Категорија: Тековни проекти

Оперативата на ангажираната фирма „Лабино трејд-Констракшн“ од Гостивар ги изведува подготовките за поставување на бехатон коцки на пешачката патека на делница од „Желков дол“ помеѓу улиците „Страшо Пинџур“ и „4 Мај“.

Трасата е оформена, изградени се пристапните скали и рампата за лица со попреченост на спојот со улицата „Страшо Пинџур“, а поставена е и електричната инсталација за канделабрите од јавното улично осветлување.

Во наредниот период ќе се постават и бехатон коцките со што овој дел од поројницата „Желков дол“ ќе се урбанизира во пристапна патека која ќе овозможи побезбедна и побрза комуникација на граѓаните.

Општина Кавадарци со посредство на „Мој општинар“, а на барање на жителите, преку оперативата на ЈП „Комуналец“ го реализира проект за обновување на рекреативната зона на улицата „Солунска глава“.

Во текот на месец Октомври на површина од 3000м² вработените од работната единица „паркови и зеленило“ секојдневно работеа на расчистување и уредување на просторот.

Согласно проектот теренот најпрвин се расчисти од отпад, шут и обрасната вегетација. Се замени старат и искршена фонтана со нова, се промени водоводната инсталација и се постави подземен систем со рапрскувачи за полевање.

Ќе следи хортикултурно уредување со трева и ниско стеблести растенија, а општината планира и репарирање на постојните реквизити од детскиот забавен парк.

Рекреативниот парк ќе добие и дополнително јавно осветлување.

По звршувањето на работите граѓаните од овој дел на градот ќе добијат обновена зона за одмор и рекреација. 

Проектот на општината за реконструкција на салата „Партизан“ е во тек. На увид во текот на градежните работи беше градоначалникот Митко Јанчев кој на самото мести имаше можност да види како се одвива реконструкцијата на најстарат спортска сала во Македонија.

Општина Кавадарци со овој проект ќе изврши внатрешна ревитализација на објектот со замена на таванот, на столаријата, на паркетот на теренот, а ќе се санира и фасадата.

На крајот ќе се интервенира и со хортикултурно уредување пред салата.

Општина Кавадарци преку ангажираната оператива на фирмата „Градба промет“ го реализира проектот за внатрешна реконструкција на спортската сала „Партизан“.

Во оваа фаза се реконструираат, таванот преку замена на трската со гипс-картон плочи, како и замена на дотраените дрвени прозорци. Со реконструкцијата е предвидено и обновување на паркетот на теренот, фасадата, како и партено уредување околу објектот.

Со оваа реконструкција општината го заштитува и му го продолжува животот на најстариот спортски објекти во Македонија.

Општина Кавадарци релизира реконструкција  на ДТВ „Партизан“ каква што не е извршена во последните 40 години.