ОБЈАВА број 5/2022

15 Сеп 2022 by Општина Кавадарци in Огласи и соопштенија

за отуѓување на градежно земјиште сопственост на Република Северна Македонија

по пат на електронско јавно наддавањево општина Кавадарци

ПРЕДМЕТ НА ЕЛЕКТРОНСКОТО ЈАВНО НАДДАВАЊЕ

Предмет на електронското јавно наддавање е градежно неизградено земјиште, сопственост на Република Северна Македонија, предвидено со УП за село Марена, Општина Кавадарци 2014-2024, донесен со Одлука на Општина Кавадарци број 08-326/4 од 31.01.2019 година, за изградба на објекти со намена на градба –Г2 – Лесна и незагадувачка индустрија(компатибилна класа на намена Б1, Б2, Б4, В2, Д2, Д3, Г3 и Г4 –49%) согласно Табеларен преглед 1, во кој се дадени податоци за градежните парцели, број на катастарски парцели опфатени со градежнaтa парцелa, намена на градба, максимална висина до венец, катност, процент на изграденост, коефициент на искористеност, вкупна површина на градежната парцела, површина за градење, почетна цена по м2, вкупна почетна цена и банкарска гаранција за сериозност на понудата.

Objava 5-2022 G2 Marena

Соопштение за организирање на Јавна Презентација и јавна анкета по ДУП за УЕ 13, за дел од УБ 13.1, ,,Коњски Дупки”

14 Сеп 2022 by Општина Кавадарци in Огласи и соопштенија

Врз основа на член 35 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), и член 50 точка 4 од Законот за локална самоуправа (“Службен весник на РМ” бр.5/02), член 113, став 20 од Статутот на Општина Кавадарци, и донесената Програма за изработка на урбанистичка планови во Општина Кавадарци за 2017 година, Урбанистички планови финансирани од Буџет на Општина Кавадарци, точка 12, Градоначалникот на Општина Кавадарци го дава следното:

С О О П Ш Т Е Н И Е

За организирање на Јавна Презентација и јавна анкета

по Детален урбанистички план за УЕ 13, за дел од УБ 13.1, ,,Коњски Дупки”, КО Кавадарци град и КО Кавадарци вон град, Општина Кавадарци

Границата на опфатот е дефинирана:

– од северната страна границата на опфат минува по оската на сервисна улица “4”.

– западната граница на опфатот се движи по граница на ГУП за град Кавадарци и населбите Ваташа и Глишиќ (покрај станбена улица “7”).

– на јужната страна границата на опфатот се движи по оската на станбена улица “3”.

– и на источната страна границата на опфат се движи по оската на сервисна улица “8” и по осовината на магистралната улица “М4” – „Западен булевар”

Големината на опфатот изнесува 6,56 ха.

Јавна Презентација и јавна анкета по Детален урбанистички план за УЕ 13, за дел од УБ 13.1, ,,Коњски Дупки”, КО Кавадарци град и КО Кавадарци вон град, Општина Кавадарци, ќе се спроведе со излагање на Детален урбанистички план во просториите на Општина Кавадарци.

Јавната анкета трае 10 дена, од 21.09.2022 до 06.10.2022 година, секој работен ден од 8:00 до 16 :00 часот. Во споменатиот рок, заинтересираните граѓани и правни лица можат да доставуваат писмени забелешки, предлози и мислења на анкетните листови.

Јавна Презентација со стручно презентирање на планот ќе се одржи на ден 27.09.2022 година во 13:00 часот во просториите на Општина Кавадарци (Голема сала).

Тиквешки гроздобер 2022 година

12 Сеп 2022 by Општина Кавадарци in Тиквешки гроздобер

Почитувани кавадарчани, гости од цела Македонија и пошироко, започна вековната традиција на нашиот град, стопанската, туристичка и културна манифестација Тиквешки Гроздобер 2022!

Изложба на олдтајмери, таблијада, изложби на уметнички дела, трка со келнери, натпревар на коктели со вино,подготвување на најразлични специјалитети од грозје, вино и маџун, традиционални вечери на староградска песна и гостување на музички звезди од Македонија и поранешните ЈУ простори, во приказната наречена Тиквешки гроздобер. И главната карневалска поворка, белегот на оваа манифестација низ годините, со учество на карневалски групи од Македонија и надвор од неа. За многу години!

Свечената седница по повод празникот 7ми Септември

12 Сеп 2022 by Општина Кавадарци in Тиквешки гроздобер

Свечената седница по повод празникот 7ми Септември, 78 години од ослободувањето на градот Кавадарци, петмина наши сограѓани се закитија со највисокото општинско признание наградата 7-ми Септември. Веруваме дека за добитниците е чест и одговорност да бидат пример за сите кои работат и создаваат во Кавадарци и кои сакаат да го променат нашиот град на подобро, создавајќи подобра иднина за сите нас и нашите деца.

Честит 7-ми Септември, 78 години од ослободувањето на Кавадарци

7 Сеп 2022 by Општина Кавадарци in Настани

Нека е честит 7-ми Септември, 78 години од ослободувањето наКавадарци.

Слободата што ни ја обезбедија борците ни остана да ја надоградуваме со просперитет за градот, да обезбедиме иднина за најмладите, но и да го сочуваме достоинството како македонци. Денес кавадарчани тоа и го прават.

Во оваа прилика би сакал и да ве поканам на Тиквешки Гроздобер 2022, по две години пауза организираме манифестација која долго ќе се памети, збогатена со многу културни, забавни и музички содржини, затоа од петок 9 до недела 11ти Септември, Кавадарци ќе слави и ќе испишеме уште една приказна под отворено небо.