Категорија: Огласи и соопштенија

Согласно Тендер 4 – градежни работи за подобрување на инфраструктурата на локалните патишта во избрани општини согласно изработени основни проекти – Дел 2 LRCP 3034-МК-RFB-А2.1.4. (2), поточно реконструкција на улица Димката Ангелов Габерот, Максим Горки, Вељко Влаховиќ и Слога општина Кавадарци организира форум за запознавање на заедниците (граѓаните и институциите) на сите засегнати и лоцирани на горенаведените улици, со цел известување и информирање за тековните градежни работи што ќе се работат на улиците и можностите да се обратат во случај на жалби и поплаки.

Форумот за запознавање на заедниците ќе се спроведе во просториите на општина Кавадарци во Голема сала на ден 07.06.2023 година со почеток во 11:00  часот.

СООПШТЕНИЕ

За спроведување на јавен увид по Урбанистички проект вон опфат на урбанистички план за оформување на градежна парцела 1, со намена Е1.13 – Површински соларни и фотоволтаични електрани (фото-напонски панели за производство на електрична енергија кои се градат на земјиште), на  КП 2858/4, м.в. Веселова падина, КО Сопот, Општина Кавадарци.

Границите на планскиот опфат се:

• на север – КП 2858/1, м.в. Веселова падина, КО Сопот,
• на исток – локален пат,
• на југ – КП 2858/3, м.в. Веселова падина, КО Сопот,
• на запад – локален пат.

Површината на проектниот опфат на урбанистичкиот проект изнесува 9115 м^² (0.9115ха).

Со овој урбанистички проект се планира градба на површински соларни и фотоволтаични електрани.

На Урбанистички проект вон опфат на урбанистички план за оформување на градежна парцела 1, со намена Е1.13 – Површински соларни и фотоволтаични електрани (фото-напонски панели за производство на електрична енергија кои се градат на земјиште), на  КП 2858/4, м.в. Веселова падина, КО Сопот, Општина Кавадарци,  со технички број 09-02/2023 од Март 2023 изработен од Друштво за трговија на мало и проектирање АРХИКОНС Јован ДООЕЛ Кавадарци ќе трае 15 (петнаесет) дена во електронска форма, кој надлежниот орган го става на увид на јавноста со објавување на службената web страна на Општина Кавадарци https://kavadarci.gov.mk/  и https://www.e-urbanizam.mk во  период од 01.06.2023 до 15.06.2023 година за кое време може да се достават евентуални забелешки, секој работен ден од 8.00 до 16.00 во просториите на Одделението за Урбанизам при Општина Кавадарци.

• Анкетен Лист за УП вон опфат мв Веселова падина
• СООПШТЕНИЕ за Јавен Увид
• УПВОУП, со намена Е1.13 – на КП 2858_4, м.в.Веселова падина

           Врз основа на Одлука за делегирање на надележностите на Општина Кавадарци за организирање и реализирање на културните манифестации по Програмата за активности на Општина Кавадарци во областа на културата за 2023 година бр.08-7742/33 од 22.12.2022година, член 4 од Правилникот за начинот и постапката за делегирање на надлежностите на Општина Кавадарци за организирање и реализирање на културните манифестации по Програмата за активности на Општина Кавадарци во областа на културата за 2023 година на правно лице бр.08-7342/34 од 22.12.2022 година и член 113 став 1 точка 20 од Статутот на Општина Кавадарци (Сл.гласник на Општина Кавадарци бр.08/05….75/21), Градоначалникот на Општина Кавадарци објавува,

ЈАВЕН КОНКУРС

За делегирање на надлележностите на Општина Кавадарци за организирање и реализирање на културните манифестации по Програмата за активности на Општина Кавадарци во областа на културата за 2023 година на правно лице

                 Се делегираат надлежностите за организирање и реализирање на културните манифестации предвидени во Програмата за активности на Општина Кавадарци во областа на културата за 2023 година со арх. Бр. 08-7745/22 од 22.12.2022 и 08-3160/23 од 18.05.2023 и тоа:

1.Културно лето го сакам Кавадарци

                   Јули-Август

2.Културна манифестација „Тиквешки Гроздобер“ Септември

3.Нова Година 2023 –Декември

   -Божиќен Пазар

               Обврска на правното лице е во целост да ги испланира , организира, реализира и менаџира културните манифестации.

Висината на финансиските средства од Буџетот на Општина Кавадарци за делегирање на надлежноста е содржана во Програмата за активностите на Општина Кавадарци во областа на културата за 2023 година .

