Категорија: Настани

Заменик градоначалникот на Општина Кавадарци д-р. Никола Трендафилов со претставници на општинската администрација, ЈП„Комуналец“ и Полициската станица Кавадарци синоќа имаа средба со граѓаните од Месната заедница Возарци, во рамките на подготовката на Програмата за комунална изградба 2020 година. Во обраќањето Трендафилов потсети на реализираните проекти од програмата за 2019 година. Присутните граѓани во дискусијата имаа можност да ги изнесат свите ставови и забелешки, како и да посочат приоритети кои треба да
бидат дел од новата Програма за комунална изградба во 2020 година. Тие укажаа на повеќе локални комунални проблеми, а побараа од општината како врвен приоритет да биде решавањето со проблемот слабиот капацитет на фекалната канализација. И посочиа на општината да го уреди дворот на подрачното училиште, да се санира покривот, како и внатрешно уредување на училниците и помошните простории. Нагласиjа дека потегот на општината за изградба на детска градинка е за поздравување, впрочем како и сите досегашни ангажирања на градоначалникот во делот на комуналната изградба, но бараат градинката да не се предава во употреба додека не се уреди просторот оклу истата.
Побараа поголема контрола на сообраќајот од страна на
полицијата особено на брзото и непрописно возење на тешките товарни возила како низ селото така и на регионалниот пат Кавадарци-Прилеп, со што би се намалила опасноста од сообраќајни несреќи како и неподносливата бучава од тешките возила. Возарчани побараа од општината и поголем ангажман во делот
на екологијата. Сите нивни забелешки беа нотирани и ќе станат составен дел од програмите на општината за буџетот 2020 година.

Градоначалникот на Општина Кавадарци м-р. Митко Јанчев со соработниците синоќа започна со традициоаналните средби со граѓаните во Урбаните и Месните заедници во рамките на подготовката на Програмата за комунална изградба 2020 година.

И годинава Јанчев првата средба ја имаше со жителите на Ваташа која се одржа во салата на Спомен домот „12 Младинци“. Во обраќањето градоначалникот потсети што се е реализирано од програмата за 2019 година. Во рекапитуларот тој ги потенцираше изградбата на кејот во селото, изградбата на новиот мост, реконструкцијата на Спомен домот како и  реконструираните улици.

Во приоритетите за идната година ги посочи, изградбата на спортската сала во училиштето, пешачката патека кон „Моклиште“, спојување на кејот до мостот „Слога“, изградба на колектор од браната „Моклиште“ до Ваташа, како и продолжување со реконструкцијата на улиците.

Присутните граѓани искажаа едногласна благодарност за досега сработеното, а посочија и предлози кои треба да бидат дел од новата програма. Тие укажаа на повеќе локални комунални проблеми, а побараа приватниот партнер од малите хидро централи да ја почитува обврската за биолошки минимум на вода во коритото на Луда Мара, инсистирање за изградба на обиколницата која би ги пренасочила тешките возила од улиците на Ваташа со што ќе се намали бучавата, како и да се отстранат нерегистрираните и стари возила од сообраќајот кои се реална опасност додека сеуште се нема случено некоја трагедија, како и интервенции на јавното улично осветлување.

Нема веќе деца на чекање на листата во ОЈУ Детската градинка “Рада Поцева„.Со изградба и пуштање во работа, на Единицата „Снежана„ беа ставени во функција доградбите на постојните Единици во Кавадарци, со што се решава прашањето со згриженост на децата.

Општината ги вложи средствата за изградба а Министерството за труд и социјална политика ги опреми објектите, со што истите се веќе ставени во работа и се функционални.Нема веќе листи на чекање. Над 120 деца ке го најдат своето место во градинките.

Кавадарци е град каде наместо да паѓа , расте наталитетот.За децата се води максимална грижа.

Покрај деца, родители и граѓани на свеченоста во „Снежана„ присуствуваа:Министерката за труд и социјална политика Мила Царовска,градоначалникот М-р Митко Јанчев,претседателот на ОО на СДСМ Кавадарци-Горан Тодоровски,директорката на ОЈУДГ-Цанка Добринова .

На свеченоста децата од „Снежана“ изведоа пригодна програма.

Денеска попладне градоначалникот на Општина Кавадарци М-р МИТКО ЈАНЧЕВ приреди прием за конзулите на Македонија во повеќе земји во Европа и светот .
Околу 30-сетина конзули кои ја претставуваат државата во странски земји беа запознаени со економските потенцијали и проектите кои и претстојат на Општина Кавадарци. Градоначалникот Јанчев ја искористи приликата да ги покани и со тоа да придинесе за интересот околу финасирање на проектите кои Општината ги има планирано за реализација наредниот период.
-„Целта на посеатата е, да ја преставиме Општината во добро светло а истовремено да привлечеме капитал кој ќе биде вложен за подобар натамошен развој“- изјави претседателот на Регионалната стопанска комора со седиште во Кавадарци Никола Наумов.
Потоа, високите гости , со домаќините од Општина Кавадарци и Министерството за надворешни работи, посетија три стопански објекти од економската сфера на градот: „Кожувчанка“, „Слога Пром“ и ВВ „Тиквеш“, при што беа информирани за нивнито работење.

Email*

Градоначалникот Митко Јанчев оствари средба со професори од средни училишта од Полска, Хрватска и Германија кои работат на проектот Дигитално учење -Европа од програмата ЕРАЗМУС во партнерство со СОУ Добри Даскалов. На средбата Градоначалникот даде целосна поддршка на проектот кој е во тек и на проекти кои ќе започнат во иднина.

Email*