Категорија: Uncategorized

Во Кавадарци беше промовиран Бизнис информативниот и иновативниот центар кој се наоѓа во централното градско подрачје, на улица 7-ми Септември бр.1 во зградата на  Домот на културата и Библиотека Феткин на 3 спрат, поткровје.

Центарот е изграден и финансиран од програмата за прекугранична соработка IPA 2007-2013, компонента II помеѓу Република Македонија и Република Грција, и националните фондови на земјите учеснички, со цел помагање на развојот на нови бизниси во пограничниот регион и поттикнување на претприемништвото.

Изграден е на површина од скоро 200м² и располага со следните простории: шест канцеларии опремени со канцелариски мебел и ИТ опрема, две  конференциски сали за опремени за состаноци и презентации, кујна опремена со инвентар и елементи

Канцелариите и опремата се наменети за новите претприемачи, кои ќе отпочнат сопствен бизнис, бесплатно во првите шест месеци како поддршка од општината.

Конференциските сали и опремата може да се користат бесплатно и за потребите на постоечкиот бизнис сектор.

Проектот “Бизнис информативен, иновативен центар и МИЦЕ акции” е финансиран од програмата за прекугранична соработка IPA 2007-2013, компонента II помеѓу Република Македонија и Република Грција, и националните фондови на земјите учеснички.

Имплементатори на проектот се општина Кавадарци и општина Едеса-Воден од Република Грција, како долгогодишни партнери во реализацијата на проекти од програмата ИПА.

Главната цел на проектот е да ги зајакне инфраструктураните, институционалните и кадровските капацитети за поддршка на бизнис секторот во прекуграничниот регион како и да даде: придонес кон локалниот економски развој во Кавадарци и Воден, Поддршка на бизнис секторот, промоција на преприемништвото, придонес кон зајакнувањето на личните капацитети на лицата што сакаат да започнат свој бизнис, Намалување на невработеноста во Кавадарци и Воден, Воспоставување и градење на институционална инфраструктура со изградба на  Бизнис центар.

Заедничките активности од проектот водат кон тоа да се промовираат локалните иницијативи за започнување на сопствен  бизнис преку воспоставување на институционални и интелектуални структури за поддршка на бизнисот и претприемништвото преку воспоставување на линкови од двете страни на границата.

Проектот започна во 2016 година со времетрање од 18 месеци, каде што се спроведоа следните активности во соработка со проектниот партнер: бизнис средби во Кавадарци и Воден со посета на локални компании. Бизнис изложба за промоција на локалните производи од Кавадарци и Воден. Дводневна работилница наменета за учениците од средните школи, на тема како да разработат сопствен бизнис план, како да напишат автобиографија и како да бидат конкурентни на пазарот на трудот. Работилница за кластерска конкурентост за водење на бизнис Се изработи тројазичен Водич за инвестиции. Се изработија брошури и лифлети со информација за проектните активности

Се изгради Бизнис информативен центар и се опреми со соодветна информатичка и канцелариска опрема.

Ова  е инаку четврти проект кој општина Кавадарци го реализира преку користење на средствата од ИПА 1 програмата на ЕУ.

Општина Кавадарци поради успешната реализација на овие проекти е прогласена и за најуспешна општинаво Македонија кога се работи за користење на ебвропските фондови.

Општина Кавадарци ја дели судбината на останатите македонски локални самоуправи кои изминатиот период работеа во услови на изразена политичка криза на државно ниво. Но добар дел од „цехот“ на  таа криза го платиа тие, заради одредби од политичкиот договор. Во такви услови мораа да ја прилагодат работата и да функционираат само во изворните надлежности. Градоначалниците и советите ги извршуваа основните функции, а во другите сегменти од работата општините можеа да ги реализираат само веќе започнатите проекти.

            Во ова издание на весникот реализираме интервију со градоначалникот на Кавадарци г.Александар Панов кој зборува за одразот на политичката криза, за реализираните проекти, како и за актуелната политичка ситуација во Македонија во пресрет на најголемиот национален празник Илинден – 2 Август.

Кавадарци доби бочва како еден од симболите на градот. Општината во вторникот на 7 февруари во средината на новиот кружен тек на улицата „Западен Булевар“ постави дрвена бочва која во иднина ќе ги пречекува патниците намерници потсетувајќи ги на вековната традиција на градот и регионот,

Се работи за дрвена бочва донација од Винарската визба „Тиквеш“, која е сместана на бетонски постамент во средината на новиот кружен тек. Оргиналната дрвена бочва од винскиот подрум на „Тиквеш“ има зафатнина од 9 000 литри, со димензии 3 х 2,5 х 1,5 метри, со тежина од близу 2 000 килограми. Бочвата е специјално репарирана да може на подолг временски период да одолее на временските прилики. Во вечерните часови новиот симбол на градот ќе биде амбиентално осветлен.

Новото градско обележје се поставува во пресрет на празникот на лозарите „Св. Трифун“-14 февруари. Истата е поставена на важна сообраќајница низ која се одвива регионалниот сообраќај од правец на Скопје преку Росоман, како и од Неготино кон Прилеп и обратно. Заедничката идеја за поставување на овој симбол произлезе од Секторот за Локален економскиразвој во општината и претставниците на ВВ „Тиквеш“ кои се дел од основачите на Кластерот за Вински туризам во општината Кавадарци.

Посакувам многу здравје на луѓето. Бидејќи се наоѓаме во делиактен глобален политички момент, посакувам Македонија и Кавадарци да не се најдат на линијата на интересите на големите сили и да не бидеме монета за поткусурување во задоволувањето на туѓи интереси.

Република Македонија е самостојна и суверена држава која треба достоинствено и сама да си ја гради иднината и институциите. Нормално е како млада демократија и од едната и од другата страна да правиме грешки, но ако Македонија ни е единствената алтернатива изградена на жртвите од историјата, тогаш треба да бидеме максимално сериозни и посветени кон иднината и стабилноста на нашата татковина.

Оваа света земја ја наследивме од нашите предци, а ја позајмивме од нашите внуци.

Токму затоа треба најсериозно да пристапиме кон нејзино зачувување и кон градење општа политичка кохезија, како и за прв пат од осамостојувањето креирање на договор меѓу сите политички чинители за неколкуте стратегиски точки околу кои несмееме да имаме различни ставови.

Нека ни е среќна и бериќетна новата 2017 година , а на православните христијани им ги честитам и престојните Божикни празници.

Да живее Кавадарци, да живее Република Македонија.

Годинава општина Кавадарци со сопствени средства ќе го поддржи проектот „Народна кујна“ со цел да ги задоволи потребите од обезбедување на топол оброк за десет стари и изнемоштени лица, кои поради материјална необезбеденост се во исклучително тешка состојба. Ваквата одлука беше усвоена од Советот на Општината на последната 30-та седница. За оваа намена ќе бидат издвоени 173.000 денари за осум месечна подршка на овој проект.

„На овој начин ја подржуваме политиката на развој на социјалната заштита преку обезбедување на топол оброк за стари и изнемоштени лица. Сумата која се издвојува од буџетот на општината ќе се исплаќа на сметка на детската градинка „Рада Поцева“, одговорна за подготовка на секојдневните оброци, а за тоа ќе се склучи и посебен договор“ се наведува во образложението на одлуката.

Меѓуопштинскиот центар за социјална работа Кавадарци ќе ги идентификува десетте нови корисници.

На последната седница беше донесена и одлука за финансиска подршка од 27.600 денари за „Мал групен дом“ за деца социјален ризик  кој работи во склоп на Центарот за социјални работи Кавадарци.