Категорија: Огласи и соопштенија

Врз основа на член 36 од Законот за локална самоуправа ,  член 16, 17 и 18 од Законот за младинско учество и младински политики ( Сл.весник на РСМ бр.10/20, член 128-г од Статутот на Општина Кавадарци(Сл.гласник на Општина Кавадарци бр.8/05…..75/21), Советот на Општина Кавадарци распишува,

ЈАВЕН ПОВИК

За членови на иницијативен одбор за организација и оддржување на Локално Младинско собрание на Општина Кавадарци

  1.ОПШТИ ИНФОРМАЦИИ 

            1.1. Општина Кавадарци со Статутот предвидува формирање на Локален младински совет.

            Локалниот младински совет има советодавна и застапувачка улога во општината од делокруг на младински прашања и политики.

            Претставниците на локалниот младински совет имаат право да:

            -Предлагаат точки на дневен ред на Советот на општината кои ги засегаат младите;

            -Иницираат прашања за млади од делокруг на работа на општината;

            -Иницираат, учествуваат и даваат повратни информации за процесот на локалната младинска стратехија и други политики;

            -Доставуваат информации до општина Кавадарци за прашања кои се однесуваат на младите

            -Вршат други советодавни и застапувачки работи во согласност со закон.

            1.2. За конституирање на локалното собрание за млади се свикува иницијативен одбор, составен од членови кои ги исполнуваат условите да членуваат во собранието на млади.

            Иницијативниот одбор со решение го формира Совет на општина Кавадарци.

            Иницијативниот одбор е составен од пет члена и тоа младински организации, организации за млади, политички подмладоци, ученички и студенски организации и други облици на младинско учество.

Иницијативниот одбор го распишува Јавниот повик за конститутивното Локално собрание на млади.

Со конститутивното собрание претседава најстариот член на иницијативниот одбор кој доаѓа од редот на младинските организаци.

            Мандатот на членовите на иницијативниот одбор трае само до одржување на конститутивното собрание на млади и по успешно одржување на првата конститутивна седница на Собранието на млади, истиот се распушта.

2. ПРАВО НА УЧЕСТВО НА ЈАВНИОТ ПОВИК

            На јавниот повик право на учество имаат претставници на младинските организации , организации на млади, ученички и студенски организации и други облици на младинско здружување кои се активни на територијата на општина Кавадарци.

            Критериуми кои треба да ги исполнуваат младите лица кои имаат желба и интерес да се вклучат во иницијативниот одбор :

            -да се жители на општина Кавадарци

            -да бидат на возраст од 15-29 години ;

            -да се креативни и поседуваат искуство во областа , работа со млади и младински организации.

            3.НАЧИН НА АПЛИЦИРАЊЕ И РОК ЗА ПОДНЕСУВАЊЕ  НА ПРИЈАВИТЕ

            Апликантите задолжително треба да ги достават следните документи:

            -мотивационо писмо

            -кратка биографија CV(во која задолжително ќе бидат наведени активностите за млади од минатите)

            – Портфолио за организацијата / групата/ здружението.

            – Писмо со номинација за член во Иницијативен одбор и контакт информации.

            Пријавите за членство во Иницијативниот одбор за конституирање на Собранието на млади на Општина Кавадарци се поднесуваат до Архива на Општина Кавадарци , секој работен ден од 28.07.2021година до 04.08.2021 година  или по пошта со назнака ,, За јавен повик за свикување на Иницијативен одбор за организација и оддржување на Локално Младинско собрание на Општина Кавадарци.

            Јавниот повик ќе биде објавен на веб-страната на Општина Кавадарци и Огласната табла на Општина Кавадарци.

По јавното извлекување на ден 21.06.2021 во просториите на Општина Кавадарци согласно Јавен повик за субвенционирање на граѓаните при купување на енергетско ефикасни грејни тела и проверка на извлечените барања, Општина Кавадарци објавува список на субвенционирани баратели.

• Список на извлечени и проверени лица за грејни тела за 2021 година

Напомена: Сите баратели за субвенционирање на енергетско ефикасни грејни тела по Јавен повик за надоместување на дел од трошоците на граѓаните на подрачјето на Општина Кавадарци за купување на енергетско ефикасни грејни тела за 2021 година можат да си ја подигнат поднесената документација секој работен ден од 08:30 до 16:30 часот во Граѓански информативен центар од 27.07.2021 година.

Врз основа на член 7 од Правилникот за утврдување на начинот и поблиските услови за именување на членови на комисиите за пописните реони и селекција и избор на реонските попишувачи и реонските инструктори, Државниот завод за статистика објавува јавен конкурс за ангажирање на лица кои ќе учествуваат во спроведувањето на Пописот на населението, домаќинствата и становите во Република Северна Македонија, 2021 година во периодот од 05-30.09.2021 година во својство на:

• Реонски попишувачи и
• Реонски инструктори.

