Категорија: Актуелни информации

Општина Кавадарци ги следи европските принципи на работење во справувањето со последиците од високите температури. Денеска Јавното преторијатие „Комуналец“ и надлежните од општината за прв пат спроведоа акција за посипување со индустриска сол на прегреаниот асфалт две кавадаречки сообраќајници. Сол беше расфрлана на Обиколницата „Северен булевар“ како и на новиот дел од „Западен булевар“.

Иако ова е метод кој се користи во зима, против подмрзнување на асфалтот, се покажал и како ефикасен за разладување и намалување на температурата на врелиот асфалт. Технологијата се базира на принципот според кој солта ја одзема влагата од воздухот и ја привлекува кон асфалтираните површини, а со тоа се разладуваат патиштата и се спречува пукање на асфалтот и создавање нерамнини.

Градоначалникот Јанчев вели: „Очекувам дека европските искуства во овој домен успешно ќе се применат и кај нас.  Општината на овој начин ќе ги сочува градските улици од оштетување, и со тоа ќе заштеди средства за евентуални санирање. Истите би се пренамениле за други проекти од сообраќајоти инфраструктурата“.

Email*

Во Кабинетот на градоначалникот на Кавадарци м-р Митко Јанчев, денеска беше потпишан договорот со изведувачот за реконструкција на објектот „Винска куќа“ во градскиот парк.

Проектот опфаќа: замена на кров, поставување на нова плоча, нова челична конструкција, изолација на ѕидови, како и зајакнување на надворешните ѕидови, поставување на нова електрична инсталација и партнерно уредување. Изведувач е фирмата „Баџак инженеринг“ од Скопје.

Градоначалникот Јанчев истакна дека со овој проект Кавадарци ќе се промовира во Регионален центар за развој на винскиот туризам во Вардарскиот плански регион (ВПР).

„Ова е исклучително значаен, логичен и природен момент за градот и општината кои се центар на лозарството. Проектот го реализираме во соработка со Центарот за развој на ВПР, кој аплицираше до Министерството за локална самоуправа – Бирото за регионален развој. Вкупната сума на проектот изнесува  7 549 639 денари  од кои нашето учество е 3 096 460 денари со одлука на совет, а преостанатите 4 453 179 денари се од Бирото. Овој зафат на општината е врз основа на проектот ,,Унапредување и промоција на вински туризам во Вардарски плански регион преку инфраструктурно уредување на регионале вински центар-Винска куќа Кавадарци“, истакна Јанчев.

Се известуваат граѓаните на Општина Кавадарци дека рокот за отстранување на лимените гаражи е изминат. Денес службите започнуваат со присилно отварање на гаражите а истите и ќе бидат отстранети доколку сопствениците на постапат по дадените насоки. Трошоците околу отстранувањето ќе си ги сносат сопствениците. Воедно службите на Општина Кавадарци не одговараат доколку настане некоја штета при интервенирањето.

Ова се гаражите на ул.Вељко Влаховиќ , за кои имаше известување дека треба да се отстранат до 08.07.2019 година. Некои граѓани ги демонтираа своите гаражи но за жал ѓубрето, кое воедно сведочи дека истите биле користени како магацини, не е исчистено. Обврска на граѓаните е да го соберат своето ѓубре, ова нека биде апел и за наредните активности околу отстранување на преостанатите гаражи. Општина Кавадарцо и надлежните во најбрзо време ќе реагираат за средување на овој простор.