Категорија: Реализирани проекти

Општина Кавадарци го реализираше проектот за целосна реконструкција на делница од улицата „Северен булевар“.

Градоначалникот на Кавадарци м-р Митко Јанчев, во придружба на Марко Колев од Вардарскиот плански регион и раководителите на Секторите за урбанизам Драган Симоновиќ и за Локален економски развој Тодор Ефремов денеска изврши увид во работите како и промоција на реконструираната делница.

Во обраќањето до јавноста градоначалникот Јанчев истакна: „Овој проект  се  реализира  со средства на Општината и на Вардарскиот плански регион во износ од 8.526.000 денари. Во ваа фаза се обнвои делница од 450 метри на потегот од спојот на северен со западен булевар, па до прилучокот на Булеварот „Никола Минчев“ со обиколницата „Северен булевар“. При промовирањето на обновената делница посочи дека ова е само дел од обемниот проект во општината преку кој со посредство на Светска банка ќе се реконструираат сите главни улици во Кавадарци, вклучително и преостанатиот дел од „Северен Булевар“.

Со овој зафат се заокружи проектот на Општина Кавадарци за реконструкција на коловозната лента на дел од обиколницата север која ги спојува влезотвите во Кавадарци од правец на Неготино и од правецот на Росоман.

Општина Кавадарци го реализираше проектот за обележување на хоризонталната патна сигнализација на реконструираната делница на „Северен булевар“.

На должина од 450 метри, преку оперативата на ЈП „Комунале“ се обележаа испрекинатите бели линии, срелките покажувачи на правец и пешачки премини. Новата хоризонтална сообраќајна сигнализација е обележана на делницата од спојот на северен со западен булевар, па до прилучокот на Булеварот „Никола Минчев“ со обиколницата „Северен булевар“.

Со овој зафат се заокружи проектот на Општина кавадарци за целосна обнова на коловозната лента на дел од обиколницата север која ги спојува влезотвите во Кавадарци од правец на Неготино и од правецот на Росоман.

Со завршните работи од реконструкцијата на делница од „Северен булевар“ се постави вториот слој „асфалт-бетон“ со дебелина од 6 сантиметри во должина од 450 метри со што овој потег од заобиколницата ќе биде со подобрени перформанси.

Проектот во вредност од 8.526.000 денари покрај асфалтирањето, опфати прво отстранување на стариот оштетен и дотраен асфалт на површина од 3.400м², при што целосно беше извадена старата подлога.

Во правец на подобрување на носивоста, согласно повисоките применети стандарди на нејзино место се постави „гео композит“, како и нов слој дробен камен од 40 сантиметри како подлога на која се нанесоа два слоја асфалтна маса со вкупно 15 сантиметри.

Со овој проект носивоста  на подлогата на оваа делница е повеќекратно подобрена.

Во оваа фаза се ревитализира потегот од спојот на Северен со Западен булевар, па до спојот со булеварот „Никола Минчев“.

Реконструклцијата е проект на општината преку Вардарскиот плански регион, а во наредната фаза општината ќе пристапи кон ревитализација на преостанатиот дел од „Северен булевар“ преку проектот со Светска Банка за ревитализација на главните улици во Кавадарци.

Оперативата на фирмата „АС машини“ го реализираше проектот за изградба на дел од тротоарот на улицата „Браќа Џунови“ на потегот од спојот со улицата „Киро Спанџов“ во правец на спојот со улицата „Слога“.

На овој дел се поставиа бехатон плочки на површина од 300м², за што општината инвестира сума од 260.000 денари. Парите се обезбедени од буџетот, сметка за комунална изградба.

Реализацијата на проектот тротоар е на барање на жителите од овој дел на градот.

Во Ваташа е во тек реализација на комунален проект за поплочување на крак од улицата „Боро Ваташки“. Оперативата на фирмата „АС машини“ ги изведува подготвителните земјени работи на теренот на просторот меѓу црквата и блиската зграда.

Се поставуваат и рабници со кои ќе се оформи површината на која ќе бидат поставени павер елементи.

Проектот е на барање на жителите од селото Ваташа кои гравитираат кон оваа улица.