Категорија: Настани

„И велоспедот е дел од сообраќајот“ беше мотото на годинешната велосипедската парада низ улиците на Кавадарци која традиционално и успешно ја органзирира Сојузот за училишен спорт. Целта е да се популаризира велосипедот на сметка на автомобилите, што има повеќекратна корист за возачот. Затоа и мотото на годинашнава акција која традиционално се одржува во месец мај бше „И велоспедот е дел од сообраќајот“.

Стартот на беше од паркингот на спортскиот центар „Јасмин“ од каде поворката предводена од градоначалникот Митко Јанчев, во придружба светскиот велоспедист на екстремни патеки Пјер Бишоф од Германија, се движеше по кавадаречките улици, а сите заедно дојдоа на Градскиот плоштад пред зградата на општина Кавадарци. Над 850 велосипедисти од основните и средните училишта, беа дел од велосипедскта парада во која возеа  заедно со членовите на Тиквешки Точакџии, како и наставници по физичко воспитување.

Градоначалникот на Кавадарци Митко Јанчев возеше низ улиците на Каадарци, популаризирајќи го велоспедот меѓу младите и граѓаните. Во обраќањето пред учесниците на парадата Јанчев посочи дека тој и општината го поддржуваат возењето велосипед не само како превозно средство во градските средини, туку и како здрав начин на живот уште од мали нозе. Притоа подвлечее: „Ова го потврдуваме и со акцијата за доделување на субвенции при купување на велосипед. Нешто што го запопчнавме неодамна и имаше масовен одзив кај граѓаните, а што без двоумење ќе го птодолжиме и во иднина. А дека велосипедот е сериозно превозно средство потврдува и нашиот пријател од Германија Пјер Бишоф. Кога тој може да вози 3050 километри низ Европа, тогаш можеме и ние низ улиците на Кавадарци да го правиме истото тоа секој ден“. подвлече Јанчев.

Велосипедскиот митинг заврши со традиционалното извлекување на наградите од лотаријата која се организира за учесниците на митингот, каде почетокот на извлекувањето ги започнаа градоначалникот Јанчев и велсипедистот Бишоф.

Во присуство на градоначалникот Митко Јанчев, членови на Советот на општината, претставнци на јавниот живот и на граѓани, на паркингот кај спортската сала „Јасмин“ беше изведена демонстрација на моменталана моќ на Противпожарната единица од Кавадарци, како дел од одбележувањето на „Денот на пожарникарите“.

Свеченоста започна со дефиле на расположивите противпожарни возила низ централните улици, а продолжи со демонстрација на показни вежби со кои се симулираше: инервенција на извлекување на човек од возило во сообраќајна несреќа како и класично гаснење на пожар на височини. На тој начин во јавноста беше претставена територијаланата единица за противпожарна заштита Кавадарци, која со доаѓањето на градоначалникот г. Митко Јанчев на чело на Општината беше целосно обновена.

Во изјава  градоначалникот Јанчев ги потенцираше преземените зафати во изминзтиот период со кои ПП единицата се комплетиташе, како кадровски така и материјално-технички. Најпрвин се реновираа постојните простории на зградата на Пожарниот дом, потоа на конкурс на работа се примени 16 нови пожарникари, со што се комплетира кадровскиот потенцијал кој сега изнесува 26 вработени пожарникари. По пат на донација се обезбедија неколку специјализирани возила, а набавена е и опрема за интервенции.

Со овие потези територијалната ПП единица од Кавадарци е целосно обновена и подготвена за дејствување на терен во функција на заштита на материјалните добра и на граѓаните.

На свечен начин беше предадена во употреба новата концертна сала во ОМБУ „Лазо Мицев-Рале“ во Кавадарци. На свеченоста присуствуваа: градоначалникот Митко Јанчев, земеник помошник администраторката на Бирото на УСАИД за Европа и Евроазија Гречен Биркл, потполковникот Ерик Рајс од Военото аташе на САД, и претставници на УСАИД.

 Концертната сала општината ја градеше со помош на УСАИД, Европската команда на САД и бизнис секторот. Исто така со денешната свеченост се означи и крајот на реновирањето на просториите на музичкото училиште.

Градоначалникот Јанчев во своето обраќање на свеченоста ја нагласи важноста од зајакнувањето на граѓанските вредности кај младите, со цел тие да станат активни учесници во своите заедници и да градат силни пријателства со врсниците.

Од УСАИД во изјавата за медиумите ја нагласија важноста на овој објект кој во партнерство со општината се градеше во изминатиот период.

„Горда сум на ова широко партнерство помеѓу Европската команда на САД, УСАИД, општините и локалните заедници воспоставено за реновирање на училиштата. Преку оваа партнерство, од 2011 година, Европската команда на САД има инвестирано над 1,5 милиони долари за реновирање на 63 училишта, вклучувајќи го и вашето, паралелно работејќи на развојот на етничката кохезија во Македонија“ истакна Биркл.

„Новата концертна сала е од големо значење и за училиштето, Учениците од ОМБУ „Лазо Мицев Рале“ од Кавадарци од денеска понатаму ќе можат наученото да го презентираат на концерти во новата концертна сала“ рече директорот Златко Јованов.

Под покровителство на градоначалникот на општина Кавадарци, „ФЕНИ Индустри“ и Еколошкото друштво „Тисовец“ од село Возарци, денеска во салата на Домот на културата „Иван Мазов-Климе“ се одржа четвртиот „Еко квиз“ натпревар.

Учествуваа екипи од петто одделени од шесте кавадаречки основни училишта. Победник беше екипата на учениците од ООУ „Гоце Делчев“ од Кавадарци. Во финалниот круг тие за нијанса беа поуспешни од своите врсници од ООУ „Тоде Хаџи-Тефов“ и го освоиа првото место.

Учениците одговараа на прашања од екологијата, а ги оценуваше стручно жири составено од стручни лица поврзани со екологијата.

Пред натпреварот покровителот, градоначалникот г. Митко Јанчев во изјава за медиумите ја поздрави организацијата на квизот и додаде: „ Ние како општина се стремиме во што подобро имплементирање на екологијата и еколошките стандарди во секојдневниот живот. Од таму организацијата на овој еко квиз во целос ја погоува целта. Учениците од 5 одделение се на вистинскат возраст, и заедно со своите родители ветува создавање на еколошки одговорни личности. Верувам дека заедно со компанијата „ФЕНИ Индустри“ и еколошкото друштво „Тисовец“ ќе ја задржиме традицијат, ќе ја прошириме во повеќе сегменти, а квизот понатаму ќе расне и во регионално натпреварување“.

Во изминатите 4 години низ организацијата на квизот во основните училишта межу учениците од петто одделение поминале над 2000 ученици кои забавувајќи се учеа и за екологијата и основните правила во зажтитата на животната средина.

Градоначалникот г-дин Митко Јанчев во рамките на планираните редовни посети на месните и урбаните заедници во општината, вчера доцна попладне беше на средба со раководствата и жителите од МЗ Дреново и МЗ Возарци.

На терен се разгледуваа тековните работи во овие месни заедници. Градоначалникот разговараше и за активностите во иднина и ги слушна потребите и приоритетните работи за овие месни заедници.

На средбата беа присутни и директорот на ЈП Комуналец, служби од секторот за комунална дејност и општинарот од проектот „Мој општинар“ кој е задолжен за овие месни заедници.
Во исто време се разговараше и за планирани проекти за наредната година.

Во наредниот период Градоначалникот г-дин Митко Јанчев ќе оствари средба во сите месни заедници.