Категорија: Актуелни информации

За неполни два месеци од работењето на Туристичкото информативно биро, туристички информации имаат побарано над 40 странски туристи. Регистрирани се посетители од Словенија, Австрија, Холандија, Австралија, Белгија, Франција и Полска, на возраст меѓу 40 и 60 години.

Сите тие во Кавадарци дошле во сопствена режија. Сверата на интерес им е пред се традицијата, потоа знаменитостите, а дел се интересирале и за природните убавини и реткости. Најчесто побарале да посетата места каде во домашни услови на традиционален начин се преработува грозјето во вино и ракија, при што на самото место се запознаваат и со традицијата на производство на маџун и р‘чели како своевидно изненадување за нив.

Странските туристи пројавуваат интерес и за традиционалната домашна кујна и храна.

Изненадување и нескриено задоволство покажуваат особено кон фактото дека во градот на многу добра локација има место каде можат да добиат бесплатни информации за она што ги интересира.

Првите искуства на Општина Кавадрци од работата на бирото се позитивни. Впечатоците и забелешките кои странските туристи ги споделуваат во бирото пред да замината, ќе и послужат на општината при креирањето на идните акциски планови во сверата на туризмот.

Општина Кавадарци во овој дел има многу што да понуди. А во правец на подобрување на туристичката понуда потребна е соработка и со граѓаните. на општината. Општината ги повикува сите заинтересирани, како и оние кои имаат идеи и се расположени за соработка да контактираат со општината најмногу преку туристичко информативното биро за унапредување и развој на алтернативниот туризам во Кавадарци.

Надлежните служби во Општина кавадарци извршија парцелизација и обележување на локациите каде треба да бодат поставени тезгите на излагачите на Есенскиот панаѓур во Кавадарци

Според спроведената анкета на прашањето „Дали оваа година да се оддржи традиционалниот есенски панаѓур?, резултатите кои покажаа дека граѓаните на Општина Кавадарци сакаат и оваа година да се оддржи есенскиот панаѓур

Панаѓурот ќе се оддржи на 12 ти, 13 ти и 14 ти октомври, со малку променета локација, односно ќе го зафаќа делот по новите семафори на ул.Никола Минчев се до Северен булевар и едната коловозна лента до зградата на УЈП. Тоа значи дека 3 те улици од семафорите ќе бидат функционални и едната коловозна лента кај зградата на УЈП.

Закупот на простор за продажно место ќе започне од четврток 04.10.2018 година.

Општина Кавадарци согласно програмата го реализираше проектот за подобрување на моќноста на јавното осветлување на фудбалскиот терен на спотрскиот центар „Јасмин“.

Како дополнување на постојното јавно осветлување на источната и западната страна на теренот се поставувиа 6 нови столбови по три од секоја страна. Столбовите се високи 12 метри, а на секој е поставен рефлектор со моќност од 1КW.

Дополнителното осветлување со кое во многу се подобри видливоста во ноќните часови е донација од фирмата „Матал Апостолов“.

Општината во рамките на овој проект постави дополнителна нисконапонска мрежа за новите 6 високи столбови а паралелно изврши целосна замена на подземната нисконапонска мрежа на постојните 14 столбови поставени околу атлетската патека.

Со обновеното јавно осветлување во многу се подобрија условите за рекреација, спортување и одмор на граѓаните во ноќните часови.

Општина Кавадарци ги повикува граѓаните за време на гроздоберските свечености без некоја посеризна потреба да не ги користат своите автомобили за движење во строгиот центар на градот каде ќе се довиваат настаните од годинешната манифестација „Тиквешки гроздобер„.

Воедно апелира до граѓаните нивните автомобили да не ги паркираат на улиците како би се обезбедиле паркинг места за гостите од страна кои во деновите од 7 до 9 септември ќе го посетат Кавадарци.

Почитувани граѓани со воздржувањето од непотребното користење на возилото за време на „Тиквечкиот гроздобер“ 2018год. ќе дадете свој личен придонес во негово подобро и непречено организирање и одвивање на програмските содржини.

Општина Кавадарци ќе ви биде благодарна, а вие ќе помогнете во потврдувањето на епитетот  дека кавадарчани се луѓе со широко срце и отворена душа за секој гостин и патник добронамерник.

Општина Кавадарци

Градоначалник

Градоначалникот на Кавадарци м-р Митко Јанчев во придружба на претседателот на советото Ристо Сакалиев официјално го предаде во употреба  Информативно туристичкото биро на улица „7 Септември“, кое се наоѓа на плоштадот веднаш до бистата на Никола Бадев.

Од денеска и официјално сите гости на Кавадарци имаат место каде можат да ги добијат потребните информации за пријатен претстој во градот на грозјето и виното. Општината го отвори ова биро со цел туристите полесно да дојдат до информации како да ги запознаат сите богатства и убавини кои ги имаат градот и Тиквешијата.

Градоначалникот на Кавадарци, Митко Јанчев кој официјално денеска го пушти во работа туристичко-информативното биро нагласи: „Промовирање на винскиот туризам и на другите природни убавини на Општината и регионот е целта на ова туристичко информативно биро. Имаме програма по која ќе работи бирото. Настојуваме да привлекуваме туристи на дневна основа. И еден турист дневно е добро“ вели градоначалникот Јанчев.

Ќе имаме  евиденција и ќе правиме план и програма да привлечеме туристи во Кавадаречка Општина. Производството на грозје и вино ќе ни биде таргет, но овде се и природните убавини на: Моклиште  Витачево, Тиквешко езеро, старите цркви кои привлекуваат внимание“ додаде Јанчев при предавањето во работа на Туристичко информативното биро.

Крсте Соколов, вработен во бирото е задолжен да ги споделува сите потребни информации со туристите. Тој во изјавата за медиумите рече дека ќе се работи и на интензивно привлекување на туристи во Кавадарци и Тиквешијата. Имаме програма, според која сите кои ке дојдат ке имаат можност да ги видат убавините на регионот„ вели Соколов.

Соколов информира дека денеска во Кавадарци пристигнале и првите официјално регистрирани туристи во бирото.  Рече дека станува збор за луѓе од Австрија кои на изложбата на олд тајмери во рамки на гроздоберот ќе презентираат уникатен модел на автомобил БМВ.

Инаку Општната го rеши имотното и просторното парашaње на канцеларијата  која се наоѓа  во строгиот центар на градот на улицата„ 7 Септември“, а уредувањето на самата канцеларија е донација на „Дан-пласт“-Кавадарци.