Категорија: Настани

На иницијатива на Месната зедница од селото Ваташа, градоначалникот м-р. Митко Јанчев со стручниот тим од општината оствари средба со жителите на тема комуналната изградба во 2019 година. Акцент во дискусијата беше ставен на тековниот проект за регулација и урбанизација на кејот на реката Луда Мара во должина од 760 метри, на поптегот од „Ваташкиот мост“ до паркингот кај зградите „Силекс“.

На средбата жителите искажаа поддршка на проектот со кој се урбанизира коритото на реката низ Ваташа, но изразиа сомнеж, реагираа и дискутираа со меѓусебни спротивставени ставови околу бетонирањето на минорното корито и длабочината на каскадите и слапиштата. Побараа одговор на нивната дилема, „Зошто каскадите наводно се граделе несоодветно“. Овој нивни став беше заснован на дезинформации околу проектот.

Но после објаснувањата од надлежните стручни служби на општината, како и изведувачат „Градба промет“ реакциите на граѓаните се смирија.

Во обраќањето пред ваташани градоначалникот Јанчев изкажа разбирање за нивните реакции, но им порача: „Јас имам целосна доверба во проектот и изведувачат. Ова го работиме за доброто на сите. Изградбата на кејот ќе помогне во регулацијата на речното корито, а воедно и ќе создаде поубав урбанизиран лик на Ваташа“.

На крајот од средбата градоначалникот Јанчев ујште еднаш ги потсети ваташани на интен зивната комунална изградба во која покрај кејот, тие во 2019 година ќе добијат нов мост за побезбеден сообраќај, ќе се гради велосипедско пешачка патека до браната Моклиште, а како наредна фаза е и проектот за реконструкција на покривот на спомен домот „12 Младинци“.

Со полагање на букети свежо цвеќе пред бистата во спомен куќата во Ваташа беа одбележани 76 години од убиството на народниот херој Страшо Пинџур.

Цвеќе во името на градоначалникот, советот и општината положи делегација предводена од претседателот на советот Ристо Сакалиев. Пред бистата на херојот почит оддадоа и претставници на Сојузот на борци и почитувачи на придобивките од НОБ Кавадарци, од училиштето „Страшо Пинџур“ и делегација од Лоаклен-Музеј и галедија од Кавадарци.

Ученици од ООУ „Страшо Пинџур“ изведоа пригоден рецитал за патронот, а Марија Михова од Музеј-галерија Кавадарци прочита пригоден реферат за животот и делото на народниот Херој Страшо Пинџур.

На 4 јануари 1943 год. во скопскиот Областен затвор е убиен Страшо Пинџур, еден од најзначајните револуционери од поновата историја на Македонија. Роден е на 5 март 1915 г. во Струмица, каде неговиот татко работи како учител. Се образувал во Ваташа, Кавадарци, Горњи Милановац, Неготин Краина, Крагујевац и Белград.        Во Крагујевац започнува неговата револуционерна дејност, кога смело се спротивставил на психологот Василие Правуловиќ, кој генерално ги омаловажувал македонците како народ. Во Белград станал член на МАНАПО и член на студентскиот акционен одбор. Во 1939 г. ја обновува работата на КП во Кавадарци.

Поради неговата револуционерна определба бил на два пати апсен пред војната во 1938 и 1940 година. Во 1941г. е инструктор на Покраинскиот воен штаб, а во 1942 г. ичлен на Покраинскиот комитет и член на Главниот штаб на Македонија.

Во ноември со Мирче Ацев се испратени во Велес да ја средат работата на Месниот комитет од овој град кој настрадал по разбивањето на партизанскиот одред „Димитар Влахов“. Уапсени се со Мирче и однесени во Скопскиот затвор, каде се безмилосно тепани и измачувани од страна на бугарските агенти.

Страшо починал како последица од тепањето на 4 јануари 1943 година, и до денеска не се знае каде е неговиот гроб.

За народен херој е прогласен на 29.07.1945 година.

Општина Кавадарци се вклучи во проектот Банка на храна. Проектот „Нула  глад  во  Општина  Кавадарци“,  има за цел да обезбеди  помош и поддршка за социјално загрозените и сиромашни граѓани. Акцијата се спроведува благодарение на кавадаречкиот градоначалник Митко Јанчев, локалната самоуправа и компаниите кои се вклучија во оваа хумана мисија. Кавадарци е меѓу ретките градови во регионот и Европа кој ќе го решава овој проблем.

Градоначалникот вели дека општината обезбеди простор за чување на храната и возило за нејзина дистрибуција до социјално ранливите семејства. Стотина социјално загрозени  семејства од Кавадарци ќе добиваат достоинствен оброк. Општина Кавадарци очекувa дека бројот на корисници ќе соодветствува со реалната бројка на вистински социјално загрозени семејства .

„Тој нагласува дека идејата е Кавадарци да биде општина каде ќе нема гладни и ги повикува и останатите од бизнис секторот да се вклучат со свои донации во банката за храна,  а истото можат да го направат и граѓаните кои сакаат да помогнат на сиромашните“.

