Вести

Градоначалникот Александар Панов во кабинетот оствари работна средба со Биљана Минчева-Шукарова ќерка на кавадаречкиот револуционер Никола Минчев.

На средбата беа разменети мислења и идеи во пресрет на одбележувањето на 100 годишнината од раѓањето на Никола Минчев. Свечената академија во чест на големиот патриот ќе се одржи на 2 ноември во Кавадарци во големата сала на Домот на Културата „Иван Мазов-Климе“.

На средбата присуствуваше и Петре Камчевски диеркторот на Музеј-Галерија Кавадарци, институција која е задолжена за реализацијата на настанните со кои општината Кавадарци ќе се оддолжи кон ликот и делото на Минчев.

Градоначалникот Панов после средбата посочи дека Никола Минчев, член на президиумот на АСНОМ и , првиот македонки министер за образование  заслужува родниот град да му се оддолжи на соодветен начин.

„Никола Минчев“-истакна Панов, „со својот лик и дело на само како револуционер и антифашист, го задолжи родниот град и Македонија и како истакнат стопанственик. Творец на идејата во Кавадрци да се изгради топилницата за фероникел „ФЕНИ“ и да се отвори рудник за николоносна руда во Р‘жаново. И покрај сите анатеми кои во минатиот систем ја следеа оваа фабрика, сепак по нејзината приватизација денеска компанијата „ФЕНИ Индустри“ е светки позната фирма која е четврти производител на фероникел во светот и двигател на Кавадаречкото стопанство и македонската економија. Овој податок сам посебе го потврдува визионерството на Минчев чии лик и дело посебно во економијата се инспирација и на денешните истакнати кавадаречки стопанственици и бизнисмени“.

Биљана Минчева-Шукарова се заблагодари на укажаното гостопримство и одвоеното време, притоа посочувајќи дека за неа и фамилијата Минчеви е голема чест и Признание што градоначалникот и општината ќе го одбележат значајниот јубилеј 100 години од раѓањето на Никола Минчев.

Градоначалникот на Општина Кавадарци Александар Панов оствари работна средба со делегација од амбасадата на Република Словенија во нашата земја, предводена од неговата екселенција амбасадорот Бранко Раковец, во која беа и економскиот советник во амбасадата госпоѓа Мира Лешјак и конзулот Грегор Ковачич. На средбата освен протоколарни беа разменети и мислења поврзани со продлабочување на економската соработка помеѓу Македонија и Словенија. Акцентот беше ставен на можноста од соработка на кавадаречки компании со сродни компании од Словенија.

После средбата градоначалникот Панов во изјва за јавноста истакна: Разговаравме претежно на економски теми. Интересот на двете држави и на Кавадарци е да најдеме заедничи пазари во трети земјо. Разгфоваравме и за можноста како поуспешно да функционираме меѓусебно. Повеќе наши компании да отвараат претставништва во Словенија, како што е примерот со ИГМ и обратно. Си зедовме обврска да реализираме една заедника средба меѓу регионалната стопанска комора со седиште во Кавадарци со комапнии од Словенија“

„Претходно кога работев како правник во ЈП „Комуналец“ со Светска банка и со словенечка фирма изградивме четии мини хидро централи на регионалниот водовод „Лукар“. Тоа беше добра основа за соработка, особено со новиот проект кој го работиме. Петте нови мини хидроцентрали на ревитализираниот Хидро мељоративен систем „Бошава“ кои ги градеше компанија од Словенија се веќе готови. Наскоро и официјално ќе бидат пуштени во работа. Хидроцентралите се веќе готови и произведуваат електрична енергија. Очекуиваме до крајот на месецот да ги пуштиме официјалчно во употреба. Комапнијата „Колектор“ од Словенија ќе го каже точниот датум. Ќе присуствуваме на отворањето на уште еден капитален проект во Кавадарци, пет мини хидроцентрали со моќност над 11 мегавати“ рече Панов.

Задоволство од денешната средба со градоначалникот на Кавадарци искажа и словенечкиот амбасадор Раковец. „Ме радува тоа што денес сум во Кавадарци. Градоначалникот ме запозна со развојните проекти на општината,  која важи за една од најуспешните во Македонија. Кавадарци не е само подрачје за производство на квалитетни земјоделски производи, тоа е град на индустрија кој се равива. Вашата општина може да се пофали со бројни странски инвестиции, посебно ме радува што меѓу нив има и словенечка компнаија. Тоа е компанијата „Колектор“ која работеше на мини хидроцентралите. Ме радува и фактот што од Кавадарци има македонка инвцестиција во Словенија. Тоа е инвестиција на кавадаречката компмнаија  „ИГМ-Трејд“. Взаемната соработка и инвестициите се вистинскиот пат кон соработка“, рече амбасадорот.

Деновиве од Јавното комунално претпријатие од Кавадарци со сопствени средства набави нов булдужер со кој полесно ќе се одржува депонијата. Привршуваме со комеплетна обнова на возниот парк. Набавен е булдужер со 110 коњски сили. Вредноста е околу 7 милиони денари. На депонијата е направена уште една инвестиција. Извршивме комплетно оградување и електрификација со соларни панели со моќност од шест киловати, рече во изјава директорот  на ЈП Комуналец, Илија Атанасов.

Градоначалникот на општина Кавадарци, Александар Панов го поздрави обновувањето на возниот парк во ова јавно претпријатие и нагласи дека состојбите таму неможеле да се споредат сега и пред четири-пет години.

„Тоа што беше Комуналец пред четири-пет години и тоа што е сега се два различни појмови, како да разговараме за црно и бело. Како поранешен вработен во Комуналец, во минатото се сеќавам како ги крпевме старите булдужери. Дојде време да одбележиме набавка на ново „теге“ и тоа што беше потреба на градската депонија конечно да го решиме. ЈП Комуналец засега нема некои поголеми потреби од механизација. Наредната година најверојатно ќе набавиме еден самоподигнувач. Депонијата е во многу добра кондиција. Има и систем за гасење на пожар, но во изминативе неколку години нема регистрирано пожар на депонијата“ рече Панов.

ЈП „Комуналец“ годинава бележи неколку инвестиции на градската депонија Мелци. Извршено е оградување на депонијата, направен е систем за електрификација со фотоволтажни панели, вградена е подземна цистерна со вода за гасење на пожар при заплување или самозапалувањае на сметот со што се заокружи еден инвестиционен циклус во кој претходно беше асвалтиран и пристапниот пат во должина од 800 метри..