Вести

Денеска во Кавадарци беше отворен Младинскиот Информативен Центар

19 Авг 2015 by Општина Кавадарци in Невладини организации

Денеска во Кавадарци беше отворен Младинскиот Информативен Центар-Инфо СЕГА. Градоначалникот Александар Панов, Амбасадорката на Франција во РМ г-ѓа Лоренс Оер и директорот на Директорот на Агенцијата за млади и спорт Марјан Спасески на свечен начин со сечење на лента го прерардоа во употреба Младинскиот информативен центар-кавадарци.

Се работи за втор Информативен центар во земјата од ваков тип, по оној во Прилеп.

МИЦ е дел од проектот „Младински Информативен Центар-ИНФО СЕГА“ Кавадарци кој Коалиција на младински организации СЕГА во партнерство со Агенцијата на Асоцијации за Локална Демократија (АЛДА) го спроведува во рамките на Програмата за Децентрализирана соработка помеѓу Република Македонија и регионот на Долна Нормандија-Франција и Општина Кавадарци.

Градоначалникот Александар Панов и Советот на Општина Кавадарци го поддржаа отварањето на новите простории и активноста на Младинскиот Совет на Кавадарци. Панов денеска ја нагласи соработката со Француските пријатели и Агенцијата за млади и спорт. Новите простории и понатаму ке ги користи невладиниот СППМД. Колку посветува внимание тој и Општината на младите и невладиниот сектот говори факот стартот на работите на изградбата на првиот НВО центар во Кавадарци на улицата ,,7 септември“ каде ке бидат собрани на едно место сите невладини организации кои го немаат решено просторното прашање.Кавадарци е мегу првите градови во Македонија каде невладиниот сектор ке има оптимални услови за работа и дејствување.

За Амбасадорката на Франција во РМ г-ѓа Лоренс Оер, денешниот настан преставува гордост затоа што соработката со Француската невладина организација од Нормандија даде резултат чии плодови ќе ги користат младите кавадарчани. „Ова ќе биде место за собирање на младите, овде ќе бидат разменувани мислења, тие ќе ги искажуваат своите мислења и ставови, со еден збор ќе се изградуваат во личности“, рече амбасадорката Оер.

Извршниот директорот на Коалицијата Сега Зоран Илиевски кажа дека основна цел на Младинскиот Информативен Центар е обезбедување и ширење на информации, давање на совети, како и испорачување на обуки и едукации од различни сфери корисни за младите луѓе.

Директорот на Агенцијата за млади и спорт Марјан Спасески се заблагодари на Општина Кавадарци за отстапувањето на просторот, ангажманот и разбирањето на младите. Го потенцира слухот на Владата и Агенцијата за потребите од вакви центри во земјата кои можат да послужат за информации за вработување,ангажман за вклучување во разни активности.

Во продолжение активисти на СПМПД изведоа драмски приказ дел од нивната секојдневна работа, а беше одигано Мадонско оро и испеана ,,Македонко девојче,, од кавадаречки и ЕВР младински волонтери од Турција, а кавадаречкиот музички состав „Џоа бенд“ се престави со дел од својот репертоар.

Просториите на Младинскиот Информативен Центар се наоѓаат на ул. „Ресавска” бр. 4, кај првиот триаголник.

Четвртото издание на Т‘к Т‘ак фест на 5 септември

18 Авг 2015 by Општина Кавадарци in Култура

Четвртото издание на „Т’к Так Фест“ ќе се оддржи на 5 септември, сабота, на градскиот базен „Ал Пачино“ во Кавадарци.

Уникатните „Фолтин“, легендарните „Паја Бенд“, „Црна Тачка“ и „Коцка Лед“, минатогодишните победници „Chromatic Point“ и исклучително интересните „The Brothers Band“ во кој членуваат познати личности од македонскиот јавен и музички живот ќе бидат дел од ревијалниот дел на четвртото издание на единствениот македонски демофестивал „Т’к Так Фест“, кој годинава ќе се оддржи на 5 септември.

„Чест и задоволство ми е што и годинава успеавме да ја направиме таа би рекол природна синтеза помеѓу етаблираните и почитувани рок музичари и новите рок надежи на Македонија, па покрај забавата ќе донесеме дел од историјата, но и иднината на македонската музичка сцена. Ги имаме кавадарчаните „Паја Бенд“ кои по неколку децении повторно ќе пеат за нивната „Роза“, потоа легендарните „Коцка лед“, а од источна Македонија ни доаѓаат „Црна Тoчка“ кои македонската публика ги памети по „Баба Ката“, „Збрка“… „The Brothers Band“ особено нивните членови ќе бидат нашето изненадување за публиката, која ќе ужива и во концертот на минатогодишните победници „Chromatic Point““ – ни изјави Марко Матиев од организациониот одбор на „Т’к Так Фест“.

