Категорија: Настани

Пожар во ООУ „Страшо Пинџур“.  Ова беше дел од сценариото за денешната показна вежба што се реализираше во ООУ „Страшо Пинџур “ Кавадарци.

Вежбата ја следеа учениците од училиштето, потоа градоначалникот Митко Јанчев, претставници од Дирекцијата за заштита и спасување, од Центарот за управување со кризи, како и командирите на Територијалната против пожарна единица и на Полициската станица од општа надлежност од Кавадарци.

Показната вежба се темелеше на интервенција при пожар во просториите при што интервенираа пожарникарите, брзата помош, подмлаткарите на црвениот крст  со асистенција на локалната полиција.

Пожарникарите веднаш по повикот стигнаа и започнаа со интервенции. Претходно учениците беа евакуирани, а на повредените помош им пружеа волонтери од Црвен Крст до пристигнувањето на медицинска екипа од брзата помош.

Оценката од сите присутни е дека вежбата беше успешно спроведена.

Градоначалникот Јанчев кој редовни ги следи овие активност во образовните институцци што се организираат како превентива и едукација и овојпат со позитивна оценка за учесниците. Тој во оваа пригода најави доопремување на против пожарната единица со радио врски, за подобро функционирање.

Новиот шеф на Мисијата на ОБСЕ неговата екселенција амбасадорот Клеменс Која, беше во прва посета на Општина Кавадарци.

Тој оствари работна средба со Градоначалникот г-дин Митко Јанчев. Во протоколарниот дел домаќинот Јанчев го запозна високиот гостин со основните карактеристики на Општината.

Во работниот дел теми на разговор беа: политичката состојба на локално ниво и Кавадарци како пример за конструктивна соработка меѓу позицијата и опозицијата во советот на општината, а се дискутираше и за актуелната политичка ситуација во Република Македонија. 

„Општината, но и државата имаат рецепт за демократија, но е потребно повеќе да се практикуваат демократските принципи“ Рече градоначалникот на Кавадарци м-р Митко Јанчев на денешната Работилница со наслов „Рецепт за Локална Демократија“ организирана од здружението „Чекор кон Европа“.

На работилницата присуствуваше и амбасадорот на Република Франција во Република Македонија неговата екселенција амбасадорот Христијан Тимоние

Денеска во Кавадарци во ресторанот „Моклиште“ се споделуваа искуства-„Рецепти за локална демократија“, со цел да се воспостави повисоко ниво на комуникација помеѓу граѓанскиот сектор, општинската администрација, именуваните и избраните лица. Работилницата се одвиваше во насока на постигнување на повисок степен на отвореност на локалните институции кон заедницата и зголемено учество на граѓаните во процесот на донесување на одлуки.

Двајцата  дискутанти посочија дека учеството на граѓанскиот сектор во развојот на локалната демократија е од особено значење.

„Долго време во Франција сме експериментирале со демократијата. Имаме жива демократија. Мислам дека можете да научите многу од нашите грешки отколку од нашите успеси. Мора да преовладува разумот да може заеднички да се работи и противникот да не се смета за предавник. Навистина да сфатиме дека мојот глас може би навистина тежи кај другата страна, но и обратно и дека нема предавници туку има сограѓани“ рече Тимоние.

Одговарајќи на прашање: Колкав е степенот на демократија во земјава, амбасадорот Тимоние посочи дека сеуште се трага по неа.

„Рецептот го имаме само треба да го практикуваме. Тоа значи да секој не се меша во сите работи, секој да си ја гледа својата работа. Ако го поврземе тоа со кујна тоа значи дека потребно е да се знае кој каков зачин става, за да не се повтора“ заклучи градоначалникот Јанчев.

Работилницата беше организирана во рамки на проектот „Граѓански организации во служба на локалната демократија.

Под покровителство на градоначалникот м-р Митко Јанчев и советот на општината, Кавадарци денеска одбележува значаен јубилеј, 100 години од раѓањето на Никола Бадев.

Во склоп на одбележувањето во Музејот на Вкусот и традицијата (нов музеј) ќе биде отворена спомен соба на великанот на македонската народна песна.

Во спомен собата е изготвена поставка во која се наоѓаат: примот на кој Бадев настапувал, реставрираната гитара на која ги свирел најубавите македонски народни песни, потоа 48 фотографии од различни периоди на неговиот живот.

Во колекцијата која е донација од семејството на Никола Бадев се наоѓаат бележниците во кој ги запишувал народните песни, голем број на сингл и ЛП грамофонски плочи од неговиот богат дискографски опус, како и лични и семејни предмети.

Во чест на Бадев на спомен бистата на плоштадот ќе бидат положени букети свежо цвеќе, а од 19.00 часот во салата на домот на културата ќе се одржи концерт во чест на Никола Бадев на кој ќе настапат групи и пеачи од Кавадарци и Ваташа.

Денeска во посета на Кавадарци престојуваше  амбасадорката на Велика Британија во Република Македонија, Рејчел Галовеј .Таа се сретна со Градоначалникот  Митко Јанчев  а се запозна и со економските и културно-историските можности за соработка на Општнава со градови од Велика Британија.