Категорија: Настани

Општина Кавадарци вчера организираше работилница на тема „Кластерска конкурентност за бизниси“. Работилницата е дел од  активностите на проектот „Бизнис информативен, иновативен центар и МИЦЕ Акции“ финансиран од Програмата за прекугранична соработка 2007-2013 на Европската Унија.

Партнери во овој проект се општина Кавадарци од македонска и општина Едеса од грчка страна како земја членка на Европската Унија. На работилницата беа поканети гости од бизнис секторот од Кавадарци како и нивни колеги претставници на бизнис секторот  од Едеса- Република Грција.

Во воведниот дел претставување на проектот „Бизнис информативен центар“ имаа раководителот на Секторот за локален економски развој во општина Кавадарци г. Тодор Ефремов од македонска и Евангелос Кириаку директор бирото за туризам на градот Едеса. Тие преку своите излагања ги запознаа присутните со целите на овој проект кој е значаен за двете општини пред се во приближувањето на економската соработка во која спаѓа и туризмот.

Пред присутните зборуваше и г.Беким Хаџиу раководител на  Секторот за туризам од Министерството за економија во Владата на Република Македонија.

Во работниот дел на средбата најпрвин зборуваше професорката Габриела Ракичевиќ од факултетот за туризам и угостителство од Охрид. Нејзиното предавање беше на тема „Улогата на менаџментот во организацијата на услужните дејности“. Ана Амбаркова Агент за развој на кластерите имаше излагање на тема „Улогата на кластерите во развојот на конкурентните економии“.

Александар Ристевски претседател на кластерското здружение „Тиквеш“ зборуваше на тема „Искуствата од кластерското здружување“ притоа ставајќи акцент на искуствата од работата на здруженито од Тиквешкиот регион. На иста тема говореше и Сакис Димтсис претставник на општината Едеса при што ги пренесе искуствата од работата на

Кластерските здруженија во Република Грција пред се во развојот на  алтернативниот туризм.

Присутните имаа можност да проследат предавања на теми и искуства од кластерското здружување што ги презентираа експерти од Македонија и Грција.

Крајната цел од вчерашната средба е да се потенцираат придобивките од  клатсерското здружување на бизнис секторотпред се за малите и средни претпријатија. Зајакнувањето на овој принцип на работа  ќе биде од големакорист за сите чинители пред се во секторот туризам.

Работилницата се одржа во просториите на Винарската Визба „Тиквеш“ во Кавадарци.

Општина Кавадарци со свечена седница на Советот на Општината, денеска на 7 Септември ќе ја одбележи 72 годишнината од ослободувањето. Свеченостите започнаат претпладнето кога делегации од општината, сојузот на борци и почитувачи на придобивките од НОБ, делегации на политичкиот и културниот живот предводени од градоначалникот Александар Панов ќе положат букети свежо цвеќе пред споменикот на слободата и револуцијата на градскиот плоштад. Во Домот на културата „Иван Мазов-Климе“ вечер со почеток во 19:30 часот ќе се одржи Свечената сеница на Советот, со свечена академија. Пред присутните свое обраќање ќе има градоначалникот Александар Панов.

На свечената седница ќе се доделат и признанијата на годинашните добитници на највисокото општинско признание, наградата „7 Септември“. Со одлука на Советот на општината лауретаи за 2016 година се: Академик Глигор Чемерски-постхумно, како знак на општествено признание за посебен придонес во уметноста, примариус д-р Бранко Поповски за посебен придонес во здравството и Благој Пешиќ за постигнувања во развојот на стрелаштвото. Советот ги награди со плакета и диплома „7 Септември“.

На свечената академија во чест на празникот на градот во културно уметничкиот дел ќе настапат репродуктивните уметници: Силвана Чулева-Атанасова на флејта, Емилија Кабранова-Филипова клавир и Лазар Соколов кларинет. Овие истакнати репродуктивни уметници ќе се претстават со популарни класични дела на од странски и домашни композитори.

Во Кавадарци минатата сабота на 20 август започнa Меѓународната ликовна колонија „Кавадарци-Михајлово 2016“ во организација на Домот на културата „Иван Мазов-Климе“ Кавадарци и Општина Кавадарци. На отворањето беа присутни 60-тина а деновиве им се придружиа уште десетина уметници. Ги има од Македонија, Грција, Србија, Босна и Херцеговина, Црна Гора, Словенија, Романија, Бугарија, Албанија, Данска и други земји. Тие творат во просториите на Хотелот “Уни Палас 2“ и во околината на Кавадарци.

