ОБНОВЕН АСФАЛТ НА УЛИЦАТА „РАЈКО ЖИНЗИФОВ“

Ревитализирана уште една улица во Кавадарци. Фирмата „Изолација“ во рамките на проектот за обновување на дотрајаниот и оштетен асфалт на неколку улици, изврши поставување на нова асфалтна подлога на дел од улицата „Рајко Жинзифов“.

Овој пат се работи за поставување нов асфалт на површина од 1500м² и тоа на делот од спојот со улица „Шишка“ во должина од 260 метри.

4 УЛИЦИ ВО ГРАДОТ СО ЕДНОНАСОЧЕН СООБРАЌАЈ

16 Јул 2018 by Општина Кавадарци in Сообраќај

Општина Кавадрци воведува измени во режимот на одвивање на сообраќајот на неколку улици во централното градско подрачје. Согласно измените, четири улици во градот стануваат еднонасочни.

По улицата „Максим Горки“ сообраќајот ќе се одвива во насока од спојот со ул.„Партизанска“ кон спојот со улицата „Илинденска“,

Согласно новиот режим сообраќајот на улицата „Браќа Хаџи Тефови“ ќе се одвива во насока од спојот со улицата „Браќа Џунови“ кон спојот со улицата „Миле В’чков“.

На улицата „Браќа Џунови“ на потегот од спојот со улицата „7ми Септември“ до спојот со ул. „Браќа Хаџи – Тефови“ сообраќајот ќе се одвива во насока од улицата „7ми Септември“ кон улицата „Браќа Хаџи Тефови“,

Изменетиот режим на сообраќај на улицата „Ресавска“ се однесува на потегот од спојот со улиците „Тиквешко востание“ до спојот со улицата „Пионерска“. Овде сообраќајот ќе се одвива во насока од улицата „Пионерска“ кон улицата „Тиквешко востание“.

Овој изменет режим на сообраќај се воведува заради поголема пропустна моќ на градските сообраќајници, во функција на полема безбедност на возилата и пешаците.

РЕВИТАЛИЗИРАНА ДЕЛНИЦА ОД УЛИЦАТА „ДИСАНСКА“

16 Јул 2018 by Општина Кавадарци in Проекти / Реализирани проекти / Улици и тротоари

Во рамките на втората кампања за ревитализирање на улиците во Кавадарци, викендов изведувачот „Изолација“ асфалтираше делница од улицата „Дисанска“.

Согласно проектот се постави нов слој асфалт на површина од 1350 м², со што се обнови дел од оваа улица.

Претходно беше извршено гребење на стариот и оштетен асфалт.

На оваа локација општината инвестираше пари од буџетот за изградба на тротоарска делница.

УЛИЦАТА „СТРУШКА“ АСФАЛТИРАНА

16 Јул 2018 by Општина Кавадарци in Проекти / Реализирани проекти / Улици и тротоари

Оперативата на фирмата „Изолација“ изврши асфалтирање на улицата „Струшка“ со целосно нов слој на површина од 1340м².

Со ревитализација е опфатен делот од спојот со улица „Киро Крстев“ до спојот со улицата „Методи Џунов-Џико“.

Од сметка за комунална изградба општината инвестира 2.100.000 денари.

Во оваа кампања се реконструираа една улица во селото Марена, потоа улицата „Јован Планински“ улицата „Струшка“.

Ќе следува асфалтирање на улиците „Владимир Назор“, и „Дисанска“.

УЛИЦАТА „СТРУШКА“ ПОДГОТВЕНА ЗА АСФАЛТИРАЊЕ

12 Јул 2018 by Општина Кавадарци in Проекти / Тековни проекти / Улици и тротоари

Оперативата на фирмата „Изолација“ во склоп на проектот за ревитализација на улицата „Струшка“ изврши гребење на целата површина на стариот оштетен и дотраен асфалт.

Во наредните денови следува поставување на нов слој асфалт на површина од 1340м^2, од спојот со улица „Киро Крстев“ до спојот со Улицата „Методи Џунов-Џико“.

За оваа намена општината ќе потроши 2.100.000 денари. Парите се од буџетот, сметка за комунална изградба.

Според програмата на општина Кавадарци, во оваа кампања со реконструкција се опфатени улиците: „Струшка“, „Владимир Назор“, „Јован Планински“, „Дисанска“ и една улица во селото Марена.