Категорија: Актуелни информации

Несомнено има екипа која не така лесно отстапува од врвот и пласманот за светско првенство. Брзото примање и предавање на знаци од Морзеовата азбука или натпреварувачка категорија  стручно наречена ХТС покажаа резултатите уште еднаш најдобро им оди на Миле Трајков, Дарко Трајков и Дејан Ѓорѓиев.

И годинава на државниот натпревар по радиотелеграфија што во организација на Радиоаматерскиот сојуз на Македонија се одржа во Прилеп најдобри беа кавадарчани.

Во Прилеп овој пат Миле Трајков го освои првото место во категоријата ветерани, неговиот син Дарко Трајков беше прв кај сениорите, а Дејан Ѓорѓиев изби на првото место меѓу јуниорите. Таткото и синот континуирано остваруваат пласман меѓу првите најдобри. Оваа тројка, екипа која е дел од кавадаречкиот радио клуб „Искра“ кој работи во рамки на Народна техника се подговтувава за Свестското првенство во радио телеграфија за брзо примање и испраќање на морзеови знаци коегодинава во септември ќе се одржи во Охрид. И таму ќе бидат предводени од менаџерот Младен Марковски.

Кавадарци и ова лето ќе има квалитетно и редовно водоснабдување. По внатрешниот ремонт на филтрите на  „Стара Река“ во извориштето „Лукар“ и проектот за замена на азбестно цементните цевки кавадаречки Комуналец  работи и на изградба на цевководот во индустриската зона, кој патем ќе биде и транзит за водата до Росоман, а ќе овозможи и задоволување на потребите за вода во индустриската зона.

„Друг поголем проект е реконструкцијата  на росоманската линија. Работиме на цевководот Фи 250. Преткот е вреден околу 20 милиони денари. Се надеваме дека ќе имаме поквалитетно водоснабдување на индустриската зоина. Линијата ќе биде транзит за Росоман. Завршува до фабриката Дрекслмаер, а доизградбата на линијата  до Росоман е надлежност на општина Росоман. На оваа линија ќе имаме мерна регулациона  шахта каде согласно взаемниот дооговор со Росоман  треба да испорачаме околу 20л/сек вода. Тоа ќе се случи  наскоро кога  ќе го пуштиме заедничкиот водовод  кој е изграден во соработка помеѓу Кавадарци,  Росоман и владата“ информира директорот на ЈП Комуналец, Илија Атансов.

Направен е целосен  ремонтот на внатгрешниот дел од филтрите на Стара Река. Извршено е пескарење фарбање, замена на кварцен песок и дизните. За овој зафат комуналното претпријатие потрошило  околу 7 милиони денари.

„Годинава очекуваме со уште три милиони денари да завшриме комплетно надворешно пескарење на филтрите“ рече  Атанасов.

Градоначалникот на Кавадарци Александар Панов организираше прием за Владанка Аврамова, Ивона Муфтарова и тренерот Ивана Аврамова, членови на македонската карате репрезентација за деца од 11 до 14 години. Тие на неодамна одржаното Балканско првенство во Херцег Нови Република Црна Гора, освоија бронзен медал во категоријата ката тим 2001/2002, како и во поединечна конкуренција каде Владанка Аврамова исто така освои бронзен медал.

Честитајќи им на успехот Панов уште еднаш ја искажа подготвеноста на Општината во рамки на можностите да го помага спортот. Подвлече дека е посебно задоволен од фактот што трите мнлади каратистки на градот му донесоа медали од големо регионално натпреварување каде настапија каратисти од 10 балкански земји, меѓу кои има и светски карате велесили. Поради тој факт посочи Панов сјајот на бронзата на Ивона, Ивана и Миа има поголема тежина.

Поради училишни обврски на приемот изостана Миа Маневска, но затоа нејзините другарки и тренерот ќе ги пренесат честитките кои градоначалникот Панов ги упати до нив, како и до сите останати членови на репрезентацијата.

Владанка Аврамова, Ивона Муфтарова и Миа Маневска се членови на трофејниот карате клуб „Урбан Инвест“ од Кавадарци, а воедно и репрезентативки на Македонија кои имаа потенцијал за многу поголеми резултати.

Градоначалникот Александар Панов во  неговиот кабинето додели решанија за вработување на неопределено време на шест лица кои досега беа  времено знгажирани Јавната установа  „Локален музеј-галерија Кавадарци“. Станува збор за трансформација на работниот однос на лица кои во изминатите 4 години работеа во музејот со ангажман преку локалната самоуправа.

Со одлука на Владата на Република Македонија, а на барање на општината и музејот беа изготвени решенија со кои шестмина сограѓани го решиа проблемот со вработувањето.

При доделувањето на решенијата, градоначалникот Панов истакна дека со овој чекор Владата во рамките на проектото за вработувања во институциите од културата помогна да се надмине сериозен проблем во кавадаречкиот музеј кој во последните години се соочуваше со одлив на кадар по пат на пензионирање. Ова рече Панов се случи во моментот кога општината изгради нов музеј, а кадрите заминуваа. Така од 10 вработени бројот се сведа само на тројца луѓе кои ги опслужуваа двата објкекти. Но со овој потег состојбата со недостиг на стручен и помошен кадар се нормализира.

Честитајќи им за вработувањето градоначалчникот посака сите тие да го следат примерот на нивниот директор Петре Камчевски кој иако пред пензија, сеуште активно истражува и публикува нови сознанија поврзани со историјата на Кавадарци и Македонија. Им порача да ја искористат таа предност и да го задржат нивото на кавадаречката јавна установа која благодарение и на дрлото на Камчевски се рангира межу прввите 10 институции во Македонија.

Државата ќе ги обесштети земјоделците кои се соочија со штети од поројните дождови со кои беше зафатена  општина Кавадарци. Во јануари,  февруари и март  наврнаа над 300 литри на метар квадратен, а тоа беше причина под вода да се најдат многу земјоделски површини а водниот талог да направи големи штети.

На работната средба во министерството за земјоделствоприсуствуваше и градоначалникот Александар Панов. Тој информира дека оштетените граѓани што пријавиле штети ќе бидат обештетени, но претходно ќе се вршат дополнителни проценки на штетите. „Во наредните неколку месеци ќе започне постапката за фиксно утрврдување на штетите кои ги имаат на своите земјоделски  посеви земјоделските производители од невремето во јануари и февруари. Потоа ќе започне  првата фаза на обесштетувањее. Општините Новаци, Могила,  Битола и дел од струмичките општини први ќе добијат обесштетување,  бидејќи беа најмногу погодени од невремето. Луѓето треба да бидат подготвени и да соработуваат со комисиите кои ќе вршат проценки,  за да може што попрецизно да се утврди вистинската штета. Прво ќе се обесштетуваат штетите во земјоделството, а потоа ќе се врши обесштетување на мостови, патишта, свлечишта, потпорни ѕидови, односно комунална инфраструктура“ рече Панов.

Од локалната самоуправа апелираат до сите земјоделци да ја искористат можноста да ги осигураат своите посеви од ризик при невреме, бидејќи на тој начин доколку се соочат со штети од невреме ќе добијат обесштетување од осигурителните компании.