Потребниот број на реонски попишувачи и реонски инструктори што ќе се изберат по пописни реони и според јазикот на кој ќе се врши попишувањето, е како што следи во табеларните прегледи:

ПРЕДМЕТ НА ЕЛЕКТРОНСКОТО ЈАВНО НАДДАВАЊЕ

1. Предмет на електронското јавно наддавање е градежно неизградено земјиште, сопственост на Република Северна Македонија, предвидено со ДУП Локалитет Парк 2001-2006, донесен со Одлука на Општина Кавадарци број 07-921/3 од 18.07.2001 година, за изградба на објекти со намена на градба – А1 Индивидуално домување согласно Табеларен преглед 1, во кој се дадени податоци за градежните парцели, број на катастарски парцели опфатени со градежнaтa парцелa, намена на градба, максимална висина до венец, катност, процент на изграденост, коефициент на искористеност, вкупна површина на градежната парцела, површина за градење, почетна цена по м2, вкупна почетна цена и банкарска гаранција за сериозност на понудата.

Табеларен преглед 1

ПРАВО НА УЧЕСТВО

Право на учество на јавното наддавање имаат:

1.Физички лица: државјани на Република Северна Македонија, државјани на држави членки на Европската унија и на ОЕЦД, како и државјани на држави кои не се членки на Европската унија и на ОЕЦД а под услови на реципроцитет можат да стекнат право на сопственост на градежно земјиште на територијата на Република Северна Македонија.

2.Правни лица: домашно правно лице, правно лице во мешовита сопственост, правно лице основано од странско физичко и правно лице, регистрирани во Централен  регистер на Република Северна Македонија, странски правни лица резиденти на држави членки на европската унија и на ОЕЦД, како и странски правни лица резиденти на држави кои не се членки на европската унија и на ОЕЦД а кои под услови на реципроцитет можат да стекнат право на сопственост на градежно земјиште на територијата на Република Северна Македонија.

  Read More

Врз основа на член 35 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), и член  50 точка 4 од Законот за локална самоуправа (,,Службен весник на РМ” бр.5/02), член 113, став 20 од Статутот на Општина Кавадарци, и донесената Програма за изработка на урбанистички планови за 2016 година, Глава III, Точка 8, Градоначалникот на Општина Кавадарци го дава следното:

С О О П Ш Т Е Н И Е

За организирање на Јавна Презентација и Јавна Анкета

По Урбанистички план  за село Рожден, КО Рожден, Општина Кавадарци

Граници на планскиот опфат се :

Од  Север: од  најсеверната  точка  34  се  движи  кон  исток  долж  границите  на КП 833/2, 835/1, 838/2, 838/1, 854, 953, 949, 948/1 892, 893, 894 се до најисточната точка 10;

Од Исток: се движи кон југ од најисточната точка 10 долж границата на КП 894, 946, 945/1, 901, 902, 933/2,909, ја сече 1402 1404/1, па продолжува долж границите на 1406/1, 1408, па ја сече

КП  2558/1 потоа продолжува долж границите на 1394/1, 1394/2, 1393, 1391, 1379, 1380, 1355, 1354,  1353,  1333,  1461,  1459,  1458,  1457,  1455/2,  1455/1,  па  ја  сече  1640/1,  1442/1  и  1443   па продолжува по нејзината граница  и долж на границите 1450/1, 1450/2 се до најјужната точка 109.

Од Југ: Се движи кон запад од најјужната точка 109 долж границите на  КП 1450/2, 1477, 1476 па ја сече и продолжува КП 2555 и продолжува по границите на КП 1289, 1291, 1294, 1296, 1299, 1272 ја сече 1271 и продолжува долж нејзината граница па ја сече КП 2556 па продолжува долж границите на КП 1074, 1075, 1077, па ја сече КП 2550,  818 и 817 до најзападната точка 63

Од Запад: Се движи од најзападната точка 63 кон север долж границите на  КП 816, 815, 811,823/2, 810, 823/1, 827 и КП833/1 се до најсеверната точка 34 

   Површината на планскиот опфат изнесува 31,25 ha.

Јавна Презентација и јавна анкета ќе се спроведе со излагање на Урбанистички план  за село Рожден, КО Рожден, Општина Кавадарци во просториите на Општина Кавадарци.

                Јавната анкета трае од 19.07.2021 до 26.07.2021  година, секој работен ден од 8:30 до 16:30 часот.

           Во споменатиот рок, заинтересираните граѓани и правни лица можат да доставуваат писмени забелешки, предлози и мислења на анкетните листови.

            Јавна Презентација со стручно презентирање на планот ќе се одржи на ден  21.07.2021  година во 10.00  часот во просториите на Општина Кавадарци во Голема сала.

Одржување на Јавна презентација и Јавна анкета за Урбанистички план  за село Рожден, КО Рожден, Општина Кавадарци ќе се оджи согласно Уредбата со законска сила за дополнување на Уредбата со законска сила за примаена на Законот за просторно и урбанистичко планирање за време на вонредна состојба (,,Службен весник на Република Македонија“ бр. 116/2020). Кај присутните лица на Јавната презентација и јавна анкета задолжително треба да се запази  минимум потребното растојание помеѓу лицата пред и внатре во објектот, да обезбедат спроведување на задолжителна дезинфекција на раце при влез во објектот и задолжително носење на заштитна маска, марама или шал со кој ќе бидат покриени устата и носот на учесниците во јавната презентација и јавната анкета.

• Анкетен Лист за УПС Рожден
• Соопштение за организирање на ЈА и ЈП