СВЕТИ ТРИФУН 2017

14 Фев 2017 by Општина Кавадарци in Верски заедници

Со благослов за родна година и квалитетно грозје денеска се изврши симболично закројување на виновата лоза. Во храмот Свети Димитрија и годинава се закроиа трите црковни лози, а рачките им беа дарувани на присутните лозари православни верници кои потоа истите ги носат на своите лозови насади. На светиот чин на закројувањето претходеше света божествена литургија во црквата Св.Петка со која чиноначалствуваа тројца владици од МПЦ, Агатангел, Иларион и Тимотеј. Тие упатија молитви лозјата да дадат квалитетен род.

„Заеднички со народот присутен во црквата се помоливме да нашиот спасител Исус Христос, по молитвите на Свети Трифун да имеме бериќетна година. Навреме да има дожд, сонце, лозјата да бидат здрави и плодни. Како што велат нашите дедовци и прадедовци бочвите да бидат полни“ рече Митрополитот на Повардарската Епархија, г. Агатангел.

Честитка до лозарите упати и градоначалникот на Кавадарци, Александар Панов. „Оваа година да биде подобра од минатата односно од сите лоши години кои поминале. Нашите молитви да ни ги сослуша господ и да ни даде една благосостојба во лозарството и винарството и винариите навреме да го исплаќаат откупениот род“

Во чест на Свети Трифун се закројуваше и на градскиот плоштад во Кавадарци. Таму на импровизирани лози закроија градоначалникот Панов, претседателката на советот Горица Пеливанова-Вилхелм и пратеничката д-р Весна Пемова. Ученици од СОЗШУ „Ѓорече Петров“ изведоа драматургија посветена на Свети Трифун.

Лозарите уште во утринските часови ги посетија своите насади за да го извршат овој обред кој со векови се негува во Тиквешијата на празникот Свети Трифун.

БОГОЈАВЛЕНИЕ ВОДИЦИ НА 19 ЈАНУАРИ ОД МОСТОТ КАЈ ЈАВОРОТ

20 Јан 2017 by Општина Кавадарци in Верски заедници

Павославните христијани го празнуваат овој голем празник. Во сите храмови се служеа литргии, а во водите се потопуваше осветен крст. Дваесет и пет годишниот Никола Мантев од Кавадарци беше најсреќен меѓу десетината момчиња кои скокнаа по светиот крст во водата на реката Луда Мара во Кавадарци. Голем број верници присуствуваа на централната манифестација по повод големиот празник Богојавление Водици. И покрај снегот сепак верниците во голем број излегоа на богојавленскиот водосвет.

„Водата беше ладна но сепак среќен сум што успеав да го фатам светиот крст. Очекувам здравје, среќа и радост, рече во изјавата за медиумите Мантев. Тој од локалната самоуправа доби тв приемник Подароците ги врачи градоначалникот на општина Кавадарци Александар Панов. Тој упати честитки до сите верници по повод празникот Богојавление., од аптеки Зегин исто такабеше доделен тв приемник.

На чинот на осветување на водата во реката Луда Мара и потопување на светиот крст претходеше света литургија во храмот Свети Димитрија и во Света Петка. Потоа верниците од двете цркви со литии се упатија кон кејот на реката. Овде, на пунктот на Црвен Крст Кавадарци на присутните верници им се делеше чај, а екипи на итната медицинска помош извршија преглед на момчињата кои скокаа по осветениот крст. Богојавление-Водици е еден од најголемите христијански празници. Познато е дека се празнувал уште во вториот век од христијанската ера. Конкретно е поврзан со крштевањето на Исус Христос од свети Јован, кој оттогаш се нарекува Крстител.

Овој празник се нарекува уште и Водици, заради големиот водосвет, што го извршува Црквата на овој ден. Големиот водосвет е симбол на обновувањето на нашата огре¬вовена природа и на целиот космос преку вода и Дух.

