Категорија: Актуелни информации

Градоначалникот Митко Јанчев им ја честита Новата година на своите сограѓани од Градскиот плоштад. Истовремено ги посети и дежурните вработени во ПС ОН Кавадарци, Брза помош, Противпожарната единица и Општа болница Кавадарци. Службите задолжени за безбедноста на нашиот град и грижата за нашите сограѓани добија пригодни подароци од Градоначалникот г-дин Митко Јанчев.

Градоначалникот на Кавадарци м-р Митко Јанчев денеска во кабинетот го прими средношколецот Мајкл Георгиевски, кој како дел од македонскиот тим учествуваше на 16-та Меѓународна јуниорска олимпијада по природни науки, што од 3 до 12 декември се одржа во Доха, Катар.
Со сребрен медал се закити Мајкл Георгиевски, прва година во гимназијата „Добри Даскалов“ во Кавадарци, кој за време на државните натпревари оваа пролет беше основец во кавадаречкото ООУ „Гоце Делчев“.
Честитајќи му на младиот сограѓанин на исклучителниот успех градоначалникот Јанчев ја искажа неговата лична, како и определбата на општината за помош на талентираните ученици во нивниот понатамошен развој.
Навраќајќи се кон овој досега најголем успех на екипа од Македонија на меѓународен престижен натпревар, како и големиот успех на Мајкл, Јанчев нагласи дека токму ваквите успеси се поттик на општината да инвестира во подобрување на условите во образовните институции со цел и идните генерации да изнедрат успешни кадри.
Тој посочи дека треба многу повеќе да се вложува во учениците, со цел да постигнуваат уште поголеми успеси и достигнувања дома, како и во светот.
Македонскиот тим, составен од шест ученици и тројца професори, постигна голем успех на олимпијадата, на која учествуваа над 400 натпреварувачи од 70 држави во светот. Македонските ученици по природни науки физика, хемија и биологија. освоија сребрен и бронзен медал.
На Јуниорската олимпијада учесниците се натпреваруваа индивидуално на два теоретски тестови со прашања и задачи од предметите физика, биологија и хемија, и тимски со практична работа преку изведување по еден експеримент од секоја дисциплина.
До учеството на Олимпијадата во катарската престолнина, шесте македонски ученици ги поминаа општинските, регионалните и државните натпревари по физика, хемија и биологија, во периодот од февруари до мај 2019 година.

Почнувајќи од денесак 25 декември, Дедо Мраз во име на градоначалникот и општината Кавадарци на учениците од нижите паралелки од основните училишта им додели новогодишни пакетчиња. Пакетчињата на децата им ги подариа Заменик градоначалникот  на Oпштина Кавадарци д-р. Никола Трендафилов и Дедо Мраз.

Приредбата во ООУ „Гоце Делчев“ се одржа во холот на училиштето, каде пред доделувањето на слатките новогодишни пакети учениците се претставиа со кратка пригодна програма во која децата пееја и играа на традиционалните новогодишни и божиќни песни.

Новогодишна приредба се одржа и во холот на ООУ „Тошо Велков-Пепето“, а со Дедо Мраз и гостите од општината другаруваа и учениците од нижите паралеко во ООУ „Страшо Пинџур“ каде приредбата се одржа во една од училниците.

Најмладите преку соодветна новогодишна програма на убав, позитивен начин, со насмеани лица посакаа среќна нова година и остварување на детските желби.

Фондацијата „Никола Јанчев“ од Кавадарци додели десет стипендии на талентирани студенти од Кавадарци. 

На јавниот повик учествуваа 45 апликанти со одлични постигнати резултати во нивното образование. Предност имаа студенти кои потекнуваат од фамилии со ниски примања, студенти без родители и студенти од социјално ранливи семејства. Висината на поединечниот месечената стипендија изнесува 8000 денари бруто по стипендист. Секој студент девет месеци ќе добива по 8.000 денари месечно.

Најголем дел од средствата што ги добиа 10^–те избрани кандидати се од платата на градоначалникот на Кавадарци Митко Јанчев, кој несебично ја донира за помош на младите на кои таа им е потребна. Свои средства во фондацијата донира и компанијата „Кожувчанка“.

Email*

Во обраќањето пред присутните во Возарци при отворањето на детската градинка, градоначалникот Митко Јанчев Рече:
„Почитувани присутни, пред две години , кога станав градоначалник на општина Кавадарци се соочив со еден од најголемите проблеми во нашата општина. Листата на деца кои чекаат прием во градинка беше голема. Во еден момент на листата чекаа околу 400 дечиња. Таквата ситуација им создаваше најголем проблем на родителите кои не можеа нормално да функционираат, некои се откажуваа од своите работни места, некои бараа решение на сите можни начини.
Таквата ситуација ми создаваше фрустрација и мене не само како градоначалник туку и како татко на три деца.
Заедно со Советот на Општина Кавадарци и Министерството за труд и социјална политика во изминатите две години напорно работевме и денес со гордост можам да кажам дека проблемот е во целост решен. Со отварањето на објектот Буба Мара и доградбата на нови занимални во објектите Снежана и Детелинка како и преадаптација на просторот во с.Марена во детска градинка овој проблем е целосно решен.
Денес, го пуштаме во употреба и објектот во с.Возарци со капацитет за сместување на над 20 дечиња и со тоа ја заокружуваме приказната за оваа година.
Возарци е село во кое, поради добрата местоположба и близината до градското подрачје, младите остануваат со своите семејства и детската градинка беше неопходна во една ваква средина.
Нашата заедничка приказна со Министерството за труд и социјална политика ќе продолжи и во наредната година со започнувањето со изградба на нова детска градинка на ул.Ресавска во Кавадарци. Долгорочно го решаваме проблемот со сместувањето во детските градинки.
Од срце поскаувам нашите деца да се секогаш безгрижно насмеани а ние безрезервно да работиме за подобрување на сите услови во нашето општество се со цел тие да имаат среќно детство а понатаму и одлични услови за живеење и создавање на семејства и кариери во нашата општина“.