РЕКОНСТРУКЦИЈА НА САЛАТА „ПАРТИЗАН“

4 Окт 2018 by Општина Кавадарци in Проекти / Спорт

Општина Кавадарци преку ангажираната оператива на фирмата „Градба промет“ започна со реализација на проект за внатрешна реконструкција на спортската сала „Партизан“.

Се работи за реконструкција на внатрешноста на храмот на кавадаречкиот спорт, каква што не е извршена во последните 40 години.

За оваа намена општината од буџетот издвои 5.084.100 денари. Парите се наменети за обнова на паркетот на теренот, столаријата, таванот, фасадата, како и за партено уредување околу објектот.

Со овој проект општината ќе спроведе сериозна санација за заштита на „Партизан“ каде од 1958 год, па се до изградбата на салата „Јасмин“ 1995 год. се одржуваа сите значајни натпревари на кавадаречките кошаркрски екипи, како и натпреварите во карате, одбојка, гимнастика, пинг-понг, мал фудбал и останатите мали спортови.

Салата „Партизан“ во својата историја се користеше и како саемски простор во склоп на „Тиквешкиот гроздобер“ како и место за многу концерти и културни настани.

Со оваа реконструкција општината го заштитува и му го продолжува животот на еден од најстарите спортски објекти во Македонија.

ЖАРДИНЕРИ НА БУЛЕВАРОТ „ВИДОЕ СМИЛИВСКИ“

4 Окт 2018 by Општина Кавадарци in Проекти / Тековни проекти

Оперативата на градежната фирма „АС машини“ е ангажирана од страна на општината Кавадарци да го реализира проектот за изградба на жардинери на булеварот „Видое Смилевски“.

Според проектот на средината меѓу двете коловозни ленти најпрвин се поставија нови рабници во должина од 600 метри, по што ќе се вгради и декоративен блок.

Цвеќарниците ќе се протегаат од мостот па до спојот со улицата „Шишка“.

Со изградбата на овие жардинери источниот влез во градот од правецот на Неготино ќе добие посовремен и урбанизиран лик.

ПРОДОЛЖУВА АКЦИЈАТА ЗА ОБЕЛЕЖУВАЊЕ НА ПАРКИНГ МЕСТА

4 Окт 2018 by Општина Кавадарци in Огласи и соопштенија

Општина Кавадарци ги информира граѓаните и возачите дека на 4 и 5 Октомври ќе работи на обележување на паркинг места на дел од градските улици.

Утре на ден 04. 10. 2018 година (четврток), општината има планирано активност обележување на паркинг местата за зонско паркирање на бул. „Моша Пијад“ на делот од спојот со кружниот тек до спојот со булевар „Цветан Димов“ од двете страни.

Исто така на ден 05. 10. 2018 година (петок), ќе се врши обележување на паркинг местата на бул. „Никола Минчев“ од спојот со бул. „Вељко Влаховиќ“ до спојот со кружниот тек од двете страни.

Затоа Општината апелира до сопствениците на моторните возила во наведените денови истите да ги отстранат од коловозните ленти каде ќе се врши обележувањето.

Општината оваа кација ќе ја спроведе и со сообраќајната полиција која ќе изврши отстранување на паркираните возила од овие улици во наведените термини за навремено и ефикасно завршување на работите.

Обележувањето ќе се врши со почеток од 08. 30 часот.

Обновување на фонтаната во рекреативната зона на улицата „Солунска глава“

4 Окт 2018 by Општина Кавадарци in Проекти / Тековни проекти

Општина Кавадарци во рамките посветува внимание и на одржувањето на постојните површини за одмор и рекреација на граѓаните во Урбанитре заедници.

Деновиве општината преку оперативата на ЈП „Комуналец“ реализира проект за обновување на фонтаната во рекреативната зона на улицата „Солунска глава“. Овде се изведуваат водоинсталатерски работи за новата фонтана, како и градежни работи за хортикултурно уредување на просторот.

Планираное и репарирање на постојните реквизити од детскиот забавен парк.

По звршувањето на работите граѓаните од овој дел на градот ќе добијат обновена зона за одмор и рекреација.

АСФАЛТИРАНА УЛИЦАТА „ЦАР САМУИЛ“

2 Окт 2018 by Општина Кавадарци in Проекти / Реализирани проекти / Улици и тротоари

Кампањата за ревитализација на градските улици продолжува. Ангажираната оператива денеска изврши асфалтирање на улицата „Цар Самуил“ веднаш под спортскиот центар „Јасмин“.

Преку проект на Општина Кавадарци беше асфалтирана површина од 600м².

Претходно ЈП „Комуналец“ на оваа улица постави атмосферска канализација.

И овој проект Општина Кавадарци го реализира на барање на граѓаните кои живеат во овој дел на градот.