Read More

                Врз основа на член 35 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), и член  50 точка 4 од Законот за локална самоуправа (,,Службен весник на РМ” бр.5/02), член 113, став 20 од Статутот на Општина Кавадарци, и донесената Програма за изменување и дополнување на Програмата за изработка на урбанистички планови за 2020 година – Март, точка 51, Градоначалникот на Општина Кавадарци го дава следното:

                                                С О О П Ш Т Е Н И Е за организирање на Повторна Јавна Презентација и Јавна Анкета

       За Детален урбанистички план за УЕ 11, дел од Блок 11.1, “Миле В’чков” КО Кавадарци  град , Општина Кавадарци, плански период 2020-2025

ДЕТАЛЕН УРБАНИСТИЧКИ ПЛАН ЗА УЕ 11, ДЕЛ ОД БЛОК 11.1, „МИЛЕ ВЧКОВ “, КО КАВАДАРЦИ ГРАД, ОПШТИНА КАВАДАРЦИ, се наоѓа непосредно до централното градско подрачје од градот Кавадарци и го дефинираат следниве граници:

 -југозапад: осовина на сервисна улица „Страшо Пинџур“

 -северозапад: осовина на сервисна улица „Тиквешко Востание“

 -север: осовина на станбена улица „Страшо Пинџур“ и осовина на станбена улица „Браќа Хаџи Тефови“

 -исток: осовина на станбена улица „Ќиро Спанџов“

 -југоисток: осовина на станбена улица „Иљо Костов“

Површината на планскиот опфат изнесува 2,74ха

Повторната Јавна Презентација и јавна анкета ќе се спроведе со излагање на За Детален урбанистички план за УЕ 11, дел од Блок 11.1, “Миле В’чков” КО Кавадарци  град, Општина Кавадарци во просториите на Општина Кавадарци.

                Повторната Јавната анкета трае од 29.05.2022 до 08.06.2023  година, секој работен ден од 8:00 до 16:00 часот.

           Во споменатиот рок, заинтересираните граѓани и правни лица можат да доставуваат писмени забелешки, предлози и мислења на анкетните листови.

           Повторната Јавна Презентација со стручно презентирање на планот ќе се одржи на ден  31.05.2023  година (среда) во 13.00  часот во просториите на Општина Кавадарци во Голема сала.

• Анкетен Лист за Миле В’чков

                Врз основа на член 27 од Законот за урбанистичко планирање („Службен Весник на РСМ“ бр.32/20), и член  50, точка 4 од Законот за локална самоуправа (,,Службен весник на РМ” бр.5/02), член 113, став 20 од Статутот на Општина Кавадарци, и донесената Програма за изменување и дополнување на Програма за изработка на урбанистички планови во Општина Кавадарци за 2022година, Глава IV- Урбанистички планови финансирани од правни и физички лица, Точка 43, Градоначалникот на Општина Кавадарци го дава следното:

С О О П Ш Т Е Н И Е За организирање на Јавна Презентација и Јавна Анкета

По Нацрт план –  Детален урбанистички за УЕ 14, Блок 14.6 и Блок 14.7 – „Силекс згради“ КО Ваташа, КО Кавадарци град, Општина Кавадарци плански период 2021-2026.

Граници на планскиот опфат се :

• на север границата на опфатот се движи по осовина на Желков дол;
• на југо-запад планскиот опфат се движи по оската на улицата Страшо Пинџур;
• на северо-исток границата на планскиот опфат се движи по оската на реката Луда Мара

Површината на планскиот опфат изнесува 5,64 ха.

Јавна Презентација и јавна анкета ќе се спроведе со излагање на Нацрт планот – Детален урбанистички за УЕ 14, Блок 14.6 и Блок 14.7 – „Силекс згради“ КО Ваташа, КО Кавадарци град, Општина Кавадарци во просториите на Општина Кавадарци.

                Јавната анкета трае од 08.06.2023 до 10.07.2023  година, секој работен ден од 8:00 до 16:00 часот.

           Во споменатиот рок, заинтересираните граѓани и правни лица можат да доставуваат писмени забелешки, предлози и мислења на анкетните листови.

            Јавна Презентација со стручно презентирање на планот ќе се одржи на ден  21.06.2023  година во 13.30  часот во просториите на Општина Кавадарци во Голема сала.

• Јавна повик
• Анкетен Лист за ДУП СИЛЕКС ЗГРАДИ