Автор: admin

Совет на општината

Општинскиот Совет е највисокиот орган на одлучување за сите барања во рамките на правата и должностите на општината.

Надлежности на Советот:

• Донесува Статут на општината и други прописи;
• Донесува буџет на општината и годишна сметка на Општината;
• Ја утврдува висината на сопствените извори на приходи за финансирање на општината, во рамките утврдени со закон;
• Основа јавни служби во рамките на надлежноста на Општината и врши надзор над нивната работа;
• Именува членови на управните одбори на јавните служби кои ги основа;
• Усвојува програми за работа и финансиски планови за финансирање на јавните служби кои ги основала Општината;
• Ги усвојува извештаите за извршување на буџетот и годишната сметка на Општината;
• Одлучува за давање дозвола за вршење дејност од јавен интерес од локално значење, во согласност со законот;
• Ги усвојува извештаите за работа и годишните сметки на јавните служби, кои ги основала Општината;
• Одлучува за начинот за располагање на сопственоста на Општината;
• Одлучува за начинот на вршење на финансиска контрола на Буџетот на Општината, во согласност со законот;
• Го избира лицето кое раководи со подрачната единица на Министерството за внатрешни работи во општината, во согласност со законот;
• Го разгледува и усвојува годишниот Извештај за јавната безбедност на подрачјето на Општината кој го доставува до министерот за внатрешни работи и народниот правобранител;
• Може да дава препораки на раководното лице на подрачната единица на Министерството за внатрешни работи од областа на јавната безбедност и безбедноста на сообраќајот и
• Врши и други работи утврдени со закон.

Делувањето на Советот на општината е во согласност со Законот за локална самоуправа и Статутот на општина Кавадарци.