ПРОШИРУВАЊЕ НА УЛИЦАТА „ПЕРО ВИДЕВ“ КАЈ ВАТАШКИТЕ ГРОБИШТА

27 Јул 2018 by Општина Кавадарци in Разно

На барање на месната заедница од село Ваташа, општината реализира нов проект од комуналната изградба. Се работи за изведување на градежни работи за проширување на дел од улицата „Перо Видев“ во Ваташа која минува на северната страна од гробиштата.

Бидејќи станува збор за земјен пат кој потоа продолжува како полски пат, во реализацијата на оваа цел е вклучен багерот на ЈП „Комуналец“ од Кавадарци.

Се санира и проширува делница од 300 метри која започнува од влезот кај новата црква, а потоа продолжува кон лозовите насади на Ваташки рид.

Со овој проект општината ќе ги санира оштетувањата на патот кој жителите го користат како пристап до вечните почивалишта на нивните блиски, како и пат до нивните имоти во овој дел на Ваташкото виногорие.

ПРЕРЕДУВАЊЕ НА УЛИЦАТА ДИМЕ ПОП-АТАНАСОВ

26 Јул 2018 by Општина Кавадарци in Улици и тротоари

Програмата за комунална изградба предвидува и санација со прередување на улици каде бехатон коцките се во употреблива состојба.

Деновиве оперативата на фирмата „Ас машини“ од Кавадарци работи на прередување на павер елементите од улицата „Диме Поп-Атанасов“ на потегот од спојот со ул „Пионерска“ до спојот со ул „Ресавска“ кај првиот Триаголник.

Со прередувањето на павер елементите ќе се санираат вдлабнувањата и испакнатините на улицата на површниа од 530м².

АТМОСФЕРСКА КАНАЛИЗАЦИЈА НА УЛИЦАТА „ПИОНЕРСКА“

26 Јул 2018 by Општина Кавадарци in Урбанизам и Комунални дејности

Фирмата „Стентон градба“ од Битола е во завршна фаза на градежните активности за поставување нова атмосферска канализација на улицата „Пионерска“.

Градежните работи се изведуваат на последните 30 метри од целосно новата линија со вкупна должина од 265 метри. Новата линија од атмосферската канализација се гради на потегот од раскрсницата со улицата „Ресавска“ каде се спои со постојната атмосферска канализација, а во правец на ООУ „Тоде Хаџи-Тефов“.

За овој проект општината инвестира 1.060.473 денари, а парите се обезбедени од буџетот.

Со реализација на овој проект ќе се зафатат површинските води во овој дел на градот, со што при обилни врнежи ќе се намали количината на дождовна вода која се слева кон центарот.

Општината Кавадарци го реализира овој проект со цел подобрување на опфатеноста на градот со атмосферска канализација.

ПОПЛОЧЕН КРАК ОД УЛИЦАТА „12 ДРУГАРИ“

25 Јул 2018 by Општина Кавадарци in Проекти / Реализирани проекти / Улици и тротоари

Општина Кавадарци преку оперативата на фирмата „АС Машини“ од Кавадарци реализираше уште еден проект од комуналната изградба.

Согласно програмата со павер елементи беше поплочен крак од улицата „12 Другари“. Се работи за површина од 160м², веднаш до службените простории на ФК „Габер“ во Ваташа.

Притоа за формирање на контурите на улицата се поставија и ивичници во должина од 30 метри.

АСФАЛТИРАЊЕ НА КРАК ОД УЛИЦАТА „ВЛАДИМИР НАЗОР“

24 Јул 2018 by Општина Кавадарци in Улици и тротоари

Привршува реализацијата на втората кампања која општина Кавадарци ја спроведува за реконструкција на улици во градот и селото Марена.

Оперативата на фирмата „Изолација“ изведува асфалтирање на дел од улицата „Владимир Назор“ во населбата „Голи Оток“.

Согласно проектот се асфалтира површина од 950м² за што се предвидени средства во износ од 1.259.000 денари. Парите се обезбедени од буџетото на општината, сметка за комунална изградба.