Категорија: Актуелни информации

Денеска во просториите на Општина Кавадарци се одржа редовна седница на Советот на Вардарски Плански регион, на која беше именуван нов директор на Центарот за развој на Вардарски Планскиот регион. Присуствуваа градоначалниците на сите Општини и досегашната в.д директорка Татјана Темелковска. Едногласно за директор на Центарот за развој на Вардарско Планскиот регион со мандат од четири години, беше избран досегашниот раководител на секторот за Локален економски развој во Општина Кавадарци Сашо Мошев, на кој му посакуваме успешна и плодна работа.

Изминатиот викенд Кавадарци го погоди невреме проследено со силен пороен дожд, силен ветер и електрични празнења.До повикувачкиот центар во Општината беа поднесени околу 50-тина пријави од граѓаните за поплавени подрумски простории, санирање на одводи и наноси од кал. Интензивно на терен беа екипи на ТППЕ Кавадарци, ЈП Комуналец и “Мој општинар” За половина час наврнале 40литри/м2. Невремето направи голема штета, па затоа акцијата на службите траеше деноноќно на повеќе локации низ градот додека не се интервенираше таму каде што е потребно. А овие два дена од утринските часови започна генералното чистење и средување на градот со гребење,чистење решетки и сливници, метење и перење каде активни беа три цистерни на ЈП Комуналец, една цистерна на ТППЕ Кавадарци, служби од Водовод,Зеленило и од Механизација мал скип и товарни возила. Градоначалникот Митко Јанчев деновиве ќе формира Комисија за процена на штети од елементарни непогоди.

За потребите на Проектот за поврзување на локални патишта кој е финансиран со средства од Светска Банка, општина Кавадарци има аплицирано со под-прокет за Реконструкција на локалните улици „Вељко Влаховиќ“, „Слога“, „Димката Ангелов – Габерот“ и „Максим Горки“. Сакаме да ги известиме граѓаните на општина Кавадарци за отпочнување на планираните градежни активности.  

За таа цел ги приложуваме следните документи со цел граѓаните на територија на Општина Кавадарци да бидат во тек со реализација на проектот

• ESMP Checklist Kavadarci MK
• Формулар за поднесување коментари
• Известување за јавен увид на ESMP_Checklist