Категорија: Настани

Денеска градоначалникот на  Кавадарци м-р Митко Јанчев и деканот на факултетот заархитектура д-р Огнен Марина потпишаа меморандум за соработка. Студентите на Архитектонскиот факултет со свои проекти ќе даваат нов лик на Кавадарци. Нивните предлози и идеи ќе бидат дел од идното уредување на градот. токму со таа цел, идните архитекти со своите проекти да дадат поубав лик на градот.

          Градоначалникот Јанчев непосредно по потпишувањето на меморандумот изјави: „Студентите и целокупниот капацитет на Архитектонскиот факултет ќе бидат вклучени во овој меморандум за соработка за давање студии и идеи за наши потреби. Општина Кавадарци ќе изготви приоритетни проблеми и видувања за развојот на градот и ќе ги прати до факултетот, а ќе добиваме помош од факултетот во развојот на градот“.

          „Покрај деканот и професорите имаме и 90 студенти, гости, кои денеска ќе ни презентираат нивна визија и гледање за проблемите во град Кавадарци. Ми се чини дека е вклучен и градскиот плоштад за негово раззеленување и разубавување и вклучување на други содржини. Се надевам на успешна соработка со овој факултет бидејќи нивниот капацитет е немерлив“ подвлече градоначалникот Митко Јанчев.

Јанчев нагласи дека соработката на Општината Кавадарци со високо образовните институции е исклучително значајна не само за студентите туку и за Локалната самоуправа.

          Деканот на факултетот проф.д-р Огнен Марина го поздрави потпишувањето на меморандумот со Општина Кавадарци и нагласи дека целиот капацитет на факултетот ќе биде искористен за проекти кои ќе дадат убав лик на Кавадарци. „Архитектонски факултет, од студентите и студентските проекти па се до професорите и стручните и научни студии, кои можеме да ги изработиме, демонстрираме капацитет, не само за справување со предизвиците кои ги имаат градовите во Македонија, туку и нашата посветеност заедно со локалната заедница да ги споделиме нашите знаења и искуства за да создадеме подобри градови, подобри локални заедници“ рече деканот.

          Тој го потенцира фактот дека Кавадарци секогаш бил во фокусот на архитектите и планерите и дека пред неколку децении професор од факултетот ги подготвувал урбанистичките планови на Кавадарци. „Се разбира дел од оние точки, објекти кои се автентични во градот и кои се дел од идентитетот на градот, да ја спомнам спомен костурницата, паркот, центарот на градот, па дури би рекол и зградата на општината се предизвик и би рекол една од ретките средини каде можеме да се почувствуваме градски. Врз основа на сето тоа искуство на тој историјат на градот ние можеме да размислуваме и за иднината“ рече деканот на Архитектонскиот факултет.

Градоначалникот на Општина Кавадарци г-дин Митко Јанчев денеска оствари работна средба со Неговата Екселенција, Амбасадорот на Унгарија во Република Македонија господинот Ласло Иштван Дукс.

Ова е прва средба на градоначалникот Митко Јанчев со Неговата Екселенција  Дукс, кој во Кавадарци пристигна во придружба на економскиот советник во унгарската амбасада г-дин Ервин Сел.

По завршувањето на првата работна средба на градоначалникот на Кавадарци со амбасадорот на Унгарија, Јанчев и Дукс, дадоа изјави за јавноста.

Градоначалнуикот Јанчев истакна дека денешната средба минала во исклучително пријателски и конструктивен разговор. Од негова страна го запозна гостинот од Унгарија со географскте карактеристики,  и стопанско економските потенцијали на Општина Кавадарци. Јанчев притоа истакна дека општината е меѓу водечките во Македонија по економските можности и отворена за соработка со сите пријатели и потенцијални деловни партнери. Градоначалникот посопчи дека од Унгарија посебно Будимпешта има што да се научи за екологијата и заштитата на водите, а токму идната прочистителна станица за отпадни води беше и тема на разговор на средбата.

Неговата Екселенција амбасадорот Ласло  Дукс посочи дека  средбата со градоначалникот Јанчев била исклучително плодна. Тој добил директни и многукорисни информации за  економските можности на општината. Смета дека лозаровинарскиот карактер на Кавадарции регионот, се добра можноста за идна соработка со сличен регион во Унгарија, која исто како и Македонија има развиено лозаро винарство. Особено се атрактивни  можностите за соработка на тоа поле, ако и во развојот на винскиот туризам.

Градоначалничката функција во општина Кавадарци од денеска и официјално е во рацете на Митко Јанчев, кандидатот на ВМРО-ДПМНЕ кој на гласањето во неделата освои мнозинство гласови на граѓаните.

При чинот на примопредавањето на функцијата претходниот градоначалник Александар Панов на Јанчев му посака успешна работа и соработка со Советот.

Јанчев се заблагодари на сите граѓани кои му дадоа доверба на изборите и порача дека веќе од понеделник и официјално започнува неговото работење.

Мој општинар е проектот со кој ќе стартува мандатот на новиот градоначалник на Кавадарци Митко Јанчев.

На примопредавањето на градоначалничката функција претходеше доделување на уверенијата на градоначалникот и новите советници од претседателот на ОИК Зоран Костов.

На свечен начин во големата сала на оптината Кавадарци, денеска претседетелот на Општинската изборна комисија Кавадарци Зоран  Костов во присуство на составот на ОИК им ги додели уверенијата  за избран Градоначалник и избрани членови на Советот на општина Кавадарци во мандатот 2017-20121 година.

