Категорија: Актуелни информации

Општината Кавадарци  и Јавната општинска установа детска градинката „Рада Поцева“ работат на надминувањето на проблемот со недостиг на капацитети за опфат на децата од предучилишна возраст во детската градинка.

Општината и Јавната установа реализираат проекти за проширување на капацитетите на два објекти. Се доградуваат простории на објектот „Детелинка“ кај ООУ „Тошо Велков-Пепето“, а се доградува и на објектот „Снежана“ кај старат Ваташка градинка.

Според проектот вкупно треба да бидат доградени 7 нови занимални од кои 2 на објектот „Снежана“ и 5 на објектот „Детелинка“. Според очекувањата во овие два објекти треба да бидат опфатени помеѓу 150 и 180 деца.

Со реализацијата на овој проект  ќе се излезе во пресрет на барањата на родителите чии деца имаат потреба до сместување во градинка.

Во напорите за зголемување на опфатот на децата од предшколска возраст, општината изврши адаптација на објектото на новото училиште во село Марена, кое сега ќе има функција на градинка за децата од ова село. Овде се предвидува прифаќање на 25 до 30 деца од село Марена.

Општината и градоначалникот паралелно работат и на проект за изградба на ново објект од градинката, со што би се создале просторни услови за згрижување и прифаќање на сите деца од предшколска возраст во градинката.

Сувото време и поволните услови овозможуваат Општината и вон официјалната градежна сезона да работи на повеќе позиции од реализацијата на програмата за комунална изградба.

На првиот ден од последната работна недела во февруари инмтензивно се изведуваат работи на повеќе локации. Општината и Јавната установа Детска градинка  реализираат проекти за проширување на капацитетите на два објекти. Се доградуваат простории на објектот „Детелинка“ кај ООУ „Тошо Велков-Пепето“, а се доградува и на објектот „Снежана“ кај старат Ваташка градинка. Во напорите за зголемување на опфатот на децата од предшколска возраст, општината изврши адаптација на објектото на новото училиште во село Марена, кое сега ќе има функција на градинка за децата од ова село.

Продолжува изградбата на кејот во селото Ваташа, а во поодмината фаза е покривањето на делница од поројницата „Желков дол“ и изградбата на пристапни скали и шеталиштето во должина од 80 метри меѓу ул. „Страшо Пинџур“ и „4 Мај“.

Општината спроведува и реализација на проект за изградба на „Зелен пазар“ во новиот центар на локацијата кај „Судската палата“ на булеварот „Никола Минчев“.

Меѓу поголемите комунални зафати е и реконструкцијата на атмосферската канализација на улицата „Тиквешко востани“ и на плоштадот. Се работи и на поставување на фекална и атмосферска канализација на улицата „8 Септември“ кај ВВ „Тиквеш“ и плацот на „Градба промет“.

Во активностите на комуналната изградба општината преку ЈП „Комуналец“ работи на реконструкција на водоводната мрежа на крак од улчицата „Глигор Прличев“ над стрелиштето, потоа на премостување и дислокација на водоводна линија преку коритото на реката „Луда Мара“ кај пешачкиот мост до паркчето во село Ваташа, како и на поставување на нова пумпна станица за санитарна вода за селото Бојанчиште.

Во фаза на реализација е и проектото за реконструкција на салата „Партизан“ каде се поставува нова ПВС столарија: врати и прозорци на делот од соблекувалните и службените простории на јужната страна оид објектот.

Станарите од зградата 1 кај Агенцијата за вработување и Општината во соработка со „Хабитат“ го реализираа проектот за реновирање со изработка на термо фасада, ПВЦ столарија како  и реконструкција на покривот.

Денеска започна и реализацијата на сообраќајниот проект за целосна реконструкција на инсталацијата и уредите на семафорите. Ќе бидат целосно обновени семафорите на раскрсниците кај Домот на култирата, „старата звтобуска“ и кај основното училиште „Гоце Делчев“.

Се работи и на уредување на жардинерите пред хотелот, во рамките на реконструкцијата на градскиот плоштад.

Советот на Општина Кавадарци едногласно ја прифати одлуката за усвојување на Физибилити студијата за „Утврдување на оправданоста од обработката на комунален отпад“. Со имплементација на оваа студија ќе се избегне депонирањето отпад на постојните не регулирани депонии, а со тоа ќе се избегне големото загадувањето на околината.

Со реализирањето на проект врз основа на студијата, Кавадарци меѓу првите ќе влезе во групата на зелени општини каде ќе се третира и обработува комуналниот отпад. Наместо на депонија, отпадот ќе се носи до индустриска постројка која ќе го преработува. Студијата која ја усвои советот ќе го регулира депонирањето и управувањето со отпадот најмалку пет години,  се до изградбата на регионална депонија што е обврска и на што работат општините од Вардарски плански регион.

Зборувајќи на оваа тема градоначалникот на Кавадарци Митко Јанев нагласи дека постојната депонија е потенцијална опасност за загадување на градот. „Законска обврска на секое комунално  претпријатие е да се справува со отпадот. Ние мора да се бориме и да стигнеме до повисоко ниво на култура за да не се гушиме во сопствениот отпад. Ако направиме еден ваков систем и делумно го обработуваме отпадот, ние ќе бидеме меѓу првите зелени општини. Најголемата придобивка е што отпадот од органско и неорганско потекло ќе биде селектиран и обработен. Тој отпад од околу 30 отсто што не може да се обработи ќе се врати на депонија,  но тоа е без опасен отпад. Нашата постоечка депонија е повеќе од 30 години и не знаеме во каква состојба е и што се испушта од неа“. Истата пред две години се запали и беа потребни 15 дена за нејзино гаснење – додаде Јанчев.

„Во Кавадарци постојат три не регулирани депонии. Тие не се подложни на  никакви инспекциски надзор, а сето тоа влијае врз квалитетот на животната средина. Оваа физибилити студија е во согласност со интересите на општина  Кавадарци  и нема финансиски импликации од нејзиното имплементирање за општината “рекоа изготвувачите на студијата.

Студија за третман на отпадот  предвидува да се превенира неконтролираното управување со отпадот, а превземениот отпад да се рециклира. Депонирањето на отпадот ќе се регулира со доделување на концесија на постоен концесионер кој има постројка на територијата на општина Кавадарци. ЈП „Комуналец“ наместо до нерегулираните депонии,  ќе го носи отпадот до компанијата оператор која ќе управува само со комуналниот отпад,  кој досега се носеше на постојните нерегулирани депонии.