Список на извлечени и проверени барања по Втор јавен повик за енергетско ефикасни грејни тела

1 Ное 2018 by Општина Кавадарци in Огласи и соопштенија

По јавното извлекување на ден 30.10.2018 во просториите на Општина Кавадарци согласно Вториот Јавен оглас за субвенционирање на граѓаните при купување на енергетско ефикасни грејни тела и повторната проверка на извлечените барања, Општина Кавадарци објавува список на потенцијалните добитници за субвенционирање.

Важно: Комисијата за проверка на терен ќе изврши проверка на сите исправни извлечени баратели во наредниот период после што Општина Кавадарци ќе објави конечен список на субвенционирани баратели.

Табела

ПОВТОРЕН ЈАВЕН ПОВИК за изразување интерес за учество на претставник од граѓанските организации како набљудувач во Комисијата за евалуација на предлог проекти во рамките на ReLOaD проектот во општина Кавадарци

1 Ное 2018 by Општина Кавадарци in Огласи и соопштенија

Главната цел на проектот ReLOaD, кој е финансиран од Европската унија, а имплементиран од Програмата за развој на Обединетите Нации (УНДП), е јакнење на партиципативната демократија и процесот на интеграција на земјите од Западен Балкан во ЕУ, а преку оспособување на граѓанските организации активно да учествуваат во процесот на донесување одлуки. Проектот ReLOaD работи со пет партнерски општини: Куманово, Ресен, Гостивар, Кавадарци и Струмица, на усвојување на транспарентен пристап за финансирање на проекти на граѓанските организации, со кој ќе се поттикне поголема граѓанска вклученост во процесот на донесување одлуки и ќе се подобрат услугите што се обезбедуваат на локално ниво.

Известување по Проект РЕЛОАД

31 Окт 2018 by Општина Кавадарци in Огласи и соопштенија

Почитувани,

Во врска со објавениот Јавен повик за граѓански организации за поднесување предлог проекти во рамки на регионалната програма за локална демократија во Западен Балкан (РеЛОаД) ,ве известуваме дека во наредиот период на планот на активности се предвидени менториски сесии за сите граѓански организации. Менторските сесии се организираат со цел преку консултации да им се помогне на организациите кои сакаат да аплицираат на јавниот повик, во проверка дали проектите се подготвени согласно со насоките од јавниот повик и да им се појаснат или дообјаснат одредени работи кои можеби не биле покриени со обуките а кои им се неопходни за да го подготват целосно проектот. За општина Кавадарци планирано е да се оддржат 4 менторски сесии и тоа за следните дати:

14.11.2018 (Четврток)

15.11.2018 (Петок)

26.11.2018(Понеделник)

30.11.2018(Петок)

Ги замолуваме сите Граѓански организации да се пријават намајлку три дена пред почетокот на секоја менотрска сесија, и да наведат на која дата сакаат да учествуваат.( може да учествуваат на повеке од една менторска сесија). Точната дата за учество ни е потребна со цел менторката да може навремено да ги испланира своите посети по сите пет пилот општини од овој проект.

Пријавувањето за сесиите може да го извршите кај лицето задолжено за координација со невладиниот сектор во општина Кавадарци –

Ненад Јованoвиќ – jovanovichn@yahoo.com.

ПОЗИТИВНИ ИСКУСТВА ОД РАБОТЕЊЕТО НА ИНФОРМАТИВНОТО ТУРИСТИЧКО БИРО

30 Окт 2018 by Општина Кавадарци in Актуелни информации

За неполни два месеци од работењето на Туристичкото информативно биро, туристички информации имаат побарано над 40 странски туристи. Регистрирани се посетители од Словенија, Австрија, Холандија, Австралија, Белгија, Франција и Полска, на возраст меѓу 40 и 60 години.

Сите тие во Кавадарци дошле во сопствена режија. Сверата на интерес им е пред се традицијата, потоа знаменитостите, а дел се интересирале и за природните убавини и реткости. Најчесто побарале да посетата места каде во домашни услови на традиционален начин се преработува грозјето во вино и ракија, при што на самото место се запознаваат и со традицијата на производство на маџун и р‘чели како своевидно изненадување за нив.

Странските туристи пројавуваат интерес и за традиционалната домашна кујна и храна.

Изненадување и нескриено задоволство покажуваат особено кон фактото дека во градот на многу добра локација има место каде можат да добиат бесплатни информации за она што ги интересира.

Првите искуства на Општина Кавадрци од работата на бирото се позитивни. Впечатоците и забелешките кои странските туристи ги споделуваат во бирото пред да замината, ќе и послужат на општината при креирањето на идните акциски планови во сверата на туризмот.

Општина Кавадарци во овој дел има многу што да понуди. А во правец на подобрување на туристичката понуда потребна е соработка и со граѓаните. на општината. Општината ги повикува сите заинтересирани, како и оние кои имаат идеи и се расположени за соработка да контактираат со општината најмногу преку туристичко информативното биро за унапредување и развој на алтернативниот туризам во Кавадарци.

АСФАЛТИРАЊЕ НА ДЕЛНИЦА ОД „СЕВЕРЕН БУЛЕВАР“

30 Окт 2018 by Општина Кавадарци in Проекти / Тековни проекти / Улици и тротоари

Согласно проектот кој општина Кавадарци го реализира преку Вардарскиот плански регион, започна завршната фаза од реконструкцијата на делница од „Северен булевар“. Во оваа фаза се ревитализира потегот од спојот на Северен со Западен булевар, па до спојот со булеварот „Никола Минчев“.

Ангажираната оператив го постави првиот слој „носив асфалт“ со дебелина од 9 сантиметри на делницата од 450 метри. Потоа ќе уследи поставување на вториот слој „асфалт-бетон“ со дебелина од 6 сантиметри со што оваа делница од заобиколницата ќе биде со подобрени перформанси.

Целиот проект во вредност од 8.526.000 денари покрај асфалтирањето, опфати прво отстранување на стариот оштетен и дотраен асфалт на површина од 3.400 м², при што целосно беше ископана цлета стара подлога.

Во правец на подобрување на носивоста согласно повисоките применети стандарди на нејзино место се постави „гео композит“ (специјална мрежа) како и нов 40 сантиметри слој дробен камен како подлога на која се нанесуваат вкупно 15 сантиметри сфалтна маса во два слоја.

Со овој проект носивоста на подлогата на оваа делница е повеќекратно подобрена.

Во наредната фазаз општината ќе пристапи кон ревитализација на преостанатат делница од „Северен булевар“ преку проектот со Светска Банка за ревитализација на главните улици во Кавадарци.