Категорија: Настани

Градоначалникот на Кавадарци, м-р Митко Јанчев, денес во работна посета го прими Амбасадорот на Бугарија неговата екселенција Ангел Ангелов.

Во протоколарниот дел Јанчев го запозна високиот гостин со културно историските традиции на општината и градот. На средбата беа опфатени прашања во врска со билатералната соработка меѓу двете земји, како и разменети мислења и видувања за нејзино натамошно унапредување со посебен нагласок на развојот и унапредувањето на соработката на локално Општинско ниво. Градоначалникот Јанчев го запозна гостинот и со економските капацитети на општината, каде има простор и потенцијал за унапредување на соработката.

Обострана беше оценката за видливиот напредок во развојот на меѓусебните односи каде централно место има имплементацијата на Договорот за  пријателство, добрососедство и соработка како добра основа.

Соговорниците ја реафирмира посветеноста на двете држави на добрососедската политика, како и соработката во рамки на меѓународните институции и регионалните иницијативи.

Email*

Во просториите на општинската зграда, свое излагање имаше д-р Лазар Нанев. На оваа презентација беа присутни Градоначалникот м-р Митко Јанчев, претставници од бизнис секторот и правници од локалната самоуправа. Со најновите измени и дополнувања на Законот за судови во делот за утврдување на надлежноста на судовите со проширена надлежност се вметнува Основниот суд во Кавадарци, за кого се наведува дека ги врши работите од проширена надлежност не само на својата територија туку и на подрачјето на Основниот суд во Неготино. Овие измени во Законот за судови беа тема на денешната презентација преку која бизнис секторот и локалната самоуправа се запознаа со овие измени.

Во големата сала на Општина Кавадарци денеска се одржа Јавна презентација на проектот за изградба на нова градинката на локација на улицата „Ресавска“.

На тема „Првична ограничена оцена на влијание врз животна средина и социјални аспекти за изградба на нова градинка” зборуваа: Наташа Тасевска-Стојановска од Министерството за труд и социјална политика која пред присутните го презентираше проектот за новата градинка, потоа м-р Марија Малиновска која го образложи основниот проект за градинката, како и м-р Славјанка Пејчиновск- Андова која говореше на тема „Првична и ограничена оцена врз влијанието на животната средина и социјалниот аспект за изградба на новата градинка“.

На презентација присуствуваа:граѓани, родители, персонал од градинките, лица од општината, социјални работници, невладини организации, граѓански здруженија и други засегнати страни.

Со изградбата на новата градинка општината очекува значајно да го реши проблемот со недостиг на капацитети за сместување на децатра од предучилишна возраст во ОЈУ Градинка „Рада Поцева“.

Дирекцијата за заштита и спасување денес реализираше превентивна и едукативна акција на градскиот плоштад. Во акцијата се вклучени и локалната самоуправа, полициска станица и противпожарна единица Кавадарци.