Во продолжение од разговорот, Матиев потенцираше дека за разлика од останатите настани кои се организираат ширум земјава, и на четвртото издание ќе видиме македонски бенд како главна музичка ѕвезда. „Веруваме во квалитетот на нашите бендови, ги сакаме, слушаме и почитуваме, и токму поради тоа и годинава ќе имаме македонски бенд кои ќе настапи како главна ѕвезда на фестивалот. Се работи за уникатните „Фолтин“ кои по долги, долги години доаѓаат во Кавадарци, и тоа на нивното прво концертно издание“ – дополнува Матиев.

Топол културен бран во Кавадарци

18 Авг 2015 by Општина Кавадарци in Актуелни информации / Култура

Во среда, на 19 август 2015, со почеток од 21.30 часот во Парк на револуцијата наспроти полицијата во Кавадарци, не очекува ексклузивен Џез концерт со “Por Ché Ne Trio“ и нивните гости.

„Por Ché Ne Trio“ е космополитски микс на три јаки музички личности, секоја од нив своевидна икона на традиционалната музика во нивните земји Аргентина, Италија и Македонија. На нивната стандардна постава Leo Genovese (Argentina) – piano, electronics, vocals, Francesco Marcocci (Italy) – acoustic bass, vocals и Александар Петров (Македонија) – drums, percussion, tapan, vocals, специјално на овој концерт ќе им се придружи Marie Petrov- (вокал, тромбон).

Нивната музика претставува трансверзала меѓу три континенти, преку оригинални композиции.

Досега настапувале во Аргентина, САД и др. Специјални гости на вечерта се прекалените кавадаречки џезери од бендот „Modern Jazz Quartet K“, со чиј настап ќе биде отворена оваа вечер.

Концертот е во рамките на “Топол културен бран“ и е во организација на Домот на културата “Иван Мазов – Климе“ Министерството за култура на РМ и Локална самоуправа на Општина Кавадарци.

Во рамките на манифестацијата „Топол културен бран 2015“, во организација на Домот на културата „Иван Мазов-Климе“ Кавадарци, а со подршка на Министерството за култура на РМ и Локалната самоуправа Кавадарци, во четврток, на 20 август 2015, Кавадарци го очекува исклучителна уметничка вечер:

20.00 часот (Галерија при Дом на култура Кавадарци) – Отворање на изложба на познатиот македонски ликовен уметник Драган Најденовски од Битола;

20.30 часот (Галерија при Дом на култура Кавадарци)-Промоција на книгата “Етичари“ од Проф.Д-р Кирил Темков

21.00 часот (Ресторан-базен при Хотел Уни Палас 2)- Отворање на Меѓународна ликовна колонија „Михајлово – Кавадарци 2015“

21.30 часот (Ресторан – базен при Хотел Уни Палас 2) – Џез концерт на „Modern Jazz Quartet K“ од ЛКавадарци

Општина Кавадарци денеска ги доби решенијата за два инфраструктурни проекти кои ќе ги реализира секторот за локален економски развој

18 Авг 2015 by Општина Кавадарци in Актуелни информации

Општина Кавадарци денеска ги доби решенијата за два инфраструктурни проекти кои ќе ги реализира секторот за локален економски развој, а се подржани од Агенцијата за финансиска подршка на земјоделството и руралниот развој.

Со цел подорување на животот во руралните средини беше прифатен од Агенцијата проектот за урбанизација на седум села во општина Кавадарци. За овој проект општината ќе добие околу 9 милиони денари, а вториот проект кој исто така беше прифатен од Агенцијата е за подобрување на патната инфраструктура во руралните средини.

Имено овој проект ја опфаќа реконструкцијата на патот Крњево-Бохула во должина од 5 километри. Овој проект Агенцијата за финансиска подршка во земјоделството и руралниот развој го подржува со близу 20 милиони денари.

Општина Кавадарци за селото Бохула претходно доби и проект за изградба на канализација, исто така во насока на руралниот развој и подобрување на условите за живот во селата.

Отворање на Младински информативен центар

18 Авг 2015 by Општина Кавадарци in Невладини организации

Во среда, 19 август 2015 година, во 11:00 часот, официјално ќе биде отворен Младинскиот Информативен Центар – ИНФО СЕГА Кавадарци, втор од ваков тип во земјата. Основна цел на Младинскиот Информативен Центар е обезбедување и ширење на информации, давање на совети, како и испорачување на обуки и едукации од различни сфери корисни за младите луѓе.

Младинскиот информативен центар официјално ќе биде отворен од страна на Градоначалникот на општина Кавадарци г-дин Александар Панов, Амбасадорот на Република Франција во Македонија г-ѓа Лоренс Оер и директорот на Агенција за млади и спорт на Р. Македонија г-дин Марјан Спасески.

МИЦ е дел од проектот „Младински Информативен Центар-ИНФО СЕГА Кавадарци кој Коалиција на младински организации СЕГА во партнерство со Агенцијата на Асоцијации за Локална Демократија (АЛДА) го спроведува во рамките на Програмата за Децентрализирана соработка помеѓу Република Македонија и регионот на Долна Нормандија – Франција и Локална Самоуправа Кавадарци.

Просториите на Младинскиот Информативен Центар се наоѓаат на ул. „Ресавска” бр. 4, кај првиот триаголник.