Уверението  за својот прв мандат на местото градоначалник на Кавадарци го прими  Митко Јанчев, кој од денеска ја презеде ова висока функција.

Советот на Општина Кавадарци  ќе го сочинуваат 19 советници. Девет уверенија добија советниците на СДСМ, Осум на ВМРО-ДПМНЕ и по едно советничко место имаат партијата ГРОМ и Независната листа на советници на Ристо Сакалиев.     Претседателот на ОИК Костов истакна дека изборите во Кавадарци поминале во фер и демократска атмосфера без повреди на избирачкото прави, што е плус повеќе за демократскиот капацитет на граѓаните кои учествуваа на овие избори.

Во обраќањето пред новиот состав на Советот на Општината Градоначалникот Јанчев пак изрази спремност да соработува со сите политички чинители во Советот со цел да се реализираат заедничките проекти кои се од интерес на граѓаните.

Носителите на советничките листи на СДСМ и ВМРО-ДПМНЕ, во изјавите за медиумите нагласија дека ќе работат во интерес на сите граѓани. Носителката на Советничката листа на ВМРО-ДПМНЕ Горица Пеливанова-Вилхелм, рече дека тие како советничка група ќе даваат подршка на сите проекти кои кќ бидат од интерес на граѓаните.

Д-р Виолета Димитрова како носител на Советничката листа на  СДСМ пак изрази спремност како советничка група и партија да соработуваат за доброто и модерно Кавадарци кое ќе биде убаво место за живеење на граѓаните.

Денот на кревањето на Тиквешкото востание денеска беше повод да се чествува пред споменикот подигнат во негова чест во паркот „Полана“. Делегации на Општината предводенаод  градоначалникот Александар Панов, Советот на Општината, Здружението на борци и други граѓани положија свежи цвеќиња пред споменикот.

Кусотос- историчарот Марија Михова, се осврна на периодот на кревањето на востанието и приликите кои тoј период биле присутни на овој терен. Во репресалиите по Тиквешкото востание, според пишаните документи загинале над 500, а според непишани податоци над 1.000 жители н Кавадарци, Неготино и селата во двете општини.

Актерите Диме Коцевски и Марија Глигорова-преку актерски перформанс не доближија до настаните кои се случиле пред 104 години.

Градоначалникот Панов пак во свооето обраќање го апострофира месец јуни како значаен месец во историјата на Кавадарци и Тиквешијата, кога се давал голем отпор кон окупаторите: некогаш бугарскиот, некогаш српскиот, но тоа биле и периоди на будење на слободоумната мисла и стремеж за слобода. Неговата поента сепак беше дека ние им простуваме на убиците но не забораваме никогаш што тие напоравиле врз нашите предци.

Актерот Александар Малинков во одјавниот збор упатувајќи комлименти за авторот на споменикот академскиот вајар Кире Мукаетов и авторот на постаментот Димитар Самарџиев потсети за значењето на делото и нивната порака, овој народ секогаш да ги почитува и со внимание да се сеќава  на настаните во кој е изразена борбата на слобода.

Споменикот „Тиквечки непокор“  е поставен 2013 година во чест на 100 годишнината од Тиквешкото востание од 1913 година.

 Историјат на настанот

До 1993 година овој настан од стариот општествен политички систем беше тргнат од историската мапа. По симпозиумот на градскиот Музеј, од таа година 20 години се одбележува споменот на Тиквешкото востание.Особено по 2006 година тоа во Кавадарци се прави со поголемо внимание и пиетет.

Инаку Тиквешкото востание е прв организиран масовен народен вооружен отпор против српската власт којашто ја окупирала Вардарска Македонија по повлекувањето на турските сили по Првата балканска војна. Востанието започнало на 19 јуни 1913 година, во Тиквешијата и траело седум дена. Тиквешкото востание е самостојно дело на тиквешкото население, спонтано организирано и раководено од месните дејци, револуционери и војводи на Организацијата, а потпомогнато од четите на ВМРО. Покрај Неготино и Кавадарци, ослободени се и педесетина села во областа Тиквеш. Четите на Дончо Лазаров и Михаил Шкартов ги напаѓаат и ги протеруваат српските војски од Неготино. Српските власти испраќаат свои чети од околните села кон Неготино, но сите тие се разбиени. Востаниците продолжуваат понатаму и успеваат да ги протераат српските чиновници и писари од општинската зграда во Кавадарци и симнувајќи го српското знаме, го поставуваат тиквешкото револуционерно знаме. На 20 јуни е одржано и свечено собрание на коешто е избрана и градска управа составена од 12 видни кавадарчани, а слободата траела само 7 дена.

По седум дена Србите испраќаат голема војска предводена од Василие Трбиќ, како и од Јован Бабунски и Јован Долгач. На помош на српската војска иде и башибозук на Јаја Ага со 250 вооружени души. Тиквешките востаници, заедно со четите на војводите Христо Чернопеев и на Петар Чаулев се оставени сами да се соочат со српската војска, но не успеваат во своите напори. Во востанието загинале околу 1.000 тиквешани од коишто на 500-тина имињата со сигурност им се знаат меѓу кои голем број мажи, жени, деца и старци биле убиени, заклани и живи изгорени.150 кавадарчани се врзани на колје во центарот на градот и се оставени да висат 30 часа под пеколното сонце, а после тоа заедно со уште 50 други кавадарчани се одведени во месноста Полјаната и стрелани.Над 100 тина убиени биле од Неготинско. Запалени биле над илјада куќи, а околу 2.700 луѓе биле затворени. Војската вршела страшен терор и во реонот околу Криволак – колеле луѓе, а во фурни ги гореле децата.