Категорија: Улици и тротоари

Согласно Договорот помеѓу Општина Кавадарци како инвеститор и фирмата Павер Трејд ДООЕЛ Кавадарци како изведувач, денес се започна со поплочување во УЗ Кула со што ќе бидат опфатени два крака од ул.Блажо Алексов, потоа ул.Лазо Мицев, ул.Лазо Калешков, партерно уредување кај Симбимед и Бул.Македонија, краци на ул.Цано Поп Ристов и ул.Орце Николов. Вкупната вредност на овој договор изнесува 3.630.000,оо денари.

Заврши асфалтирањето пред домот во с.Ваташа. Се асфалтираше површина од 680 метри квадратни. По истиот договор ќе се започне и со асфалтирање на ул. Моклишка, кое треба да започне во наредните денови. Изведувач на работите е фирмата Градба промет, а вкупната финансиска вредност е 1 635 000 денари.

Во завршна фаза е комуналната изградба на ул.Илинденска. Се работеше на поставување на атмосферска канализација а потоа асфалтирање со површина од 950 метри квадратни. Согласно истиот проект беше извршено и поплочување со површина од 300 метри квадратни. Проектот се реализира по барање на жителите од овој дел од градот а изведувач на работите е фирмата Градба промет.

Оперативата на фирмата Градба промет од Кавадарци, денес асфалтираше паркинг простор на ул.Беласица и ул.Преспа со вкупна површина од 1400 метри квадратни. Се асфалтираше со асфалт аб11 со дебелина од 5 сантиметри.

Оперативата на ангажираната фирма „Градба промет“ од Кавадарци започна со реализирање на нов комунален проект во Општината Кавадарци. Во индустриската зона „22К -Западен булевар“ градежната механизација работи на асфалтирање на сервисна улица.

Според проектот се пробива улица во должина од 170 метри на потегот од спојот со булеварот кај „новата бензинска“ до повеќето стопански објекти. Пробивањето и урбанизацијата на оваа сообраќајница е дел од комуналната програма на општината во подобрување на инфраструктурните услови во индустриските зони на градот.