Категорија: Проекти

Општина кавадарци преку ЈП „Комуналец“ продолжува со реализација на проектот за изградба на нов зелен пазар на просторот кај „Судската палата“ во новиот центар.

Екипа на ЈП „Комуналец“ ги постави првите 20 тезги со што започна опремувањето на пазарот. Според проектот во оваа фаза е предвидено да се постават 40 тезги за излагање и продажба на намирници.

Во првата фаза овој нов зелен пазар ќе служи како алтернатива, во периодот кога општината ќе започне да го реновина постојниот зелен пазар во центарот на градот.

Email*

Ангажираната фирма „Градба промет“ продолжи со градежните работи за изградба на сообраќајно- комуналниот проект кружен тек кај ВВ „Тиквеш“.

Во оваа фаза се изведува проширување на коловозните ленти, вадење на стариот асвалт, како и тампонирање. Со овој зафат се оформува изгледот на новиот „турбо“ кружен тек на раскрсницата на улиците „Западен булевар“ со ул. 8 „Септември“.

Овој сообраќаен објект зафаќа површина од 3000м², а согласно стандардите е со комплетна сообраќајна и комунална инфраструктура на јавно улично осветлување и хорти културно уредување.

Овде се гради современо сообраќајно решение со кружен тек за експресно одвивање на сообраќајот по регионалната улица „Западен Булевар“.

Општината Кавадарци инвестира 17,5 милиони денари, пари од буџетот за комунална изградба.

Општината апелира до сите учесници во сообраќајот за време на изградбата на кружниот тек да се придржуваат кон времениот режим на сообраќај, и во целост да ги почитуваат сообраќајните правила и прописи.

Општина Кавадарци продолжува со реализација на проектот за санирање на фасадите на колективните станбени згради во централното градско подрачје, кои се утврдени како објекти од значење за Кавадарци.

Деновиве привршува ревитализацијата на зградата позната како „Југопластика“. Ова е четвртата од вкупно 13 згради на кои ќе се врши интервенција за санирање на сачокот, замена на олуците, како и крпење и фарбање на фасадите.

Акцијата започна со зафат на дел од зградата на Домот на културата „Иван Мазов-Климе”. Потоа се работеше на зградите бр.51, и бр.53, на ул.„7-ми Септември“.

Во наредниот период ќе се продолжи со градежни работи на зградата бр.32 (стара Автобуска) на ул.„Илинденска“.

За оваа намена општината ќе инвестира 5.361.793 денари, а парите се обезбедени од буџетото на опшштината. Изведувач на работите е кавадаречката фирма „Метал Апостолов“.

Email*

Нов комунално сообраќаен проект реализира општината Кавадарци на локацијата Парк „Полана“.

Според проектот овде се прави простор за паркирање на лесни возила на улиците: „11-ти Октомври“, „Лазо Мицев“ и „Партизанска“. Новиот паркинг простор ќе биде на ниво на улиците, а возилата ќе се паркираат косо.

Со овој зафат општината ќе реши еден горлив проблем кој беше тесно сообраќајно „грло“ во најстариот центар на градот кај Марковата кула.

Со реализација на проектот повеќе нема да има непрописно паркирани возила кои создаваат проблеми во нормалното одвивање на сообраќајот, посебно во пазарните денови среда, петок и недела.

Општината со овој проект ќе заокружи уште еден комунален зафат, во кој покрај новиот простор за паркирање, минатата година се реновираа тротоарите на наведените улици со павер елементи, а беа поставени метални пречки за спречување на паркрање на тротоарите.

Во овој дел на градот општината ќе создаде услови за правилно паркирање и непречено движење на пешаците и возилата.

Email*

Локална самоуправа – Кавадарци во соработка со УНДП и Швајцарската агенција за развој и соработка, а во рамките на проектот „Зајакнување на општинските совети“ почнува со реализација на  Форуми во заедницата и Ве поканува да бидете дел од нив.

Во покануваме да присуствувате на форумот на заедница каде Вие со ваште идеи и потреби одлучувате како ќе ја  изградите вашата иднина. Ова се проектни форуми за кои е обезбеден фонд од 50.000 CHF, а ќе се финансира најмалку еден, а најмногу три проекти. Проектите кои ќе ги подготвуваат граѓаните ќе бидат за интервенција во областа на Социјалната инклузија.

Првата  форумска сесија ќе се одржи на 19.06.2019 година во салата на општина Кавадарци со почеток во 13.00 часот.

Со почит,

        Градоначалник                                                   Претседател на Совет

 на Општина Кавадарци                                     на Општина Кавадарци

        Митко Јанчев                                                              Ристо Сакалиев