ОГРАДЕН ТЕРЕНОТ ЗА КОШАРКА КАЈ ЗГРАДИТЕ НА БУЛЕВАРОТ „КОЧО РАЦИН“

Деновиве фирмата „ЗД Горан“ преку својата оператива работи на реализацијата на комуналниот проект за оградување на кошаркарскиот терен зад зградите на булеварот „Кочо Рацин“.
Станува збор за проект на општина Кавадарци согласно кој кошаркарското игралиште ќе биде оградено и оспособено за рекреација на жителите пред се младите од оваа урбана населбА.
Со овој проект општината продолжува со уредувањето на просторот, од каде претходно беа отстранети лимените гаражи, потоа се прошири и асфалтира паркингот, а се изврши и хорти културно уредување на запуштените зелени површини.
Оградувањето на теренот за улична кошарка е продолжение на проектот на општината за урбано уредување на овој простор наменет за одмор и рекрација на граѓаните.

ПРЕДУПРЕДУВАЊЕ СО АПЕЛ ДО ГРАЃАНИТЕ ЗА НЕВРЕМЕТО СО СИЛЕН ВЕТЕР

24 Сеп 2018 by Општина Кавадарци in Огласи и соопштенија

Почитувани граѓани,

Општина Кавадарци врз основа на прогнозите и извештаите од Управата за хидро метеоролошки работи за најавената и очекувана промена на временската состојба со засилен сверен ветер предупредува и Апелира за претпазливост.

Според најавите во доцните попладневни часови денеска 24.09.2018 год. во текот на утрешниот ден 25.09.2018 год., на територијата на Тиквешијата и Општина Кавадарци се очекува да дува засилен ветер кој на моменти во Повардарието би достигнал брзина и до 80 км/час, а во кавадаречкот поле од север се очекуваат повремени удари на ветер и со брзина поголем и од 30 км/час.

Затоа надлежните од општината апелираат граѓаните во овој период непотребно да не излчегуваат на отворени или во поле.

Исто така се апелира благовремено да ги остранат сите предмети кои при налетите на силниот ветер би претставувале и потенцијална опасност по имотот и граѓаните.

Одлука за избор на кандидат за унапредување по интерен оглас 01/2018

21 Сеп 2018 by Општина Кавадарци in Огласи и соопштенија

Одлуки за избор на кандидати за интерен оглас број 01/2018 на Општина Кавадарци.

Соопштение до учесниците во сообраќајот

21 Сеп 2018 by Општина Кавадарци in Огласи и соопштенија

Општина Кавадарци ги информира учесниците во сообраќајот и граѓаните дека утре сабота 22 септември 2018 година, дел од „Северен булевар“ ќе биде затворен за сообраќај.

Заради изведување на градежни работи се воведува забрана за движење на делницата од спојот со „Западен булевар“ кај новата бензинска до спојот со булеварот „Цветан Димов“ кај хотел „ФЕНИ“.

Забраната за одвивање на сообраќајот на моторните возила се однесува на времето од 7:30 часот до 13: 30 часот.

ПОПЛОЧЕН ПРЕОСТАНАТИОТ ДЕЛ ОД ПАТОТ КОН МОКЛИШКИОТ МАНАСТИР

18 Сеп 2018 by Општина Кавадарци in Улици и тротоари

Општина Кавадарци во соработка со фирмите донатори „Ас машини„ и „Градба промет“ реализираше проект за доизградба на пристапниот пат кон манастирот „св. Никола“ во Моклиште.

Се работи за поплочување на преостаната делница до брегот на реката до спојот со постојниот поплочен пат. На оваа делница по претходна санација на старата подлога се поставиа павер елементи.

По реализацијата на овој проект намерниците, верниците и граѓаните кон овој свет историски храм ќе се движат по урбанизиран пат.