојниот тротоар се пренамени во паркинг со корисна површина од 1.000 квадратни метри, каде ќе се изведе асфалтиран паркинг со нивото на улицата.

Претходно се отстраниа дотраените и оштетени плочи од тротоарот и се подготви подлогата, се ископа ров за нова подземна инсталација за јавното улично осветлување и за операторот „Телеком“, а се санираа и испакнатите корени на дрворедот.

Со овој зафат општината ќе санира еден од најкористените тротоари во градот кој води од центарот кон градскиот парк „Љупчо Шкартов“.

Целта е да се уреди овој простор и да биде многу побезбеден како за пешаците, така и за одвивање на сообраќајот.

Email*

Општина Кавадарци е во фаза на реализација на уште еден проект за ревитализација на улица во градот.

Ангажираната оператива деновиве работи не гребење на стариот и дотраен асфалт на дел од улицата „Солунска глава“. Според проектот во оваа фаза улицата ќе се реконструира на потегото од спојот со ул. „Гоце Делчев“ до спојот со ул. „Народна Младина“.

Општината претходно изврши замена на старите рабници, а во последната фаза од реализацијата на овој проект ќе следи поставување на нова асфалтна подлога.

Email*

Пролетната кампања за комунална изградба во Кавадарци опфаќа интервенции и на мали и споредни улици, кои се мошне значајни за граѓаните.

Оперативата на фирмата „Павер трејд“ денекс започна со реализација на таков проект на Општина Кавадараци во строгиот центар на градот.

Се работи за реконструкција на крак од улицата „Иво Лола -Рибар“ во должина од 30 метри, непосредно до Малиот групен дом.

Најпрвин се отстрани дотраениот и оштетен асвалт, а на негово место се поставува тампон за нивелација, по што ќе уследи поплочување со павер елементи.

Општината и оваа улица ја реконструира на барање на граѓаните.

Email*

Општина Кавадарци продолжува со реализација на комуналниот проект за реконструкција на тротоарите на улицата „Наќо Лазовски“.

Денеска оперативата на фирмата „РМК-градба“ привршува со поставувањето на бехатон плочки на тротоарот од страна на градинката. Паралелно на спротивниот тротоар се подготвува подлогата за негова реконструкција. Претходно таа ги замени старите и дотраени рабници со нови.

Општината ќе ги реконструра двата тротоари со вкупна должина од 400 метри.

Со овој зафат ќе се овозможи подобрена безбедност на пешаците, пред се учениците од ООУ „Тошо Велков-Пепето“, како и зголемување на пропустна моќ на улицата особено во термините кога родителите со автомобили ги носат и ги превземаат децата од градинката.

Email*

Интензивната кампања за комунална изградба на Општина Кавадарци продолжува. Денеска започнаа работите на отстранување на стариот руиниран асвалт и тротоар на улицата „Ило Костов“ веднаш до училиштето „Димката Ангелов-Габерот“ во Кавадарци.

Изведувач на работите е фирмата „ВЕ група“ од Радовиш, која согласно проектот треба да реализира реконструкција на оваа улица на површина од 1300м², како и изградба на тротоар со површина од 400м². На улицата ќе се постави нов асвалт,а тротоарот ќе се поплочи со павер елементи.

Реконструкцијата на оваа улица е на барање на жителите, с до нејзината релизација придобивки ќе имаат и учениците од „Габерот“ кои многи побезбедно ќе комуницираат кон школото.