За поубаво и почисто Кавадарци!

18 Мар 2019 by Општина Кавадарци in Актуелни информации / Проекти

Општина Кавадарци преку проектот Мој Општинар а во соработка со Јавното Претпријатие Комуналец деновиве интензивно работи на подигање на нови зелени површини, очистување на неколку локации и посадување на нови дрва и обновување на дрворедите во градот.

Локации на кои во моментот се подигаат нови зелени површини се населба Бел Камен, локација Ѓуро Салај – Западен Булевар, локација Игман, триаголникот кај Макпетрол и ВВТиквеш, локација Калница-Ќиро Крстев и Методија Џунов Џико и Околу Градскиот Стадион односно улица Дисанска.

Деновиве беа завршени триаголниците на Пано Мударов и Тиквешко Востание,и потпорниот зид на улица Страшо Пинџур спроти зградите Силекс.

Дел од локациите веќе се спремни за поставување на систем за наводнување а останатите се во фаза на очистување од диви депонии и припрема за озеленување, набавка на урбана опрема и партерно уредување.

Локации на кои се садат нови садници се Булевар Кочо Рацин на паркингот , Улица Страшо Пинџур кај Ваташката Пошта и улица Методија Џунов Џико.
Дрворед кој се обновува во моментот е дрворедот на Улица Гоце Делчев.
За оваа намена ЈП Комуналец има набавено околу 200 садници и истите ќе бидат посадени до крајот на овој месец.

1200 БАГРЕМОВИ САДНИЦИ ЗАСАДЕНИ НА ГОЛИНИТЕ НА „ЖУРОВ ДОЛ“

11 Мар 2019 by Општина Кавадарци in Актуелни информации

Општината Кавадарци и ЈП „Македонски шуми“ подружница „Бор“ денеска ја започнаа првата пролетна акција за пошумување во 2019 година.

Според акциониот план се пошумуваше на локалитетот „Журов дол“ над селото Ваташа, каде беа посадени 1200 садници на багрем.

Ова е трета акција за пошумување на голините на поројницата. Во акцијата учествуваа: вработените од Општина Кавадарци, вработени во подружницата „Бор“ Кавадарци, ЈП „Комуналец“, од „Кожувчанка“, како и од „Дреклмајер“ со механизација.

Планирано е акцијата да се одвива во текот на пет дена, во зависност од временските прилики, при што треба да бидат посадени од 7 до 8 иљади садници на багрем .

ПРОЛЕТНА АКЦИЈА ЗА ПОШУМУВАЊЕ

8 Мар 2019 by Општина Кавадарци in Актуелни информации

Општината Кавадарци и ЈП „Македонски шуми“ подружница „Бор“ во понеделник на 11 март, ќе ја реализираат првата пролетна акција за пошумување во 2019 година.

Според акциониот план усвоен од Советото на општината во оваа кација ќе биде опфатен локалитетот „Журов дол“ над селото Ваташа, каде ќе бидат посадени 7 до 8 иљади садници на багрем.

Ова ќе биде трета акција за пошумување на голините на поројницата. Во акцијата ќе учествуваат: вработените од Општина Кавадарци, вработени во подружницата „Бор“ Кавадарци, ЈП „Комуналец“, од „Кожувчанка“, како и од „Дреклмајер“ со механизација.

Општината ги повикува заинтересираните компании, како и Невладини организации, да земат учество во оваа акција.

Пријавите се досатвуваат кај координаторот на акцијата Доне Илов, или на мобилниот телефонски број 072 422 189.

Планирано е акцијата да се одвива во текот на пет дена, во зависност од временските прилики.

ПРИСТИГНА „ПАЈАКОТ“-ВОЗИЛОТО ВО ФУНКЦИЈА НА РЕШАВАЊЕ НА НЕПРОПИСНО ПАРКИРАЊЕ

6 Мар 2019 by Општина Кавадарци in Актуелни информации / Сообраќај

Во Кавадарци пристигна специјализираното возило „Пајак“ кое ќе биде во сопственост на новоформираното Јавно претпријатие за паркинзи при Општина Кавадарци.

Со ова се оформува проектот за Зонско паркирање што опфаќа регулација на паркирањето во градот. Според проектот кој официјално ќе биде промовиран деновиве граѓаните ќе мораат да ги почитуваат прописите и правилата за паркирање на главните улици во Кавадрци.

Официјалната промоција на проектот „Зонско паркирање“ и Пајак служба ќе се случи деновиве.

ГРАДОНАЧАЛНИКОТ ЈАНЧЕВ ВО ПОСЕТА НА РЕНОВИРАНИОТ ПП ДОМ

5 Мар 2019 by Општина Кавадарци in Актуелни информации

Денеска градоначлалникот Митко Јанчев беше во посета на Територијалната против пожарна единица Кавадарци. Првиот човек на Општината во придружба на Командирот на ТППЕ, како и претставници на Полициската станица од општа надлежност Кавадарци по извршената обиколка на реновираниот дом имаше можност да се запознае со новите услови за работа на пожарникарите.

Општината за реновирање и доградба на зградата и стопанскиот двор потроши 11 милиони денари. Откако целосно заврши реконструкцијата на противпожарниот дом кавадаречките пожарникари добија неспоредливо подобри услови за работа.

Градоначалникот Јанчев изрази нескриено задоволство од завршената работа и спроведените интервенции на објектот и дворот, како и од донациите на општествено одговорните компании од градот со што во многу се подобрија условите за престој и работа на пожарникарите. Јанчев најави дека ќе продолжат инвестициите за модернизација на опремата на пожарникарите, но и ќе иницира после претседателските избори да се зголемат и нивните плати.

Командирот на ТПЕ Кавадарци Александар Чадамов искажа задоволство од новите услови за работа, упати јавна благодарност до општината, градоначалникот и донаторите, при што подвлече дека сето тоа допринсува за поголема мотивираност кај пожарникарите за работа.

За само два месеца од 2019 година пожарникарите од Кавадарци имале 109 интервенции, претежно на отворен простор.

Пожарникарите упатија апел до несовесните граѓани кои палат огнови на отворено и ги оставаат неконтролирано да ги променат овие навики, бидејќи само вчера имае пет такви интервенции.