Категорија: Проекти

Реализацијата на проектот за ревитализација на улицата „7^–ми Септември“ се одвива непречено. Општина Кавадарци преку ангажираната оператива работи на неколку фронтови на делницата од мостот кај „Јаворот“ до раскрсницата кај ДТВ „Партизан“.

Токму на овие две локации според планот се изградиа два кружни текови, како ново сообраќајно решение.

Придобивките од нивната изградба се почуствуваа веднаш. Ова особено се однесува за спојот на улицата „7^–ми Септември“ со улиците: „Цано Поп-Ристов“, „Браќа Џунови“ и „Блажо Алексов“ каде повеќе ги нема застоите, неправилностите и нервозите кај возаќите во моментите на промена на правецот на движење. Сега сообраќајот се одвива без застои и прекршување на правилата за движење на возилата и пешаците.

Општина Кавадарци во екот на градежната сезона преку ангажираната оператива го реализира проектот за реконструкција и проширување на улицата „Тиквешко востание“. Се работи интензивно на трансформирањето на „првиот триаголник“ во кружен тек, а во склоп на проширувањето на улицата на таа локација се поставуваат и нови рабници. Во тек се и завршните работи на поплочување на тротоарот од спојот со плоштадот кај општината до спојот со улицата „Миле В‘чков“.

Финансиската конструкција е обезбедена преку грант за успешност од Светска Банка.

По објавениот Јавен повик од Министерството за земјоделство, шумарство и водостопанство за поднесување на барања за субвенции преку Програмата за капитални субвенции, а наменети за финансирање на инвестиции за реконструкција и пробивање на пристапни патишта до земјоделско земјиште, општина Кавадарци во соработка со Вардарски плански регион го реализира проектот за реконструкција на пристапен пат до земјоделско обработливо земјиште во општина Кавадарци, месност Кошани – Бегниште со вкупна должина од 2200 метри. Со реализацијата на овој проект значително ќе се подобри пристапот до обработливи површини во подрачја со интензивна земјоделска дејност.

Општина Кавадарци  во склоп на програмата за комунална изградба реализира и проекти за подобрување на условите во образованието.

Веднаш по завршувањето на учебната година општината преку ангажираната фирма започна со реализација на проектот за санација на покривот на зградата на Основното општинско училиште „Димката Ангелов-Габерот“ од Кавадарци. Предвидено е да се изврши замена на старата ќерамида, како и да се санираат оштетувањата на дрвената граѓа на целата површина на покривот.

Со вој проект општината ќе изврши значајна интервенција за подобрување на условите во образовните институции.

Зградата на училиштето е најстариот образовен објект во Кавадарци изграден на почетокот од триесеттите години на минатиот век во која без прекин цели 87 години се образуваат генерации кавадаречки деца.

Email*

На барање на жителите од улицата „Владимир  Назор“ Општина Кавадарци реализира проект за изградба на потпорен ѕид, формирање на пристапен дел од улицата, како и изградба на решетка за зафаќање на на атмосферските води.

Со реализацијата на овој комунален проект жителите на овој дел од населбата „Голи оток“ ќе добиат стабилизирано земјиште, нов урбанизиран пристап, и пред се заштита од евентуални поплави, кои во минатото им нанесувале сериозни оштетувања и проблеми.

Email*