Петнаесет годишниот Јован Гогов ја имаше среќата прв да доплива до светиот крст кој се фрлаше во водите на браната Моклиште.

Повеќе од една деценија богојавлеснки водосвет се врши и на водите од браната Моклиште. Голем број верници од Ваташа и Кавадарци и покрај снегот дојдоа во Моклиште.

По осветувањето на водата, светиот крст беше потопен во делумно замрзнатата акомулација, а до него прв доплива петнаесет годишниот Јован Гогов од Ваташа. Тој трет пат по ред е најреќниот меѓу момчињата кои учествуваат во богојавленската процесија.

Гогов на сите верници им посака добро здравје, а доби тв приемник од лоаклната самоуправа, уште неколку други подароци обезбедени од спонзори на манифестацијата.

Градоначалникот Александар Панов нагласи дека општината ја подржува и манифестацијата во Моклиште.

На фрлањето на светито крст во Моклиште претходеше и света литургија во црквата Света Богородица во село Ваташа, каде исто така беше осветена вода, а присуствуваа голем број верници.

НАГРАДАТА „МАРИЈА СКЛОДОВСКА-КИРИ“ ЗА УЧЕНИЦИТЕ ОД ТХТ

11 Ное 2016 by Општина Кавадарци in Образование и наука

Повеќе од 500 наставници, членови на националните агенции, членови на Европската Комисија и претставници од Министерствата за образование на 41 држава беа присутни на Годишната е-Твининг конференција која се одржа од 27 до 29 октомври во Атина, Грција.

На оваа конференција беа доделени 12 награди во различни категории, а ООУ „Тоде Хаџи-Тефов“ ја доби наградата „Марија Склодовска Кири“ за проектот „Млади научници“. Наградата ја доби наставничката по англиски јазик, Елизабета Филипова, е-Твининг амбасадор во Република Македонија. Во овој проект учествуваа учениците од шесто одделение и наставничките: Елизабета Филипова, Цвета Маркушева, Слободанка Стоева, Елеонора Гурева, Снежана Костова и Славица Јаневска. Оваа награда за прв пат ја добива училиште од Македонија заедно со партнерите кои работеа на заедничкиот проект.

Во овој проект учествуваа училишта од 40 европски држави. Учениците од шесто одделение имаа видео конференции со ученици од сите европски земји и правеа експерименти за да научат за својствата на водата и воздухот. Учениците нацртаа цртежи и напишаа пораки за како да се зачуваат водата и воздухот, ги изложија во ходниците на училиштето и направија видео записи. Видео записите беа објавени на Facebook и учениците ги споделуваа со цел да се прошират нивните пораки.

Конференцијата беше на тема „еТвининг и дигиталното граѓанство“. Имаше предавања за употребата на еТвининг во зголемувањето на можностите на училитата за како да ги подготват учениците за целосното дигитално општество во иднината.

еТвининг е платформа за соработка со наставици од сите европски држави на заеднички проекти со употреба на ИКТ и е под поткровителство на Националната агенција за европско образование и мобилност.

Градоначалникот Александар Панов беше во посета на ООУ „Тошо Велков-Пепето“

7 Сеп 2016 by Општина Кавадарци in Образование и наука

На почетокот од новата учебна година градоначалникот Александар Панов беше во посета на ООУ „Тошо Велков-Пепето“. Имаше можност на самото место да се запознае со условите и подготвеноста на училиштето за новата учебна година. Панов оствари кратки средба со учениците во неколку паралелки од претпладневната настава на часовите по музичко, историја и информатика. Градоначалникот во рамките на престојот изврши обиколка на наставничкиот кабинет и помошните простории.