На отварањето со самостојна изложба се претстави Силвана Силва, македонски уметник, која живее и работи во Данска. Покрај ликовен таа е и уметник- поет-, па така во симбиоза како уметничка душа, Силвана во Кавадарци претстави дел од нејзината уметничка експресија која плени со едноставноста. Колонијата и изложбата ги отвори секретар на Општина Кавадарци Кире Делов. Тој при отворањето изјави; „Локалната самоуправа секогаш ќе ја подржува ова манифестација, која е една од најзначајните кај нас во Македонија. Ја вклопивме во „Топлиот културен бран“ со цел да ја зацврсти својата улога која веќе ја има на овие балкански простори. Ова што вечерва го гледаме и што ќе се случува во Кавадарци деновиве е доволен предизвик и е од големо значење. Сите создадени дела на колонијата ќе бидат понудени на аукција, а средствата собрани од неа ќе бидат уплатени на сметка за помош на настраданите семејства во поплавените подрачја во Македонија Ја користам приликата да ги поканам граѓаните и претставниците на бизнис секторот да се вклучат во аукцијата и на тој начин да помогнат на поплавените“ рече Ќире Делов.

Директорот на Домот на Културата Владимир Темков кој е главен „виновник“ за прераснувањето на Колонијата „Кавадарци Михајлово“ во голем културен настан, нагласи дека, чуството на едно место да се соберат толку значајни имиња од светот на ликовната уметност е доволна сатисфакција за целиот напор кој лично го чини заедно со вработените во Домот на Културата. Со ова Кавадарци потврдува дека е центар на ликовните случувања кај нас. Дваесет години колонијата спаѓа меѓу најуспешните во Македонија и на овој дел на Европа. На неа досега се претставија стотици ликовни уметници од целиот свет.

Во рамките на “Кавадарци-Михајлово 2016“ синоќа четвток 27 август започна Џез фестивал со познати балкански џез музичари. А со свој настап, џезерите на отварањето ја направија уметничката вечер уште поубава.

Градоначалникот на Кавадарци Александар Панов неполни 24 часа по големиот настан приреди приием за делегацијата на мото клубот „Тиквеш рајдерс“ кој беше организатор на Мото средбата на мото клубовите од Македонија.

Кавадаречките моторџии му подарија на градоначалникот маица во рамка како знак на сеќавање за на настанот кој позитивно го разбранува Кавадарци. Заблагосдарувајќи за честа Панов посочи: „Конечно неколкуте средби на раководството на клубот со мене се претворија во реализација на еден убав проект, за кој се надевам дека ќе прерёасн во традиција. Овојпат го исправивме пропустот од пред две години и на Кавадарци му го подаривме ангажманот на нашиот мото клуб. Моторџиите од Македонија на споменикот на 12 Младинци направија еден исклучителен, кспортски,културно забавен и духовен настан кој меѓудругото го посветивме и на македонската историја и слободарски дух како тројство на Тиквешкото Востание, стрелањето на 12 ваташки младинци и младоста на денешницата. Им изразувам благодарност на кавадаречките вљубеници во моторите и посакувам ова да биде традиција и афирмација на Кавадарци како град на младоста и спортот. Ёова беше извонредна можност да се разбие стереотипот за моторџиите. И тие се нормални луќе со морал и културан, но од обичните се разликуваат само по нивната стратс кон моторите“.

Драган Петров-Гаго во името на мторџиите се заблагодари на разбирањето од градоначалникот и општината и притоа  потенцираше дека на „Моклиште“ и низ Кабвадарцци за два дена протатнеа над 1000 мотори и моторџии од 18  мото клубови од Македонија што само посебе потврдува висок рејтинг на кавадарчани меѓу нивните колеги од републиката.

Градоначалникот на Кавадарци Александар Панов организираше прием за дел од членовите на македонската јуниорска карате репрезентација кои на неодамна одржаната Балканијада во Белград ги освоиа златниот во женска и бронзенеиот медал во машка конкуренција.

Станува збор за трофејниот женски ката тим на карате клубот „Урбан Инвест“ во состав Владанка Аврамова, Ивона Муфтарова и Миа Маневска. Тие се новите балкански шампиони, откако како македонски репрезентативки на доминантен начин славеа во својата класа на Балканското првенство за наптреварувачи од 11 до 14 години. Покрај „златниот“ женски ката тим, гости на градоначалникот беа и, машките од  ката тимот 11/12 години во состав Петар Аврамов, Никита Николоски и Лазар Стоев кои го освоија бронзениот медал во малото финале за 3 место на првенството.

Градоначалникот Панов уште еднаш им честиташе на големиот успех, притоа потенцирајќи дека овие млади спортисти на најубав начин возвраќаат за вложените средства како од општината така  и од спонзорот.

Тренерот на клубот Ивана Аврамова рече дека оваа генерација од година во година го потврдува својот талент и полека созрева со цел наскоро да биде репрезент на македонскиот карате спорт во светот.

Претставникот на спонзорото „Урбан инвест“, директорот Александар Сеизов подвлеќе дека тие како компанија се горди на каратистите кои со резултатите ги потврдуваат нивните вложувања.