Бизнис секторот, локалната самоуправа и еколошкото друштво „Еко живот“ во соработка со Банката за храна на Македонија ќе обезбедуваат храна за луѓето кои поради сиромаштија неможат да си обезбедат оброк.

Роберто Паризов од „Еко живот“ вели: „Би било добро да направиме напори банката да доставува неколку пати во месецот храна и хигиенски производи“. Додава дека се отворени за соработка и секој што сака да ја покаже својата хуманост може да достави прехранбени пакети.

Душко Христов од Банката за храна истакнува дека  Кавадарци е меѓу ретките градови во регионот и Европа кој ќе го решава овој проблем.

Градоначалникот на Општина Кавадарци м-р Митко Јанчев во големата сала на општината го организираше традиционалниот новогодишен прием на кој присуствуваа гости од општествено политичките организации и претпријатија, од стопанството, културата и НВО секторот.

Во обраќањето пред гостите градоначалникот Јанчев го изрази задовоството од соработката на сите политички субјекти. Говореше за реализираните проекти во 2018 година, како и за широката поддршка во советот на општината кон проектите предложени од негo, кои се во полза на градот и граѓаните на  општината.

Јанчев во своето новогодишно обраќање истакна дека во целост е задоволен од сработеното во 2018 година. Градоначалникот потенцираше: „Во годината која изминува успешно спроведовме прокет единствен на овие простори па и пошироко, насловен „Мој општинар“. Во директни контакти на терен со граѓаните, преку вработените во оваас лужба општината имаше катадневен увид во состојбата во градот. Директното реализирање на потребите на граѓаните и нивното брзо отстранување ги дадоа очекуваните ефекти и резултатаи. Во 2018 интензивно работевме на хортикултурно уредување, како и на подигање на комуналната хигиена во Кавадарци. Комуналната изградба се одвиваше непречено и со засилен интензитете како во градот така и во селата во општината. Работата донесе резултати кои граѓаните ги препознаа и позитивно ги оценија.

И во 2019 ќе продолжиме со несмалено темпо кон заедничката цел, Кавадарци да биде убаво место за живеење од каде младите нема да бегаат.“ подвелече Јанчев

Честитки кон граѓаните и изјави за медумите искажаа и членови на советото на општината:

Ристо Сакалиев,п ретседател на Совет на Општина Кавадарци:  „2018 година ми беше најтешка и најубава. Работев по 15 часови дневно, Во советот беа  Донесени над 500 одлуки за од разни области“.

Лазар Туриманџов, координатор на советничката група на СДСМ: „За нас ова година е успешна. Во Кавадарци се гради. Аномалиите од старите одлуки ги отстранивме. 2019 ке биде подобра“

Зоран Јованчев координатрор на совтничката група на МВРО-ДПМНЕ: „Годината ја оценуваме за одлична. Како ВМРО-ДПМНЕ сите одлуки од градоначалникот ги прифативме. Ние би биле задоволни ако Програмата за  наредната  2019 биде исполнета  најмалку со 70 насто.

Нова детска градинка, доградба и преадаптација на веќе постоечки објекти во детска градинка, изградба на заобиколница Западен булевар, нов паркинг, реконструкција на уличното осветлување. Ова се само дел од проектите кои општина Кавадарци ќе ги реализира во 2019 година, а ќе се финансираат со пари од буџетот чија проекција беше усвоена од советот на Општина Кавадарци на 19 редовна седница.

Раководителот на секторот за финансии Цанка Јовановска, пред членовите на советот даде образложение на финансискиот документ на Кавадарци за следната година. „Предлог буџетот на општина Кавадарци е димензиониран на вкупен износ од 972.254.000 денари, од кои,  основниот општински буџет изнесува 465 милиони денари, приходите од само финансирачки активности 55  милиони денари, приходите од дотации 370 милиони денари, прихоите од донации 16 милиони и прихдоите од кредити 65 милиони денари“

Општинската каса на Кавадарци за 2019 е планирано да тежи близу 16 милиони евра. Советниците дадоа едногласна поддршка и нагласија дека буџетот е прилично амбициозен.

Градоначалникот Митко Јанчев е оптимист дека во најголем процент планираните приходи ќе бидат реализирани. Јанчев рече дека 2019 е година на многу предизвици во повеќе области за Кавадарци. Во буџетот Кавадарци има планирано и значајни средства што треба да ги добие од централната власт за проекти кои ќе ги финансира државата.

„Во делот на развојната програма за 2019 година  Кавадарци има предвидено поголема стапка на развој. Опфатени се повеќе јавни објекти. Го ставаме во програма зелениот пазар, паркингот, кружниот тек кај Тиквеш и порачани се повеќе физибилити студии за јавно приватно партнерство“ елаборираше Јанчев и нагласи  дека повеќе проекти кои се тендерирани годинава ќе се финансираат со пари од буџетот за следната година.

Во приходите влегуваат и парите за данок на имот на новите 4500 граѓани кои досега не биле евидентирани во системот за данок на општината.