ПРОЕКТНИ АКТИВНОСТИ ЗА ИЗГРАДБА НА НОВА ДЕТСКА ГРАДИНКА

6 Авг 2019 by Општина Кавадарци in Настани

Во големата сала на Општина Кавадарци денеска се одржа Јавна презентација на проектот за изградба на нова градинката на локација на улицата „Ресавска“.

На тема „Првична ограничена оцена на влијание врз животна средина и социјални аспекти за изградба на нова градинка” зборуваа: Наташа Тасевска-Стојановска од Министерството за труд и социјална политика која пред присутните го презентираше проектот за новата градинка, потоа м-р Марија Малиновска која го образложи основниот проект за градинката, како и м-р Славјанка Пејчиновск- Андова која говореше на тема „Првична и ограничена оцена врз влијанието на животната средина и социјалниот аспект за изградба на новата градинка“.

На презентација присуствуваа:граѓани, родители, персонал од градинките, лица од општината, социјални работници, невладини организации, граѓански здруженија и други засегнати страни.

Со изградбата на новата градинка општината очекува значајно да го реши проблемот со недостиг на капацитети за сместување на децатра од предучилишна возраст во ОЈУ Градинка „Рада Поцева“.

Реконструкција на пристапен пат до земјоделско обработливо земјиште с.Кошани до с.Бегниште

5 Авг 2019 by Општина Кавадарци in Проекти

По објавениот Јавен повик од Министерството за земјоделство, шумарство и водостопанство за поднесување на барања за субвенции преку Програмата за капитални субвенции, а наменети за финансирање на инвестиции за реконструкција и пробивање на пристапни патишта до земјоделско земјиште, општина Кавадарци во соработка со Вардарски плански регион го реализира проектот за реконструкција на пристапен пат до земјоделско обработливо земјиште во општина Кавадарци, месност Кошани – Бегниште со вкупна должина од 2200 метри. Со реализацијата на овој проект значително ќе се подобри пристапот до обработливи површини во подрачја со интензивна земјоделска дејност.

Мој Општинар и ЈП „Комуналец“ во редовна акција за почисто Кавадарци

5 Авг 2019 by Општина Кавадарци in Урбанизам и Комунални дејности

Дел од денешните активности на службите од ЈП „Комуналец“ заедно со Мој Општинар извршуваат чистење на фонтаните, метење и чистење на улиците, тротоарите и јавно прометните површини како и косење на тревниците во градот.

ЈАВЕН ПОВИК до евидентирани невработени лица за вклучување во Програмата Општинско – корисна работа

5 Авг 2019 by Општина Кавадарци in Актуелни информаци / Актуелни информации / Огласи и соопштенија

Врз основа на Договорот за соработка помеѓу Агенцијата за вработување на РСМ (АВРСМ), Програмата за развој на Обединетите нации (УНДП) и општина Кавадарци Оперативниот план за активни програми и мерки за вработување и услуги на пазарот на трудот за 2019 година усвоен од Владата на Република Северна Македонија, Програмата Општинско – корисна работа финансирана од Буџетот на Агенцијата за вработување на РСМ, на ден 05.08.2019-година се објавува:

Ј А В Е Н П О В И К

до

евидентирани невработени лица за вклучување во

Програмата Општинско – корисна работа

Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “ Креирање можности за работа за сите IV-” за работно ангажирање од 20 (дваесет) часа неделно за период од 6 (шест) месеци до /9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување -Кавадарци

Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани за 20 (дваесет) работни часови неделно.

За периодот додека лицата се работно ангажирани преку програмата „Општинско-корисна работа“ истите не го губат статусот на невработено лице и истите се должни редовно да се јавуваат во Агенција за вработување- Центар за вработување-Кавадарци со цел почитување на обврските согласно Закон. На невработените лица-корисници на социјална помош за времетраење на работниот ангажман ќе им биде активно правото на користење на социјална помош.

Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата.

На кандидатите кои ќе бидат избрани и вклучени во Програмата Општинско-корисна работа ќе им биде исплатен паричен надоместок за работно ангажирање во висина од 9.000,00 денари месечно , со вклучени данок на личен доход и осигурување за инвалидност и телесно оштетување причинето со повреда на работа и професионална болест.

Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:

– Стари лица со инвалидитет на кои им е потребна грижа, комуникација, основни здравствени услуги и интернет описменување

– Ученици од општинските училишта кои имаат телесен или ментален инвалидитет и наидуваат на проблеми во наставно-воспитниот процес.

Работните позиции кои се опфатени со овој оглас се однесуваат на ангажирање на :

– Негователки на стари лица во домашни услови

– Лични асистенти

-Заинтресираните невработени лица Пријави за учество во Програмата „Општинско-корисна работа“ можат да поднесат во Агенција за вработување- Центар за вработување -Кавадарци во периодот од 05.08.2019година до 16.08.2019 година, од 08:00 до 14:00 часот.

Поконкретните услови, права и обврски ќе бидат уредени со склучување на Договор помеѓу Општина Кавадарци и избраните кандидати.

Детални информации за Програмата „Општинско-корисна работа“ можат да се добијат во општина Кавадарци кај лицето Сашо Мошев, Општински координатор за Програмата „Општинско-корисна работа“, Агенција за вработување- Центар за вработување Кавадарци кај лицето Велика Мурџавалевска, Центар за социјлна работа Кавадарци кај лицето Сузана Димкова.

ПРВИЧНА ОГРАНИЧЕНА ОЦЕНА НА ВЛИЈАНИЕ ВРЗ ЖИВОТНА СРЕДИНА И СОЦИЈАЛНИ АСПЕКТИ ЗА ИЗГРАДБА НА НОВА ГРАДИНКА НА УЛИЦА РЕСАВСКА

1 Авг 2019 by Општина Кавадарци in Животна средина / Настани / Огласи и соопштенија

Известување

Во вторник 06.08.2019 во 11h во просториите на Општина Кавадарци Сала за Совет ќе се изврши презентација на проектот за изградба на градинката во нашата општина на ул. Ресавска. Целта на јавната расправа е информирање на граѓаните и засегнатите страни за активностите за изградба на нова градинка и за документот “Првична ограничена оцена на влијание врз животна средина и социјални аспекти за изградба на нова градинка”. За таа цел на јавната расправа се покануваат граѓани, родители, персонал од градинките, лица од општината, социјални работници, невладини организации, граѓански здруженија и други засегнати страни.

Основен проект

Преземи документ