Во изјава за медиумите тој искажа задоволство од она што го виде. Притоа нагласи: „Она што го видов е навистина добро. Подготвеноста на училниците и кабинетите е одлична. Училиштето целосно го оправда државното признание за најдобро во Македонија. Уште еднаш констатирав дека општинските, републичките и средствата од донаторите вложени во обнова и реконструкција на објектот го нашле вистинското место. Се уверив и во професионалната изведба на целосно обновениот санитарен јазол во училиштето, што беше последна од низата проекти на општината во објектот. Во оваа прилика морам да истакнам дека состојбата и со останатите општински основни и средни училишта во општината е иста. Имаме целосно реконструирани објекти кои подготвени ги дочекаа учениците“.

Директорката на училиштето Ѓурѓица Алексова од името на учениците и наставниот кадар се заблагодари на Панов, на Советот и на Општината што имаат разбирање за потребите на образовните институции и редовно прават проекти ско кои се подобруваат условите за работа и престој во училиштата.

На крајот од посетата градоначалникот Панов уште еднаш на сите ученици им посака успешна учебна година со ветување дека инвестициите во образовните институции ќе продолжат и во наредните години.

ОПШТИНАТА ДОНИРАШЕТ ТРИ ЕЛЕКРТО КОЛИЧКИ ЗА ЛИЦА СО ИНВАЛИДНОСТ

27 Јул 2016 by Општина Кавадарци in Хуманитарни организации

Општина Кавадарци ја продолжува подршката за лицата со хендикеп. Советот донесе одлука, а градоначалникот додели три електрични колички за лица со инвалидност. За оваа намена од буџетот се потрошени 220.000 денари. Потребата за полесен живот на лицата со инвалидност од овие колички е огромна.

„По трет пат, на различни начини и во различни количини донираме вакви колички, со цел да им помогнеме на луѓето кои имаат хендикеп и се од социјално загрозени семејства. Со тоа на некој начин се обидуваме да им го разубавиме животот, да можат да прошетаат, да се дружат и да ги извршуваат своите дневни потреби. Минатата година дониравме пет вакви колички, заедно со ротари клубот, сега се три. Претходно дониравме и половни. Од претседателот на здружението имаме сугестија да се набават колички со џоистик и за луѓето кои имаат хендикеп на рацете Овие луѓе се наши браќа, братучеди , наши соседи, од нашето маало, месна заедница и апалирам да се вклучи со помош и бизнис секторот. Не само владата, туку и комапниите да започнат да вработуват и тие луѓе со телесен хендиокеп. Сеуште се нема релизирано апелот од „Дрекслмаер“, кој го прифатија претходно. Најавив уште минатата година, еве уште еден апел, како компанија која вработува најмногу луѓе да издвои дел од својот буџет. Ние сме спремни како ЛС да донираме и да влијаеме финансиски во набавката на едно возило кое ќе ги поревезува овие лицва. Одземеноста на нозете не значи дека не функционира и цело тело.“ рече градоначалникот на Кавадарци, Александар Панов.

Претседателот на Здружението на телени инвалиди „Мобилност“, Михајло Михајлов од името на сите членови искажа благодарност за донираните колички и кажа дека со нив многу им се олеснува секојдневниот живот. „Согласно конвенцијата на Обединетите нации за израмнување на правата на лицата со хендикеп, со овие донации градоначалникот и локалната самоуправа ни го олеснува нашиот начин на живеење од било кој аспект. Се надевам дека и во идина ќе имаат разбирање и да ни помагаат, бидејќи и ние имаме право на живот. И сепак , филозофски и емотивно, судбината е непишано правило“ рече Михаилов.

Секретарот на здружението Славка Тотовска очекува дека ваквиот тренд на донирање за лицата со хендикеп ќе се следи и во иднина. „Ова е пример како се врши инклуција на овие лица во општественото живеење. Највата за вработување е уште еден пример дека и овие лица имаат право да се вклучат во образование и вработување“ рече Тотовска.

Општина Кавадарци досега има донирано десетина електрични колички, а за лицата со инвлаидитет изграден е лифт во општинската зграда и повеќе платформи за пристап на овие лица во образовните и јавните институции.