Почитувани кавадарчани, гости од цела Македонија и пошироко, започна вековната традиција на нашиот град, стопанската, туристичка и културна манифестација Тиквешки Гроздобер 2022!

Изложба на олдтајмери, таблијада, изложби на уметнички дела, трка со келнери, натпревар на коктели со вино,подготвување на најразлични специјалитети од грозје, вино и маџун, традиционални вечери на староградска песна и гостување на музички звезди од Македонија и поранешните ЈУ простори, во приказната наречена Тиквешки гроздобер. И главната карневалска поворка, белегот на оваа манифестација низ годините, со учество на карневалски групи од Македонија и надвор од неа. За многу години!