Phone: Address:

Вести

    All Blog Posts

    Јавен повик до евидентирани невработени лица за вклучување во Програмата Општинско – корисна работа

    Јавен повик до евидентирани невработени лица за вклучување во Програмата Општинско – корисна работа

    14 Сеп 2017 by Општина Кавадарци in

    Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “Грижа за стари, изнемоштени, инвалидизирани и лица со оштетен вид”  за работно ангажирање со скратено работно време за период од 6 (шест) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Кавадарци.

    Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на работниот ангажман од 6 (шест) месеци статусот на невработените лица  останува непроменет, а на невработените лица-корисници на социјална помош за времетраење на работниот ангажман ќе им биде активно правото на користење на социјална помош.

    За кандидатите  кои ќе бидат избрани и вклучени во Програмата Општинско-корисна работа се предвидува паричен надоместок во висина од 6.200,00 денари, што вклучува персонален данок на доход и осигурување од случај на несреќа при работа и професионално заболување.

    Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:

    –       млади лица до 29 години со ниски квалификации

    –       невработени лица евидентирани во АВРМ најмалку една година

    –       млади невработени лица евидентирани во АВРМ најмалку 6 месеци

    –       деца без родители и родителска грижа

    –       самохрани родители

    –       Роми

    Работните позиции кои се опфатени со овој оглас се однесуваат на ангажирање на :

    –       Неговател/ка за пружење на елементарна помош и грижа за старите, изнемоштените, инвалидизираните и лицата со оштетен вид која опфаќа: Набавка и достава на лекарства и други намирници за кои ќе се јави потреба; Набавка и достава на храна и други неопходни продукти за егзистенцијални  потреби; Плаќање на месечните сметки за струја, телефон, вода и слично; Заедничко дружење со корисниците на проектот

    Заинтресираните невработени лица  Пријави за учество во Програмата „Општинско-корисна работа“ можат да подигнат и поднесат во Агенција за вработување- Центар за вработување Кавадарци во периодот од 14.09.2017 година до 20.09.2017 година.

    Поконкретните услови, права и обврски ќе бидат уредени со склучување на Договор помеѓу општина Кавадарци и избраните кандидати.

    Детални информации за Програмата „Општинско-корисна работа“ можат да се добијат во општина Кавадарци кај лицето Вишна Ристовска, Претставник на општината за Програмата „Општинско-корисна работа“, Агенција за вработување- Центар за вработување Кавадарци кај лицето Велика Мурџевалеска,  Центар за социјлна работа Кавадарци кај лицето Сузана Димкова.

     

    Оглас
    Преземи документ

     

    Отчет за реализираните проекти на градоначалникот на Кавадарци во периодот 2013 – 2017 „ДЕЛА ЗА КАВАДАРЦИ“

    Отчет за реализираните проекти на градоначалникот на Кавадарци во периодот 2013 – 2017 „ДЕЛА ЗА КАВАДАРЦИ“

    25 Авг 2017 by Општина Кавадарци in

    Почитувани,

    На крајот од  мандатот, воден од принципот на транспарентност и отчетност, ми третставува чест пред Вас, граѓаните на Општина Кавадарци со слика и збор да ги претставам сите дела за Кавадарци во периодот 2013-2017 год.

    Во изминатите 4 години и покрај сериозните тешкотии предизвикани од политичката криза, организираниот атак, опструкциите и заканите на опозицијата – сега централна власт, успеавме да реализираме висок процент од проектите кои што беа наша основна задача и посветеност од почетокот на мандатот.

    Упатувам искрена БЛАГОДАРНОСТ мојата фамилија, до граѓаните на Општина Кавадарци, партијата ВМРО-ДПМНЕ, Советото на Општина Кавадарци, локалната администрација, вработените и раководниот и стручен кадар во јавните институции, бизнис секторот и до позитивните критичари, со чија поддршка и помош  реализиравме круцијални проекти кои што во минатото беа мои лични визии, воден од прмисата „Кавадарци,над сите“.

    Реализираните проекти што ќе ги видите во оваае електронска презентација, зборуваат за нас, за нашиот однос кон Вас граѓаните и комапниите од нашето Кавадарци.

    Ова е нашата политичка борба и метод, како да се стигне до гласот на граѓаните.

    Така беше, така и ќе остане!

     

    Со почит

    Дипл прав.Александар Панов

    [pdf issuu_pdf_id=”170825081313-e1b4def7d7414b0eba3edb7688d9e7e3″ width=”640″ height=”480″ layout=”2″ bgcolor=”FFFFFF” allow_full_screen_=”1″ show_flip_buttons=”1″ flip_timelaps=”6000″ ]

    Интервију со градоначалникот Александар Панов

    Интервију со градоначалникот Александар Панов

    28 Јул 2017 by Општина Кавадарци in

    Општина Кавадарци ја дели судбината на останатите македонски локални самоуправи кои изминатиот период работеа во услови на изразена политичка криза на државно ниво. Но добар дел од „цехот“ на  таа криза го платиа тие, заради одредби од политичкиот договор. Во такви услови мораа да ја прилагодат работата и да функционираат само во изворните надлежности. Градоначалниците и советите ги извршуваа основните функции, а во другите сегменти од работата општините можеа да ги реализираат само веќе започнатите проекти.

                Во ова издание на весникот реализираме интервију со градоначалникот на Кавадарци г.Александар Панов кој зборува за одразот на политичката криза, за реализираните проекти, како и за актуелната политичка ситуација во Македонија во пресрет на најголемиот национален празник Илинден – 2 Август.

    Интервију – градоначалникот Александар Панов
    Преземи документ
    РЕКОНСТРУКЦИЈА НА ДЕЛНИЦА ОД ЛОКАЛНИОТ ПАТ ВОЗАРЦИ-БРАНА ХЕЦ „ТИКВЕШ“

    РЕКОНСТРУКЦИЈА НА ДЕЛНИЦА ОД ЛОКАЛНИОТ ПАТ ВОЗАРЦИ-БРАНА ХЕЦ „ТИКВЕШ“

    6 Јул 2017 by Општина Кавадарци in /

                Општина Кавадарци во склоп на редовната комунална изградба деновиве интензивно работи на реконструкција на делницата од локалниот пат село Возарци-брана ХЕЦ„Тиквеш“. Станува збор за зафат со кој ќе се рконструра дел во должина од 1100 метри на потегот после мостот на Црна Река во правец кон браната.

    Оперативата на кавадаречката фирма „Урбан инвест“ согласно проектот на оваа делница работи на коловозна лента од 5,5 метри широчина. Истата беше тампонирана и подготвена за асфалтирање. Деновиве започне поставувањето на асфалтната подлога со дебелина од 7 сантиметри на вкупна површина од 4 600м2. Новата ревитализирана делница од патот ќе има две коловозни ленти секоја со широчина од 2 метри, а од  двете страни се поставени банкини со широчина од по 75 сантиметри.

                За оваа намена Општината ќе потроши 4.000.000 денари. Парите се обезбедени Согласно договорите за заем и договорот за ИПА грант од Европската Комисија помеѓу Маѓународната банка за обнова и развој и Република Македонија претставувана од Министерството за фуинансии и Општина Кавадарци,.

                Се очекува работите целосно да завршат деновиве, по што сите кои го користат овој патен правец ќе ги почуствуваат придобивките од неговата ревитализација.

    Освен за жителите на викенд населбите, ревитализацијата на овој локален пат ќе има големо значење и во развојот на алтернативниот,, планинскиот и езерскиот туризам во општината.