ИЗБОР НА СПОРТИСТ ЗА 2021 ГОДИНА

25 Фев 2022 by Општина Кавадарци in Настани / Спорт

Вчера вечерта во Домот на културата ,,Иван Мазов Климе” се одржа манифестацијата – Избор на спортист за 2021 година во присуство на претседателот на сојузот на спортови, претседатели и претставници на спортските клубови од Општина Кавадарци, сите спортисти,тренери,пријатели на спорот, вљубеници и помагатели.

Кавадарци од секогаш бил спортски град, меѓутоа изминатите години, лично јас, но и како градоначалник се трудам да помогнам во подобрување на условите буквално во секој еден спорт кој успешно се развива и континуирано расте во нашиот град.

Резултатите кажуваат за тоа, сите успеси кои што ги доживеавме го потврдија нашиот дух, борбениот и спортски дух на тиквешијата и Кавадарци. Јас се додека сум на оваа позиција ќе се трудам максимално да вложувам и да се залагам за сите ние да продолжиме да бидеме горди на нашите деца, нашите сограѓани. Бидејќи спортот е многу важна алатка во психофизичкиот развој на децата а воопшто и за сите.

Честитки и благодарност на сите категории на спортисти, за нивните тренери, за нивниот придонес и заложби за освоени благодарници,медали за сите таленти јуниори и сениори.

ЈАВЕН ПОВИК бр 1/2022 за прибирање на апликации за финансиска подршка наменети за спортски клубови и здруженија, општински и училишни сојузи

Врз основа на член 4 од Правилникот за утврдување на критериумите, начинот и постапката за распределба на финансиски средства на спортски клубови и здруженија како и подршка на манифестации, турнири и проекти од областа на спортот од интерес на општина Кавадарци бр.08-7333/50 од 24.12.2021 година (“Сл.Гласник на Општина Кавадарци бр.5/21) ,

ОПШТИНА КАВАДАРЦИ – ЛОКАЛНА САМОУПРАВА

Објавува

ЈАВЕН ПОВИК бр 1/2022

За прибирање на апликации за финансиска подршка од Буџетот на Општина Кавадарци за 2022, наменети за спортски клубови и здруженија, општински и училишни сојузи како и подршка на манифестации, турнири и проекти од областа на спортот од интерес на општина Кавадарци

Се повикуваат спортски клубови и здруженија од областа на спорт регистрирани на подрачјето на општина Кавадарци, општински и училишни сојузи, општински и училишни сојузи, своите апликации за финансиска подршка од Буџетот на Општина Кавадарци за 2022 година, да ги достават до Општина Кавадарци – Локална самоуправа во предвидениот рок.

Распределбата на средствата од Буџетот на Општина Кавадарци за 2022 година, наменети за спортски клубови и здруженија од областа на спорт регистрирани на подрачјето на општина Кавадарци, општински и училишни сојузи, ќе се врши согласно Правилникот за утврдување на критериумите, начинот и постапката за распределба на финансиски средства на спортски клубови и здруженија како и подршка на манифестации, турнири и проекти од областа на спортот од интерес на општина Кавадарци бр.08-7333/50 од 24.12.2021 година (“Сл.Гласник на Општина Кавадарци бр.5/21) ,

Доделени благодарници на фудбалерите и управата на ГФК Тиквеш

27 Мај 2021 by Општина Кавадарци in Актуелни информации / Спорт

Градоначалникот на Кавадарци Митко Јанчев и претседателот на Советот Ристо Сакалиев, од името на Локалната самоуправа Кавадарци и Советот на Општина Кавадарци на сите фидбалери и управата на ГФК Тиквеш,им доделија Благодарници за големиот успех, за пласманот во најелитното фудбалско натпреварување ПМФЛ.

Само напред момци!

ГРАДСКИОТ СТАДИОН ВО КАВАДАРЦИ ДОБИВА ПОТПОЛНО НОВ ЛИК

16 Окт 2020 by Општина Кавадарци in Проекти / Спорт

Општина Кавадарци, Агенцијата за млади и спорт и Фудбалската федерација на Македонија со заедничка инвестиција го реконструираат градскиот стадион.

Деновиве привршуваат градежните работи на реконструкција и доградба на источната трибина, по што работите ќе се насочат кон реализација на новото проектно решение за изградба на јужната трибина која ќе биде целосно покриена со кровна конструкција.

После реконструкцијата на трибините, на стадионот ќе бидат поставени 2000 нови столчиња кои веќе се набавени.

Претходно беше отстранета старата трева од фудбалскиот терен, кој потоа доби нова подлога со систем за наводнување и дренажа. Врз него се поставиа нови бусени трева, кои добро ја прифатиа новата подлога и сега се во одлична состојба.

Во последната фаза од реконструкцијата на градскиот стадион, Општина Кавадарци целосно ќе ги обнови и модернизира соблекувалните и останатите простории во рамки на стадионот.

СЕ ПОДГОТВУВА ПОДЛОГАТА ЗА НОВА ТРЕВА НА ГРАДСКИОТ СТАДИОН

31 Јан 2020 by Општина Кавадарци in Проекти / Спорт

Агенцијата за млади и спорт и општината Кавадарци продолжуваат со гардежните работи на „Градскиот стадион“. Ангажираната оператива деновиве работи на нивелирање на земјената подлога како подготовка за поставување систем за дренирање, потоа линија за полевање и на крајот бусени нова трева

Според проектот најпрвин целосно беше отстранета старат трева, а подлогата под неа се подготви за следните делови од процесот за реконструкција на теренот.

Градкиот фудбалски стадион освен промената на сегашната подлога со нова трева, ќе добие и современо осветлување за одигрување на ноќни натпревари.

Сегашната трева на теренот, беше поставена летото 1968 година пред стартот на првенството вотогашната југословенска Втората сојузна фубалска лига- група исток, каде Тиквеш за прв пат се натпреваруваше во сезоната 1968/1969 година.