Листа на баратели за субвенционирање на велосипеди за 2021 година

31 Мај 2021 by Општина Кавадарци in Актуелни информации / Огласи и соопштенија

Записник од одобрени и одбиени барања во рамките на предвидениот буџет и критериумите по Повикот за имплементација на мерките за субвенционирање на граѓаните на подрачјето на општина Кавадарци за купување велосипеди за 2021 година.

ЛИСТА НА БАРАТЕЛИ

ЈАВЕН ПОВИК за надоместување на дел од трошоците на граѓаните на подрачјето на Општина Кавадарци за купување на енергетско ефикасни грејни тела за 2021 година

28 Мај 2021 by Општина Кавадарци in Актуелни информации / Огласи и соопштенија

Врз основа на член 50 став 1 точка 6 од Законот за локална самоуправа (“Сл.весник на РМ бр.05/2002), Програмата за развој на Општина Кавадарци за 2021 година бр.08-6496/26, член 113 став 1 точка 2 од Статутот на Општина Кавадарци (“Сл.гласник на Општина Кавадаци бр.8/05),, Правилник за условите, начинот и постапката за користење на финансиски средства од Буџетот на Општина Кавадарци за субвенционирање на физички лица од подрачјето на Општина Кавадарци за купување на енергетско ефикасни грејни тела бр.08-4989/6 од 25.09.2020 и Одлука за определување на максимален износ за доделување на поединечна субвенција на граѓани за купување на енергетско ефикасни грејни тела за 2021 година бр.08-3077/11 од 27.05.2021, Општина Кавадарци распишува

ЈАВЕН ПОВИК

за надоместување на дел од трошоците на граѓаните на подрачјето на Општина Кавадарци за купување на енергетско ефикасни грејни тела за 2021 година

Опис на Јавниот повик

Општина Кавадарци, со цел да ги стимулира жителите на Кавадарци (домаќинствата) за примена на почисто гориво и поквалитетни грејни тела за затоплување на своите домови, кои имаат повисока енергетска ефикасност и пониски емисии во воздухот, на жителите кои ќе купат енергетско ефикасни грејни тела (печки на палети и инвертер клими), ќе им надомести дел од трошоците направени при набавка на енергетско ефикасни грејни тела во висина од 50%, но не повеќе од 15.000 денари со вклучен персонален данок на доход по домаќинство.
Јавниот повик трае 20 дена од денот на објавувањето и тоа од 28.05.2021 година заклучно со 16.06.2021 година.
Јавниот повик ќе се реализира по принципот „Јавно извлекување“.

Право на учество на Јавниот повик:

Право на учество на Јавниот повик имаат жителите на Општина Кавадарци кои ќе купат енергетско ефикасно грејни тела од денот на објавувањето на Јавниот повик до денот на завршувањето на повикот и ќе поднесат барање за надоместување на дел од трошоците за набавка на енергетско ефикасни грејни тела.

Доделени благодарници на фудбалерите и управата на ГФК Тиквеш

27 Мај 2021 by Општина Кавадарци in Актуелни информации / Спорт

Градоначалникот на Кавадарци Митко Јанчев и претседателот на Советот Ристо Сакалиев, од името на Локалната самоуправа Кавадарци и Советот на Општина Кавадарци на сите фидбалери и управата на ГФК Тиквеш,им доделија Благодарници за големиот успех, за пласманот во најелитното фудбалско натпреварување ПМФЛ.

Само напред момци!

Покана за доставување на понуди за изведба на градежни и инженерски работи во Општина Кавадарци, Програма за водовод и канализација Македонија, фаза II

27 Мај 2021 by Општина Кавадарци in Актуелни информации / Огласи и соопштенија

ЈП Комуналец Кавадарци со финансиски средства од KFW, за потребите на Програмата за Водовод и канализација во Македонија, фаза II, има намера да искористи дел од средствата за исплата според договорот за набавка на работи во Општина Кавадарци. Овој договор ќе биде финансиран со грантови од германска билатерална соработка, преку KFW.

Објава за продолжување на нова дозвола на Нова Инжинеринг

25 Мај 2021 by Општина Кавадарци in Актуелни информации / Животна средина

Согласно член 99 став 1 и член 122 став 4 од Законот за животна средина (Сл весник на Р.М бр. 53/2005, 81/2005, 24/2007, 159/2008, 83/2009, 48/10, 124/10, 51/11, 123/12, 93/13, 187/13, 42/14, 44/15, 129/15, 39/16, 28/18, 65/18 и 99/18), Градоначалникот на Општина Кавадарци:

ОБЈАВУВА Барање за добивање Б – Интегрирана еколошка дозвола

Врз основа на член 124 од Законот за животна средина (Сл весник на Р.М. бр.53/2005, 81/2005, 24/2007, 159/2008, 83/2009, 48/10, 124/10, 51/11, 123/12, 93/13, 187/13, 42/14, 44/15, 129/15, 39/16, 28/18, 65/18 и 99/18), до Градоначалникот на Општина Кавадарци е доставено барање за добивање Б – Интегрирана еколошка дозвола бр. 11-1439/8 од ДИРГР НОВА ИНЖИНЕРИНГ дооел, инсталација во с. Возарци – Кавадарци.

Категорија на инсталацијата:

Прилог 1, точка 2, Производство и преработка на метали, односно подточка 2.3 инсталација за обработка на ферометали:

Производство и преработка на метали

Ја информираме јавноста дека сите потребни информации за барањето за Б – Интегрирана еколошка дозвола, ќе бидат достапни во просториите на Општина Кавадарци во Секторот за урбанизам, комунални дејности и заштита на животна средина. Заитересираната јавност може да изврши увид во истата во рок од 15 дена од денот на објавување во просториите на локална самоуправа во соба број 2/3 од 9,00 до 12,00 часот.