Категорија: Актуелни информации

Општествено одговорните компании „Инел Солар„ и „Метал Апостолов“ од Кавадарци ја донираа првата „паметна клупа“ во општината.

 Клупата е поставена на градскиот плоштад и е опремена со соларни панели за производство на електрична енергија со приклучоци за полнење на бтериите на сите типови на мобилни телефони.

Во склоп на клупата се поставени и држачи за велосипеди, како и компресор за воздух со кој ќе можат да се пумпаат гумите на велосипедите.

Општината оваа донација ја предава во употреба на граѓаните.

Градските власти навреме и превентивно интервенираат да се одржуваат украсите на градот во зимскиот период.

Специјализираната фирма „Водена оаза“ од Скопје, денеска ги прекри со цирада фонтаните на плоштадот, за да ги спаси инсталацијата од расипување и поголеми штети, поради претстојните ниски температури и евентуалните мразеви.

Истата фирма летово изврши целосна репарација на базените од постојните фонтани. Во нив освен старите централни млазници, се поставиа кружни фонтани од инокс со повеќе млазници.

Кога се во функција, водата во фонтаните ја придвижуваат шест пумпи, по три во секоја фонтани, а нивнат сила од водата создава најразлични форми. Навечер фонтаните се осветлени во повеќе бои со подводни ЛЕД рефлектори поставени на кружните конструкции.

Општината со овој проект летово му даде дополнителна вредност на реконструираниот градски полштад.

Денеска на прес конференција претставници од повикувачкиот центар, граѓанскио-услужниот центар информираа дека кавадарчани се почесто ги користат нивните услуги. На бројот 13 300 најчести се барањата од граѓаните за решавање на проблеми од комунален карактер.

Неодговорни лица, неодамна со своето деструктивно однесување направиле штета на рефлекторите и канделабрите од инсталацијата на Јавното улично осветлување на „Спомен костурницата“ во градскиот парк.

Оштетени се неколку рефлектори, од кои на еден целосно му е искршено заштитното стакло, а кај друг истото е распукано. Недоветните индивиди направиле штета и на неколкуте канделабри при што искршиле и оштетиле, лед светилки и кугли.

Општината целосно го обнови Јавното улично осветлување на костурницата и во градскиот парк, минатата година, предавајќи го на користење на граѓаните, но и на совеста за негова заштита.

Општината и овојпат упатува апел до граѓаните, заеднички да го штитат општото добро во интерес на сите,а за непознатите сторители ќе се превземат соодветни законски санкции.